Gênesis 43:16 - Kaxinawá Bíblia (BR) José Benjamim hatube nia uĩkĩ hawẽ hiwe anu dayamisbu mekenika Egito hãtxawẽ yuikĩ: —Ẽ hiwe anu ha hunibu iyushũ ina awa betsa detetã ea bawashũtãwẽ, bari mananãbi ẽ hatu pimai kairã— aka |
Abrãori yuikĩ: —Senhor Deusuũ, ea merabewakĩ hawa mĩ ea inãtirumẽ, ea benimawakinã? Ẽ aĩ kayabi anua huni bake mĩ ea inaĩsma ẽ hawa hayamaki. Haskakenã, ẽ tsumabu mekenika Eliézer hawẽ mae Damasco anua enabumabiatũ ẽ mawakẽ ena dasibi ibu washaniraka, shanẽ ibukinã— iwanã,
Hanua ha hawẽ bake Isaque ewaya hawẽ beya txibãkĩ txutxu henemakĩ taewakẽ habiatiãri Abraão hawenabu piti itxapa washũ hatu pimakĩ benimawaya
nĩkatã Isaque benimakĩ piti itxapa aĩbu bawamashũ hatu inã pikĩ mabesh akĩ keyutã ushashini penaya bestẽtã Isaquebe ana yuinamei: —Senhor Deusũ nuku uiãyã yubakai nũ hãtxashinawẽ taea ana itxakanikapakeyamanãshãwẽ— aka Isaque hatube hãtxai menetã hatu nitxiã ana habe sinatanameama habe haibunametã unanuma bui penibukiaki.
Deus benimawakĩ mati anushũ hawẽ kẽwãti piti pewakĩ txashuwã bake tesẽshũ shui keyutã misiyabi hatu pimanũ ishũ hawenabus kena itxabu hatubetã pitã matikĩ habiari ushashini
hanushũ José hawẽ hiwe mekenika shanẽ ibu yunukĩ: —Hatũ saku tibi shekiwã matawashũ habiabu tibikiri pei nuku inaĩbu hatu ana naneshũkĩ keyutã ha mashkũ sakuki hawẽ peiyabi ẽ prata mane kẽtxa txashakapa naneshũtãwẽ— aka haska José yunua hatu naneshũshina
mae anua kaĩbaini txaima buaibũ José hawẽ hiwe mekenika shanẽ ibu ana yunukĩ: —Buaibu txibãbaĩ hatuki nukutã hatu yuikĩ: “Matu pewabia haskakĩ ẽ shanẽ ibũ prata mane kẽtxa mã yumetsukiranai? Haki nushumis inũ hawẽ mukayakĩ hatu unãmis yumetsũkĩ mã txakabuhairakirãshuki”, akĩ haska hatu yuitãwẽ— aka
hanushũ berunãbu hatu yusinũ, iwanã, piti hawẽrua tibi hatu pimakatsi hawẽ ina deteshũ hanushũ ha nushuti vinho pepa pewatã hakishũ piti tapu hatu pewashũtã