Isaías 45:25 - Kaxinawá Bíblia (BR)

²⁵ Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 45:25 Referencias Cruzadas

Salmos 22:23

Dasibibũ mã Senhor Deus duawamisbuũ, matũ huiwẽ kẽwãkãwẽ. Dasibi Jacó enabuũ, Senhor Deus pepawakĩ ewapawakãwẽ. Dasibi Israelĩ enabuũ, Senhor Deuski mesekĩ kẽwãkãwẽ.

Isaías 28:5

Ha haskaitianã, Deus dasibi binua shanẽ ibui maiti pepa txashakapa hawẽrua sawea keska ishanikiki. Ha hawẽ mae tesheniburã, haburã, Deusũ kushipawẽ hawẽruai pepahairashãkanikiki.

Isaías 41:16

Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Isaías 50:8

Hatũ ea mekemistũ ea keshekẽ tsuara eki sinatai huayarã, hatũ unãti wakĩ pewanikatũ hau nuku pewanũ hanu bunãkãwẽ. Tsuãra ẽ txakabukiri ea txitekatsis ikirã, hushũ hau ea yui benũbũwẽ.

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Isaías 60:19

Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Isaías 65:23

Ana hamẽmẽs besti dayama ishãkanikiki. Hatũ bakebu mesteburiama inũ yushaburiama ana mawama ishãkanikiki. Hatũ ibubu inũ, hatũ bakebu inũ, hatũ bababu inũ, dasibi hatunabu pakubainaibu habiaskasri hiwepakeshãkanikiki, eã ẽ hatu duawakubainaiwẽ taearã.

Romanos 4:16

Hawara Deusũ abuai Abraãonẽ ikũwãkĩ ani keska wakĩ Deusũ hawẽ hãtxa mã ikũwaĩnã, hawẽ hãtxa benutima wakĩ nuku mestẽwãshuniki, hawa pakama hawẽ inãkuĩ ikũwãkĩ nũ bishanũbunã. Ha Deusũ Abraão yubani xinãkĩ tsuabũra hawẽ yunuti inũ hawẽ nemati nũ txibãkĩ Jesus nũ ikũwaĩbu inũ, tsuabũra Moisés hãtxa txibãma Abraãonẽ ikũwãni keskakĩ mã ikũwaĩbu mai hirabi nuku yunushanairã, Deusũ Abraãowẽ nuku dasibi yubashuniki, dasibi ikũwaĩbũ shenipabu wakinã.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

1 Coríntios 1:31

Nuku haska wanũbariaikiri bebũkiri Jeremiasĩ keneni nĩkairakãwẽ: “Tsuabũra kẽwaĩ hamebi keãma nukũ Yavé Deus besti hau kẽwãkubainũbũwẽ”, iniki.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

2 Coríntios 10:17

Haskakẽ tsuara kẽkinã, hau nukũ Shanẽ Ibu besti kẽwãkubainũbũwẽ.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.