Isaías 45:24 - Kaxinawá Bíblia (BR)

²⁴ ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Isaías 45:24 Referencias Cruzadas

Salmos 110:2

Sião anushũ Senhor Deusũ hawẽ shanẽ ibu unãmati mane mestẽti mĩ hawẽ kushipashanai mia inãshanikiki. Bitã miki sinataibu maemakĩ hatu yunukubaĩwẽ!

Isaías 41:11

Dasibi habũ matu danaĩbu ẽ hatu dakewa babushãkanikiki. Habu matuki sinatakĩ matu detemisbu manakukĩ ẽ matu hatu yamawashũshanaii.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Isaías 55:5

Nawabũ matu unãbuma mã hatu kenaya habũ matu unãmabia nĩkanũ ika matu anu kushibirãshãkanikiki, ea Israelĩ Senhor Deus meribitũ ẽ kushipawẽ ẽ matu duawaiwẽ taearã”, ikai nĩkatã

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Habacuque 3:19

Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.

Lucas 13:17

habu haki sinataibu hatu txitea daketxakayamai hawa yuiama maniabũ yura itxapabũ Jesusũ betsa betsapa pepa dasibi waiwẽ taea benimai keyuaibũ

Lucas 19:27

Ha inũ, habu eki sinatakĩ hau hatũ shanẽ ibu ẽ iyamashanũ, habũ ea abuama danaĩmaburã, itãshũ ẽ besuubi hatu tenãkãwẽ”, hatu akimakiaki— Jesusũ hatu wabaini

João 12:32

Mai anushũ ea binikĩ sanãkĩ nitxĩmabũ haskawẽ taeshũ dasibibu ninia keska wakĩ ea anu ẽ hatu iweshanaii, hau itxapabũ ea ikũwanũbunã— iwanã,

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.