Jeremias 36:10 - Kaxinawá Bíblia (BR)

Templo hemaĩtĩ hikiti shui hawẽ kena “Beputi Bena” ukeria anu kenenika Safãnẽ huni bake Gemariasĩ dĩtu manaũri Baruque mapeketã hanu uĩti shui anu nishũ Jeremiasĩ hãtxa una sebiki kenamashina dasibi yurabu hanu itxai keyushũ nĩkaibu anu hui kushipawẽ Baruquẽ hatu yuishũkubaĩkĩ heneaya

Jeremias 36:10 Referencias Cruzadas

2 Samuel 20:25

Haskakubainaibukiri habũ kaka tibi Seva hatukiri kenekubainaya hanua hawenabu Deusbe hatu hãtxashunikabu dabe Zadoque inũ Abiatar ikubainaibũ

2 Reis 18:37

hanushũ Eliaquim hatũ shanẽ ibũ hiwe mekemis inũ, Sebnã shaba tibi ikaibukiri keneshũkubaĩmis inũ, Asafẽ bake Joá shanẽ ibu keneshunikatũ hatũ hãtxa nĩkatã huĩti nishmahairatã hatũ tari ushnibaini haska Assíria detenamenika shanẽ ibu Rabsaquẽ ma hatu yuishu Ezequiaski txanikĩ yuitanũ ika Jerusalém anu hikibaĩ yuinibukiaki.

2 Reis 22:3

Josias shanẽ ibuhairani ma 18 ano kaya hanushũ shaba tibi ikai hatũ keneshũmis Safã kenashũ Senhor Deus kẽwãti hiwe anu yununikiaki. Safãnẽ eparã, Azalias inikiaki. Hawẽ hutxirã, Mesulão inikiaki. Josiasĩ Safã yunukĩ yuikĩ:

Jeremias 26:10

Judá enabu shanẽ ibu inũ shanẽ ibu beshmasbũ ha haska waibu nĩkatã shanẽ ibuhairatũ hiwe anua tashnibirani Templo hemaĩtĩ anu hikia haskaibu unãti wanũ ika hanu hikiti shui hawẽ kenarã, “Bena” ha bebũ tsauabũ

Jeremias 26:24

Safãnẽ huni bake Aicão Jeremias hãtxashunaiwẽ taea hau yurã kaianẽ tenanũbũ shanẽ ibubũ Jeremias hatu yunuama inibukiaki.

Jeremias 36:11

Senhor Deusũ hãtxa Baruquẽ hatu yuiai Safãnẽ baba Gemariasĩ huni bake Miquéiasĩ nĩka keyubaĩ

Jeremias 36:25

Una sebi hau meshtetã kuakĩ haska wayamanũ Elnatã inũ, Delaías inũ, Gemariasĩ nemabiabu Jeoaquimnẽ hawa hatu nĩkamahaira kuakubaĩkĩ keyunikiaki.

Jeremias 36:6

Haskawẽ taea ha shaba betsatiã Jerusalém anu hiweabu inũ Judá enabũ mai pakea anu mae betsa betsapa anu hiweabu habu samakei itxaibutiã Templo hemaĩtĩ anu kashũ hanu itxai beshiãbu dasibibũ Senhor Deusũ hãtxa hau nĩkanũbũ ha ẽ mia yuia una sebiki mĩ kenekubaĩshina hui kushipawẽ hatu ea yuishũshãwẽ.

Jeremias 36:8

haska Deusũ hãtxa yuishunika Jeremiasĩ yunushina Senhor Deusũ hãtxa una sebiki kene keyushĩshũ Neriasĩ bake Baruquẽ hatu yuishunũ ika kashũ

Jeremias 52:25

detenamenikabu yununika shanẽ ibu beshmas inũ, Judá enabu shanẽ ibuhaira dayashũmisbu 7bu bashikunibu inũ, ha hunĩ detenamenikabu wakĩ hatu katumis shanẽ ibu beshmas inũ, 70 hunibu merabenãmisbu dasibibũ ha mae anushũ unaĩbu Jerusalém anu habu bashikuni hiweabu betxitã