1 Samuel 15:28 - Kaxinawá Bíblia (BR) haska wã hanushũ Samuelĩ Saul ana yuikĩ: —Na ẽ tari mĩ ea ushnishu keska wakĩ Israelĩ enabũ mĩ hatũ shanẽ ibubiakẽ Senhor Deusũ mia ma ushnia keska waikiki. Haska keskari wakĩ mĩ shanẽ ibuai mia ma mebĩtã Israelĩ enabu betsa pepa mia binua Senhor Deusũ katutã inãshanikiki. |
kemakĩ Davĩ yuikĩ: —Txanimaki. Senhor Deusũ ea uiãyã kẽwãkĩ benimawai hamẽ ikama ẽ nawashuki. Senhor Deusũ enabu Israelĩ enaburã, ẽ hatũ shanẽ ibu ikũkaĩshanũ mĩ epa danãtã minabu katuama Senhor Deusũ ea katuniki. Haskawẽ taea ha bebunua ẽ nawashuki, hawa dakeamarã.
Deus kushipahaira dasibi hatu binuatũ yurabu tsumashũ tsuara shanẽ ibubu wakatsi ikĩ ibubis katutiruki, yura shukua betsa anu huni hawauma hatu shanẽ ibu wamiski, hatu yunukubaĩti wakinã. Na kupiti hiweabu dasibibũ hau tapĩshanũbũ hawẽ nai tsuma meribibu yununiwẽ taeshũ ha nai tsuma uinikatũ mekenikabũ nũ mia ma banabimaii, ea wa ẽ nĩkashinaki.
Tari mĩ benãta hiwenũ minabũ mia nitxĩshãkanikiki. Inabube hiweshũ ina awa keskakĩ basi mĩ pikubaĩshanaii. Deus kushipahaira dasibi hatu binuatũ yurabu shukuabu tibi manibaunabu yunukĩ tsuabura shanẽ ibu wakatsi ikĩ ibubis katutiru mĩ tapĩriama yuinaka keska 7 ano hiwekũkaĩkĩ atimas tapĩtã mĩ unãshanaii”, akaya
haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka
hanushũ Saulõ Deus ana pe txibãmawẽ taeshũ ana Deusũ merabewama hawẽ kuxipa mebĩtã hanushũ Jessẽ bake Davi hau ha mai hirabi shanẽ ibunũ, iwanã, kẽwãkĩ Deusũ yuikĩ: “Davĩ haska ẽ akatsi ikai akĩ ea benimawamistũ ẽ hãtxa txibãkĩ hatũ Israelbu pe mekekubaĩshanikiki”, hatu waniki.
Ẽ betsabu inũ ẽ puibuũ, unãnuma nũ hiwenũbũ haska huni kuxipabu matũ shanẽ ibubu mã nĩkakubainũbũ matu yusĩnũ nĩkakãwẽ. Haska Deusũ amis habũ unãbumabiakẽ dasibi shanẽ ibu betsa betsapa mai anua katushũ Deusũ hawẽ kuxipawẽ hatu yunukĩ mistukubaĩmiski. Haskawẽ taeshũ hatũ yusĩa txibãkĩ hatũ yunuti inũ hatũ nemati dasibibũ nĩkakĩ hau txibãkubainũbũwẽ.
Hakia mĩ shanẽ ibui taebiaimakẽ minaburi ikubainama ishanikiki. Haskawẽ taeshũ huni betsa pepa haska betxipaiai keska ashũtiru Senhor Deusũ ana katushanikiki, Israelĩ enabu shanẽ ibu betsa mistukinã— abaini
Jessé hatu yunua bushũ itanabu hawairakirani ha berunã hawẽ bake mashku hikiaya hawẽ yura hawẽruahaira inũ hawẽ beru hawẽruari Samuelĩ uiãyã hanushũ Senhor Deusũ Samuel yuikĩ: —Ha niarã, haki. Hau Israelĩ enabu shanẽ ibuhairashanũ benitã piti sheni mashu ariwe, katukinã— aka
haskaibu Saulũ nĩkai betxipaiama sinatahairakĩ yuikĩ: —Davĩ 10.000 tenãshina yuikika. Hamẽ eanã, 1.000 besti ẽ tenãshinamẽ, haskakiri mã nuku kẽwainã. Mã daka hawaira matũ shanẽ ibu wai ikai?— ikĩ