Naiurishũ Senhor Deusũ yurabu uĩkĩ shinãkĩ: “Tsuabu pepakĩ ea ẽ Deus ea benabaũkanimẽkaĩ?” ibiaya
Amós 5:4 - Kaxinawá Bíblia (BR) Senhor Deusũ Israelĩ enabu ana yuikĩ: “Betelrã, txakabuwakĩ yamawakĩ di ashiãbu manishanikiki. Gilgal anu hiweabu tsuã hatu merabewama txaihaira hatu iyushãkanikiki. Haskawẽ taea Betel anu matũ yushibu kẽwaĩ buama inũ Gilgal anu ana hari buamari inũ, Berseba anu ana hari mapuyamashãkãwẽ. Hakia ea benakĩ ẽ hãtxa nĩkai eki dasitã haskai ebe hiwekubaĩshãkanikiki”, akĩ ea yuishinaki. |
Naiurishũ Senhor Deusũ yurabu uĩkĩ shinãkĩ: “Tsuabu pepakĩ ea ẽ Deus ea benabaũkanimẽkaĩ?” ibiaya
Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.
Ẽ huĩtinĩ mikiri ea yuikĩ: “Senhor Deus benai haki nukuwe”, ea wa haskawẽ taeshũ miki nukunũ, iwanã, mĩ ẽ Deus ẽ mia benaii.
Haska wakĩ Deus ẽ uĩmaiwẽ taeshũ ha bika teneaibu benimashãkanikiki. Tsuãra Deus benakubainaibu hatũ huĩti merã ana shinã txãkãshãkanikiki.
Tsuara nuitapaibu Deusũ hatu nĩkamiski. Ha inũ, hawenabu itxakawakĩ bitxiti hiwe merã hatu bitxĩbiabu hawa hatu danaĩsmaki.
Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.
Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.
Jeremiasĩ kemakĩ yuikĩ: —Haskamaki. Caldéia nawabũ mia hatu yunuabumaki. Senhor Deusũ hãtxa ẽ dama mia banabimashu ha besti nĩkakĩ txibãwẽ. Haskatã pe hiwekaini mĩ hawa mawama ishanaii.
Ha huni peparã, ẽ yunuti hãtxa inũ ẽ nemati hãtxa shinãkĩ ẽ yusĩti hãtxa dasibi txanima txibãkĩ tsua hatu paraĩsma ha huni pepa kayabibuwẽ taea pe hiwekubaĩshãkanikiki, ẽ hawa hatu kupiamarã. Ea Senhor Deusũ txanima ẽ hãtxa ẽ mestẽwaiĩ.
Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.
Harishũ atimas yushĩ dami danãkĩ matũ mekenika Senhor Deus hakimatã danãbianishũ ana benakĩ matũ yushĩ hirabiwẽ inũ matũ huĩti hirabiwẽ shinaĩ mã ana haki nukutiruki.