Isaías 45:23 - Kaxinawá Bíblia (BR)

²³ Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 45:23 Referencias Cruzadas

Salmos 63:11

Ẽ shanẽ ibuhairarã, ẽ Deus shinaĩ ẽ benimakũkaĩmiski. Tsuabũra Deusũ kena datã aki hakiri kãtakĩ kẽwãkubaĩmisbuki. Hakia tsuabura hãtxai txanitxakaiburã, hatũ kesha Deusũ hatu bepumiski.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 49:18

Bewenikitã mĩ mae uĩbaũwẽ, dasibi itxatã mia anu ana bei haskabirãkanimẽkainã. “Ea Senhor Deus ẽ hiweawẽ ibubis mia akatsi ẽ yubakaii. Dasibi habu beshunã, mane inũ tari hawẽrua mia sawemakĩ akawai bekanikiki, aĩbu beneyakatsi daumis keska mia wakinã.

Isaías 55:11

Habiaska keskariai ẽ hãtxawẽ ẽ hatu hãtxa wa hawa wariama ea anu hamẽ ana txĩtũtirumaki. Hakia haska ẽ uĩkĩ betxipaiai keska ẽ hatu yunua habũ akĩ menemisbuki.

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Amós 6:8

Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Romanos 11:4

aka Deusũ Elias yuikĩ: “Dateyamawe. Mĩ mimestimaki. Enababu betsa habu ẽ hatu mekea 7.000 hayabuki, habũ ea txibaĩ txĩtuãbuma ha yushĩ betsa Baal dami ha namã dãti itã habũ kẽwãbumarã”, akĩ Elias yuiniki.

Deuteronômio 6:13

Haska shinaĩ Senhor Deuski mesekĩ kẽwaĩ ha besti dayashuni peshũkubaĩshãkãwẽ. Tsuabura mã yubakakatsis ikairã: ‘Ẽ mia parãmaki’, iwanã, Senhor Deusũ kena bestiwẽ shabakabi yubakakubaĩshãkãwẽ.

Filipenses 2:10

hau ha Jesusũ kena nĩkatã dasibibu nai anua inũ, mai anua inũ, hanushũ mawabũ yushĩ manamisbu anushũ habũ kẽwaĩ dãti itã