Gálatas 2:18 - Kaxinawá Bíblia (BR) Ha inũ, judeubũ beya danãkĩ henebiatã ana txĩtũkirã ẽ bena wairã, earã, ẽ txakabu ikeanaii. Kashinawa : Diosun Jesúswen taexun yuba bena yiniki Ja inun, judiobun beya danankin jenebiatan ana chintunkidan en bena waidan, eadan, en chakabu ikeanaii. |
Haskakẽ Jesus mã txibaĩbu betsabunã, hawara ha piti pisbuma pikĩ mã hatu itxakawairã, ha piti ana meama hatuwẽ nuikĩ ana hawẽ keĩ kemuama henerikãwẽ. Mã haska wamakẽ ha ikũwaĩ betsabu Cristo hatu mawashũbianikẽ huĩti babubu txĩtuĩ piti pixta bestiwẽ benutirubuki.
Haska inũ, dasibi hawara Deusũ Moisés judeubũ shenipabu hatu yusĩmani habũ txibãkĩ yuikĩ: “Hawara Deusũ abuai dasibi nũ txibãkubainaii”, ikĩ matũ hina kubitxi mã meshteairã, ha txanima mã pewaii. Hakia habũ matũ hina kubitxi meshtebiatã hawara Deusũ judeubũ shenipabu yusĩni habũ mã txibãma matũ hina kubitxi hamẽ meshtekeyabia mã hawenabu kayabimaki, mã hawẽ hãtxa txibãmawẽ taearã.
Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya
Haska inũ, Moisés keneni txibaĩ ẽ pepa bestiaya Cristo hamẽ nuku mawashũkeaniki. Hakia natianã, ẽ ana haskamaki. Deus ewẽ nuiaya Cristõ ea mekeawẽ taeshũ ẽ shenipabũ beya henetã Cristo besti ẽ txibãkubainaii”, akĩ ẽ Pedro yusĩniki, dasibitũ nĩkaibunã.
Mã ẽ betsabu inũ ẽ puibuũ, hunibu dasibibũ hau hatũ hina kubitxi meshtenũbũ ẽ hatu yusĩmiswẽ taeshũ ea itxakawama ikeãkanaii. Hakia eã yusĩkinã, Jesus huni txakabu keska cruzkia mawani ẽ hatu yusĩamakẽ ea danãbumari ikeãkanaii.