Gilboa mati matipaã, hanua detenamenika kushipabũ mabu pema pema ashiãbu inũ Saulũ nemati mane txapui hawẽ txasha ma pui itxai keyuaiwẽ taea hau mĩ mai anu ui inũ bishi nibi miki ana niri iyamashanũwẽ.
Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya
Mai uke meranua dasibi ianẽwã tuebiranairã, tsuã hene nemakĩ maĩwẽ bepukĩ kesha wakĩ metu wabaunimẽ?
Mã Mati Sião anu hiweabuũ, benimarikãwẽ. Hanu ui pakei taekaini inũ hanu bari pakei taekaini hanu shaba pepatiã Senhor Deusũ ui yunumiswẽ taea matũ Mekenika Senhor Deuswẽ benimakubaĩkãwẽ. Txanima uatiã matu ashũmis keska ana habias keskari matu ashũkubaĩshanikiki.
Ana yuikĩ: “Ha dikabi shekiwã trigo tsekariabuma ushe dabe inũ bestitiã taewakĩ ui ẽ yunuama ikũkainimaki. Maewã betsa anu ui imakĩ hakia maewã betsa anuri ui imakĩ ẽ yunuama ikimaki. Hatũ yunu bai betsa anu ui imakĩ hakia yunu bai betsa anu ui yunuama ẽ tsusĩwãkĩ keyuimaki.
Hakia haska matũ Epa nai anuatũ yura pepabu inũ yura txakabubuwẽ nuikĩ hatu bari txashamashũmis inũ ui imashũmis keska wakĩ maturi yura dasibibuwẽ nuikĩ mã hatu merabewakubainaiwẽ taeshũ habũ uĩkĩ mã Deusũ bakebu unãshãkanikiki.