Jó 31:4 - Kaxinawá Bíblia (BR)

Hamapai sharabu ẽ akubaĩmis tibi Deusũ txanima ea uĩkubaĩmiski.

Jó 31:4 Referencias Cruzadas

Gênesis 16:13

Agar Deusbe hãtxashu shinãkĩ yuikĩ: —Deusũ ea uĩbiashu mawama ẽ hiweyuaki. Haskawẽ taeshũ na nenu kenakinã: “Deusũ uiaĩki”— akĩ Agarĩ kenanikiaki.

Jó 11:11

Tsuara parananaĩ txanitxakamisbu Deusũ unãmiski. Txakabu meaibu uĩmiski. Haska hatu uĩtã hatu kupitiruma mĩ shinaĩ?

Jó 31:37

Shanẽ ibuhairatũ bake keskai pepai hawa txakabuma Deuski kematã dasibi ẽ akubiranai ha bebũ nishũ ẽ yui keyushanaii, hawa dakeamarã.

Provérbios 15:3

Senhor Deusũnã, dasibi mae tibi anuabu hatu uĩ keyubaunikiki, habu pepabu inũ habu txakabuburã.

Provérbios 5:21

Huni tibi mapushũ akubainaibu haska akaibu Senhor Deusũ uĩkĩ hawa hakimama shinãkubaĩmiski.

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

João 1:48

hawẽ hãtxa nĩkabirã Natanaelĩ Jesus yukakĩ: —Haskakĩ hanishũ ea uĩmisshũ mĩ ea unaĩ?— aka Jesusũ Nataniel yuikĩ: —Filipẽ mia kenariama mibã figueira hi namã tsaushũ mĩ xinaĩ ẽ mia unãshuki— aka

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.