Gênesis 7:13 - Kaxinawá Bíblia (BR)

Habiatiãri ui iki taeaya Noé inũ hawẽ aĩ inũ hawẽ bakebu dabe inũ besti Sem inũ, Cam inũ, Jafé inũ, hawẽ babawã dabe inũ besti shashu nunuti merã hikiaibũ

Gênesis 7:13 Referencias Cruzadas

Gênesis 10:21

Ha dikabi Jafé hutxi Semnẽ bakebu bawanirã, Éber bakeburã, hatũ shenipabu Sem inikiaki.

Gênesis 10:6

Camnẽ huni bakebu kenakinã: “Cuxe inũ, Mizraim inũ, Pute inũ, Canaãki”, anibukiaki.

Gênesis 5:32

Noé ma 500 bariya hawẽ bakebu hawa aĩbu bakebu bikĩ husiama huni bake dabe inũ besti hayanikiaki, hatũ kenarã, Sem inũ Cam inũ Jaférã.

Gênesis 6:10

huni bake dabe inũ besti bawashũ hatu kenakĩ: “Sem inũ Cam inũ Jaféki”, anikiaki.

Gênesis 6:18

Hakia ẽ mia yubaii. Hawẽ nunuti mĩ shashu merã mĩ aĩ inũ, mĩ bakebu inũ, mĩ babawãbube nunuti merã mĩ hikia mã benuyamanũ ẽ matu mekekubaĩshanaii”, akĩ

Gênesis 7:1

Hanushũ Deusũ Noé yuikĩ: “Yura dasibibube mĩ hiwebia mia besti mĩ pepaki, ẽ hãtxa nĩkai hiwekũkainirã. Haskawẽ taea nunuti merã minabuyas hikiriwe” atã

Gênesis 7:14

pitibu yuinaka inũ pitibuma yuinaka inũ habu nũ ina waisma inũ habu nũ ina wamis yuinaka betsa betsapa tibi inũ nutawẽ sharai mapumisbu inũ peiyaburã, hati hatube hikinibukiaki.

Gênesis 8:14

ana habias bari ushe 2 dia 27 tiã mai ma tãki keyukẽ

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

1 Pedro 3:20

Hamẽ nukũ shenipabu Noẽ hawẽ nunuti waya habias habu yushĩ patapanibu nitxĩriama hau Deusũ hãtxa nĩkanũbũ hĩ hĩ, iwanã, hawaira hatu kupikatsi ikama Deusũ hatu manayuaya hawẽ hãtxa danãnibukiaki. Ha inũ, ui heneama hene ewa wakĩ yura betsa betsapabu hatũ txakabuwẽ taeshũ ha henewẽ hatu kupikĩ Deusũ dasibi yamawanikiaki. Hanushũ yura eskarabes oito besti nunuti merã Deusũ hatu kupiama Noéwẽ besti pashai mekenibukiaki.

2 Pedro 2:5

Ha dikabi Noé hiweatianã, ha mai ha dukũ damiwani anu yurabu txakabubu kupinũ, iwanã, hatũ txakabu hakimakatsi ikama Deusũ hene yunushũ habu hasai keyuaibũ Noé pashashanũ ika hawẽ hiwea txakabu buama Deuskiri besti txanikũkaĩkĩ hawẽ yurabu sete besti habube pashaya hanua habuã Noẽ hãtxa nĩkakĩ Deus nĩkaisbuma hatũ txakabuwẽ hasai keyunibukiaki.