Isaías 41:22 - Kaxinawá Bíblia (BR)

Matu nĩkanũ uatiã ishanai nukuki txanikãwẽ. Uatiã ma iyamakiri nuku yusĩkĩ unãmakãwẽ. Hamapai tibi ishanai nukuki txanikãwẽ, haska kaĩtã keyushanai nũ uĩshanunã.

Isaías 41:22 Referencias Cruzadas

Isaías 41:26

Haskai nũ uinũ barinũ bebũkirihaira ha shanẽ ibukiri, tsua hatuki txaninimẽ? Ha hunĩ ashanai txanima bebũkiri yuini haskawẽ taeshũ nũ e itã unãtiruburã, tsuã animẽ? Damipaã, hawa betsa taska mã txaniama iniki. Mã ha shanẽ ibukiri hãtxai hawa hãtxa mã yuiai tsuã hawa nĩkamahaira iniki.

Isaías 42:9

Uatiã ẽ matuki txaninirã, dasibi bebũkiri ẽ yuini ẽ ma akĩ keyuaki, menekinã. Na habiatianã, ana haskashanai bebũkiri kaka bena ẽ matu tapĩmaii, matu bebũ tashniriama bebũkiri mã unãkubaĩshanũbunã.

Isaías 44:7

Tsuã ẽ akai keska atiru hayamẽ? Ha haska haya hãtxakĩ hau ea tapĩmanũwẽ. Dami wakĩ taewani inũ u unu iki kai inũ ma hawara tashni kema bebũkiri yuikinã, tsua txanikĩ yuitirumẽ? Haskarã, tsua hayamaki. Eã besti ẽ atiruki.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

João 13:19

Ea ẽ inirã, mã ikũwãshanũbũ haska ea washanaibu bebũkiri ẽ matu banabimai txaniaii.

João 16:14

Ha Yushĩ Txanima Unãmanika hamebi huama ẽ kuxipa bitã matu unãmakĩ inãkĩ matu kuxipa washanikiki.