Daniel 4:17 - Kaxinawá Bíblia (BR)

¹⁷ Deus kushipahaira dasibi hatu binuatũ yurabu tsumashũ tsuara shanẽ ibubu wakatsi ikĩ ibubis katutiruki, yura shukua betsa anu huni hawauma hatu shanẽ ibu wamiski, hatu yunukubaĩti wakinã. Na kupiti hiweabu dasibibũ hau tapĩshanũbũ hawẽ nai tsuma meribibu yununiwẽ taeshũ ha nai tsuma uinikatũ mekenikabũ nũ mia ma banabimaii, ea wa ẽ nĩkashinaki.

Daniel 4:17 Referencias Cruzadas

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

Êxodo 9:16

Hakia mai hirabi anushũ ẽ kushipa inũ ẽ kena hau unãbaũshanũbũ ẽ kushipa mia uĩmakĩ ẽ mia tenãma ishiãki.

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Isaías 6:8

Hanushũ ẽ nĩkaya Senhor Deusũ hawẽ hui kaĩmakĩ ea yuikĩ: “Tsuã nukũ hãtxa nuku yuishũtiru tsua nitxĩpa?” ikaya eã kemakĩ: “Earã, ẽ nenuki. Habia menã ea nitxĩriwe!” ẽ aka

Daniel 2:21

Hanu bari tibi uitiã inũ bariãtiã ha tashnimamistunã, Deusũ besti atiruki. Haska wamis shũ shanẽ ibu betsa putakĩ nitxĩtã hawẽ shãtukũ shanẽ ibu betsabu tsaũtiruki. Unanepabu unãmamiski. Tsuara tapinika hawaira tapĩmamiski.

Daniel 4:2

Deus pepa dasibi binuatũ haska betsã atiruma dami itimaska akĩ hawẽ kushipawẽ ea amamis mã uĩtirubuki. Yurabu hiwei hawenabu pa txakayamai hatu yunui shanẽ ibukũkaĩshanikiki, hawa beshtekei heneamarã. Haska dami itimaska betsa betsapa ea ashũkubaini ẽ matu yuikatsis ikai ea nĩkakãwẽ.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Romanos 13:1

Ẽ betsabu inũ ẽ puibuũ, unãnuma nũ hiwenũbũ haska huni kuxipabu matũ shanẽ ibubu mã nĩkakubainũbũ matu yusĩnũ nĩkakãwẽ. Haska Deusũ amis habũ unãbumabiakẽ dasibi shanẽ ibu betsa betsapa mai anua katushũ Deusũ hawẽ kuxipawẽ hatu yunukĩ mistukubaĩmiski. Haskawẽ taeshũ hatũ yusĩa txibãkĩ hatũ yunuti inũ hatũ nemati dasibibũ nĩkakĩ hau txibãkubainũbũwẽ.

1 Timóteo 5:21

Natianã, Deus inũ nukũ Shanẽ Ibu Jesus Cristo inũ hawẽ nai tsuma katuabũ habũ ea nĩkaibũ ẽ mia yunu kayabiai ea nĩkawe. Mĩ haibuaibu kasmai yura betsabu tsuãra hamapai mekĩ txakabu waxinamẽkaĩ, txakabu wamamẽkaĩ, bebũkiri txakabu xinãma dasibibu habias ma miki txaniaibũ besti unãti watã hatu pe wakubaĩwẽ.

Apocalipse 4:8

hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ

1 Samuel 2:8

Deusũ mai hirabi dami wakĩ haki maputi wanirã, hawenaki. Haska wakĩ dami washũ haki dasibi yunukĩ mapũbauniki. Haska dami wani hawẽ kushipawẽ taeshũ mai anu mania nuitapai hawauma hiweabu merabewakĩ hatu benimiski. Ha dikabi txaka putati anua pei ea imisbu merabewakĩ hatu kenatã shanẽ ibubube hatu tsaũtã hau yurabũ hatu kẽwanũbũ Senhor Deusũ hatu haska wamiski.