Jeremias 38:20 - Kaxinawá Bíblia (BR)

²⁰ Jeremiasĩ kemakĩ yuikĩ: —Haskamaki. Caldéia nawabũ mia hatu yunuabumaki. Senhor Deusũ hãtxa ẽ dama mia banabimashu ha besti nĩkakĩ txibãwẽ. Haskatã pe hiwekaini mĩ hawa mawama ishanaii.

Jeremias 38:20 Referencias Cruzadas

Gênesis 12:13

Haskakẽ hatu yuikĩ: ‘Ẽ puiki’, akĩ hatu ea yuishũshãwẽ, hau ea tenãyamanũbunã. Mĩ hatu haska wa ea duawashãkanikiki, ea deteamarã”, abaini

Provérbios 4:4

ẽ ibu hunĩ ea yusĩkĩ yuikĩ: “Ẽ mia yusiaĩ shinaĩ ẽ hãtxa hakimayamashãwẽ, haska ẽ mia yunuai keska aki mĩ pe hiwekũkaĩshanairã.

Provérbios 7:2

Haska mĩ beru yaushikĩ mĩ pe mekemis keska wakĩ ẽ yunuti hãtxa inũ ẽ yusĩti hãtxa mĩ mekẽ anu dispiwẽ nea keska wakĩ mĩ shinã uke merã netã pewatã shinãkubaini mĩ pe hiwetiruki.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Jeremias 26:13

Haska mã hiwe txakakũkainai inũ haska mã atimapamis matũ shinã betsa watã shinãrikãwẽ. Matũ mekenika Senhor Deusũ hãtxa nĩkakĩ mã akubainaya haska ẽ matu yuishu keska matu anu txakabu yunuama ishanikiaki.

Jeremias 38:21

Hamẽ mĩ yura mĩ hatu inãkatsi ikamakẽ mĩ haskashanaikiri Senhor Deusũ ma ea uĩmakĩ unãmashinaki.

Jeremias 7:23

hau ea dukũ nĩkakubaĩshanũbũ ẽ hatu yunukĩ taewaniki. Haska ẽ hatu yunua akubainaibu enabu hatu watã hatũ mekenika Deus ẽ ikũkaĩshanaii”, iwanã, “ẽ hatu yuiniki, hau habu ea hiwei peshũkubaĩshanũbunã.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Amós 5:4

Senhor Deusũ Israelĩ enabu ana yuikĩ: “Betelrã, txakabuwakĩ yamawakĩ di ashiãbu manishanikiki. Gilgal anu hiweabu tsuã hatu merabewama txaihaira hatu iyushãkanikiki. Haskawẽ taea Betel anu matũ yushibu kẽwaĩ buama inũ Gilgal anu ana hari buamari inũ, Berseba anu ana hari mapuyamashãkãwẽ. Hakia ea benakĩ ẽ hãtxa nĩkai eki dasitã haskai ebe hiwekubaĩshãkanikiki”, akĩ ea yuishinaki.

Amós 5:6

Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.

Hechos 26:29

Paulõ ana yuikĩ: —Hawaira kasmai txipu kasmai mia inũ dasibibũ natiã habũ ea nĩkaibu ẽ ikũwaĩ keskakĩ mã Jesus haibu warianũ Deusũ hau matu kenarianũwẽ, hakia na ẽ ika keskai mane dispiwẽ matu tsuã meneshamarã— hatu wa

2 Coríntios 5:11

Haskakẽ nukũ Shanẽ Ibũ kuxipa meseki datekĩ hawẽ kaka pepakiri yurabũ hau Jesus ikũwanũbũ nũ hatu yusĩbaunai haskai nũ hiwemis Deusũ nuku unãhairaikiki. Haskawẽ taeshũ hau mã tapĩrianũbũ pe hiwekĩ hãtxa txanima nũ matu yusĩmis unãkĩ mã xinãtiruki.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.