Isaías 45:22 - Kaxinawá Bíblia (BR)

²² Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 45:22 Referencias Cruzadas

Salmos 22:17

Ẽ shau tibi uĩkĩ ẽ tanatiruki. Eki sinataibũ beri ikama ea uĩ heneisbumaki.

Salmos 65:5

Mĩ nukũ mekenika Deusũnã, pepa yunukĩ txakabu nemanishũ hawẽ mĩ kushipahaira nuku uĩmakĩ e imakĩ mĩ nuku shabakabi hawẽ manakukubainaii. Mai hirabi kesukauana anu inũ ianẽwã anu txaihaira hiweabũ mia ikũwaĩ miki txiti ikabuki.

Salmos 65:6

Mĩ kushipa paewẽ mati matipa mĩ hatu tsuma pewakĩ mestẽwãmiski.

Isaías 30:15

Ha Israelĩ enabũ Deus meribitũ hatu yuikĩ: “Eanu txĩtũtã unanuma mã bashikuairã, mã piskushanaii. Ha unanuma mã hawẽ hiwei hawa dateama mã haki txiti ikairã, hanu mã hawẽ kushipaii”, ẽ matu wabia hakia matubu mã haskakatsi ikamaki.

Isaías 41:22

Matu nĩkanũ uatiã ishanai nukuki txanikãwẽ. Uatiã ma iyamakiri nuku yusĩkĩ unãmakãwẽ. Hamapai tibi ishanai nukuki txanikãwẽ, haska kaĩtã keyushanai nũ uĩshanunã.

Isaías 43:6

Nortekiri hiweabu eã hatu yuikĩ: ‘Enabu ea ana hatu nitxĩshũrikãwẽ’, akĩ sulkiri hiweabu hatu yuikĩ: ‘Enabu ana hari yaushiama ẽ huni bakebu inũ ẽ aĩbu bakebu nenuma mai kesukauna anua ea hatu iweshũrikãwẽ.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Isaías 45:5

Earã, ẽ habia Senhor Deuski, betsa hayamarã. Ea keska betsa Deus kayabi hayamahairaki. Mai pakea tibibe mĩ hatube detenameshanũ ẽ mia kushipa wakĩ pewaniki, mĩ ea unãmabiakenã,

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Isaías 52:10

Senhor Deusũ hawẽ kushipa hatu uĩmashanikiki, dasibi mai pakea nawa shukua tibi anu manibaũshũ uiaĩbunã. Dasibi mai hirabi anushũ ma nukũ Deusũ nuku mekekĩ piskuma nĩkakĩ unãshãkanikiki.

Isaías 55:5

Nawabũ matu unãbuma mã hatu kenaya habũ matu unãmabia nĩkanũ ika matu anu kushibirãshãkanikiki, ea Israelĩ Senhor Deus meribitũ ẽ kushipawẽ ẽ matu duawaiwẽ taearã”, ikai nĩkatã

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Miquéias 7:7

Hakia merabe ẽ yuka ea nĩkashanaiwẽ taeshũ ea hatũ piskumashanai Senhor Deus manakakĩ Deus besti huai ẽ manakubaĩshanaii.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.