Gálatas 3:8 - Kaxinawá Bíblia (BR) Hanua judeubuma dikabibũ hatũ xinã betsa watã hatũ txakabu henetã Jesus ikũwãshanaibuwẽ taeshũ Deusũ unãkĩ hawẽ hãtxa yuishunika Deusũ Yushĩ Pepatũ Abraão kenemashũkĩ yuikĩ: “Deus mĩ ikũwaĩwẽ taeshũ yura shukua tibibu dasibibũ hawẽ bake ikũwaĩbu hiwekuĩmakĩ Deusũ miwẽ taeshũ hatu duawashanikiki”, aniki. Kashinawa : Diosun Jesúswen taexun yuba bena yiniki Janua judiobuma dikabibun jatun shinan betsa watan jatun chakabu jenetan Jesús ikunwanxanaibuwen taexun Diosun unankin jawen jancha yuixunika Diosun Yushin Pepatun Abraham kenemaxunkin yuikin: “Dios min ikunwainwen taexun yuda xukua tibibu dasibibun jawen bake ikunwainbu jiwekuinmakin Diosun miwen taexun jatu duawaxanikiki”, aniki. |
Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka
Ẽ mia yunushina mĩ ea ashũshuwẽ taeshũ minabu katushũ hatuwẽ nawa betsa betsapa mae hirabi anu ẽ hatu duawakubaĩshanaii”, akĩ Senhor Deusũ ea mia yuimashuki— aka
Ha yurabu décima parte ẽ hatu heneima haburi ẽ yamawaya haskaitiã ipakeshanikiki. Eska keskairã, hi keyatapa derabu hawẽ buru besti henemiski. Hakia hawẽ buru anua hawẽ tushpi betsa datakukirãmis keskai enabu anua hawẽ baba betsa meribi txakabuma tashnikaũshanikiki”, akĩ Deusũ ea waimaki.
Habiaskari Deusũ hãtxa keneni keska wakĩ tsuãra ea ikũwaĩ hawẽ huĩti meranua hiwekuĩmati hene habai netsuama ishanikiki, hatu kuxipa wairã— hatu waniki.
Hanua tashnikirãshanairã, “Davĩ mae Belém anua Davĩ babarã, Cristo Messias ishanikiki”, akĩ nuku keneshuniki. Haskakenã, Jesusrã, Deusũ Messiasmaki— akaibũ
Hanu miki sinataibu ẽ mia yamawashũriama ebe shanẽ ibukĩ manayuwe’, aka hatu yusĩtã nuku keneshuniki— iwanã,
Haska inũ, txipu Deusũ shanẽ ibu Faraó kupikatsi xinãbiakĩ yuikĩ: “Faraónẽ, ẽ kuxipa miwẽ hatu unãmakatsis ikĩ mia katukĩ dasibi Egito nawabũ shanẽ ibu ẽ mia waniki, hau miwẽ taeshũ ẽ kuxipa inũ ẽ kena mai hirabi anu hiweabũ hau unãshanũbũ”, ikĩ hakiri Deusũ Moisés hãtxamai Moisés nĩkatã hakiri
Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.
Na haska ẽ shenipabu Abraão Deusũ yubakinã, hawẽ baba bestitxaikiri aniki. Hakiri kenekĩ hawẽ bababu itxapakiri yubakai hãtxama hakia ha haska hawẽ baba bestitxaikiri yui yubakairã, Jesus Cristokiri iniki, nukubũ ha nũ ikũwãshanũbũ nuku anu hushanai yubakinã.
Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.
Hakia hawara Sarã Abraão yuini Moisés nuku keneshuni matu yuinũ nĩkakãwẽ: “Isaque besti ẽ bakekẽ mĩ dayaru escravõ bake ẽ bakebe ewatã nũ mawaya hau nukũ mabu biama ishanũ menã Agar inũ Ismael hatu nitxĩriwe”, akĩ Sarã Abraão yunukĩ yuiniki.
Txanimaki. Matũ shenipabu hawẽ yubati hãtxa Deusũ Moisés hatu yuimani keska wakĩ hawẽ kakape hãtxa huĩrukũti betsakiri Jesusũ hawẽ tsumabu unãmatã hatu nukuri yusĩmani nũ nĩkariakubainaii. Nũ hatu keskatirumaki. Uĩrakubainãkãwẽ. Haskai nukũ shenipabũ hawẽ yuba hãtxa huĩrũkũtikiri nĩkabiai ikũwãma inũ hawa txibãma ikubainaibuwẽ taeshũ hawẽ mai pepa yubani anu hau hikiyamashanũbũ hatu yubanitũ hatu nemaniki.
Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ