Amós 3:10 - Kaxinawá Bíblia (BR)

¹⁰ Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Amós 3:10 Referencias Cruzadas

Salmos 14:4

Habũ txakabuwakubainaiburã, hawa Deuskiri nĩkabumaki. Habiabũri enabu hatu pikĩ itsa wakanikiki, misi pia keska wakinã. Habũ Senhor Deus ikũwãbumã hatu haska wakanikiki.

Provérbios 1:13

Hatu haska watã hatũ mabu yumetsushũ mabu betsa betsapa pepa bitã nukũ hiwe tibi nũ mata watiruki.

Provérbios 11:16

Aĩbuaibu duapa pepabu betxipaikĩ hatu kẽwãkubaĩmisbuki. Hakia tsuara yurabuki hawa dateama hawẽ hãtxa kushipawẽ hatu mesewatã pei itxapa bi bestimisbuki, tsua hatu kẽwãmamarã.

Ezequiel 18:7

ha dikabi, hawa tsua itxakawaisma inũ, hunĩ diria ma pakakẽ hawẽ mabu biaĩma huni pepabũ hawẽ mabu hatu ana inãmisbuki. Hawa betsa taska hatu yumetsuamarã, hanushũ nuitapai buniaibu hawẽ piti hatu pimamisbuki. Ha inũ, huni betsa tariuma uĩkĩ hatũ tari betsa hatu inãmisbuki.

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 5:7

Maturã, mã peirashãkãwã! Deusũ yunuti kushipa pepa betsa wai mã hawẽ Deus sinatamamisbuki. Yusĩti txanima kayabi betsa wakĩ mã txakabuwakubaĩmisbuki, hawara hawẽ hiweti pepabiakẽ mai anu txaka ureã keska wakinã.

Amós 6:12

Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.

Amós 6:3

Senhor Deusũ hanu matu kupiai shaba txakabu hubiashanaya haskakiri mã shinãkatsi ikamaki. Haskai hiwetimabiakẽ txakabu matũ shanẽ ibu keska wakĩ mã txakabu mese besti pa waii.

Amós 6:8

Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.

Miquéias 6:10

Habu itxakanikabũ hatu atimapa wakĩ mabu inũ pei itxawakubainaibu huni txakabubũ hiwe anu hayabuki. Yaushi mabuwẽ kemui hawa hatu tana pewashũ inãma yumetsuaibu ẽ hatu betxipaismahairaki.

2 Pedro 3:5

Bebũkirihaira iki taenitiã Deusũ nai inũ mai hawẽ hãtxawẽ damiwakĩ tashnima ha dabe henesbiakẽ nai inũ mai pashkakĩ hene anua mai tashnimatã mekebianikẽ ha yurabũ Deuskiri hawa xinãkatsi isbumaki.