Amós 6:12 - Kaxinawá Bíblia (BR)

Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.

Amós 6:12 Referencias Cruzadas

Amós 2:3

Moabe nawa shanẽ ibuhaira hawẽ shanẽ ibu beshmasbube hatu atximatã eã ẽ hatu tenãmariashanaii”, ikĩ Senhor Deusũ yuiniki.

Amós 3:10

Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Amós 5:7

Maturã, mã peirashãkãwã! Deusũ yunuti kushipa pepa betsa wai mã hawẽ Deus sinatamamisbuki. Yusĩti txanima kayabi betsa wakĩ mã txakabuwakubaĩmisbuki, hawara hawẽ hiweti pepabiakẽ mai anu txaka ureã keska wakinã.

Miquéias 7:3

Hatũ shanẽ ibubunã, eska hatu wakanikiki. Hatu dayashunũ, iwanã, shanẽ ibu beshmasbũ pei hatu yukakĩ hawena wakubainaibũ shanẽ ibu betsa unãti wanikabũ hune hatu pewakĩ pei bikĩ hatũ txakabuwẽ hatu kupisbumaki. Kushipabũ haska akatsis ikai akubaĩkĩ, maewã hirabi atimapa wakĩ hau txakabu bestinũbũ yusĩkubaĩmisbuki.

Santiago 3:18

Haska unãnuma mã hatu hiwetãkubainai ha unãnumawẽ taeari yura betsabu unãnepariakĩ shabakabi hatu uĩmariakĩ pe besti mã hatu uĩmakubaĩtirubuki.