La Biblia Online

Anuncios


Toda la Biblia A.T. N.T.




1 Coríntios 4:14 - Kaxinawá Bíblia (BR)

Na eska ẽ matu keneshũ bumairã, matu dakewanũ ishũ ẽ matu akamaki. Hakia matu yusĩ pewai mã ẽ bakebu kayabi matuwẽ nuikĩ abuai keska wakĩ ẽ matu akaii.

Ver Capítulo

Kashinawa : Diosun Jesúswen taexun yuba bena yiniki

Na eska matu kenexun bumaidan, matu dakewanun ixun en matu akamaki. Jakia matu yusin pewai man en bakebu kayabi matuwen nuikin bechipaiai keska wakin en matu akaii.

Ver Capítulo



1 Coríntios 4:14
19 Referencias Cruzadas  

Hakia hau txakabuwayamanũ nemakĩ bebũkiri mĩ shabakabi yuia mia nĩkatã ana hawa txakabuwamawẽ taea hiweyushanikiki, ẽ ana kupiamarã. Bebũkiri mĩ hatu yuishinawẽ taea hamẽ miarã, ibubis mekei mĩ hiweyukũkaĩshanaii”, itã,


Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.


Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.


Natiã matũ yusĩnã 10.000tũ Cristokiri matu yusĩbiaya eã dukũ Jesus mekeakiri ẽ matu yusĩtaniwẽ taea ea dukũ ẽ matũ epa kayabi keskaki. Ea hakimayamakãwẽ.


Mã haska xinãnũ Timóteõ ebetã Cristo txibaĩ ẽ bake keska txĩtuĩsma hau matu merabewanũ matu anu ẽ nitxiaiĩ. Ha ẽ abumistũ nukũ Shanẽ Ibu ikũwãkĩ txibãkĩ hawẽ yunuti inũ hawẽ nemati ashũkubaĩkĩ ikũwaĩbu itxati tibi anushũ haska ẽ yusĩkubauni keska shabakabi Timóteõ matu yusĩ kaikiki. Nĩkairashãkãwẽ.


Ha inũ, Jesus ikũwaĩbu ha ikaibu hau ikũwãbumã unãti wanũbũ mã yunumisbuwẽ taeshũ ẽ matu dakewaii, haskatimabiakenã. Matuburã, matu anua unãnepa betsa mã hayamamẽ, haska matu pewatirã? Mã hayariki.


Na haska tibi yunuti hayabiakẽ ha xinãkĩ ẽ matu hawa ea aismaki. Haska inũ, kene matu bumakĩ: “Matũ hawara ea inãkãwẽ”, ẽ matu wakĩ yukamaki. Haska ẽ matu yuiai keska wakĩ ekiri xinã txakakĩ: “Paulo pakakĩ taewanãkãwẽ”, iwanã, xinãyamashãkãwẽ. Mã ea pakaisma keska besti ikubaĩkãwẽ. Ẽ matu yusĩayã mã ea hawa inaĩsma benimahairai ẽ keaiĩ. Ẽ haskakũkainairã, ẽ abuhairariaii. Matu berabĩwãkatsi ikama ẽ hawaira mawakatsis ikaii. Eskaki, matu yuinũ nĩkakãwẽ.


Haskai haska ẽ hãtxai? Ẽ matuwẽ nuiamawẽ taeshũ ẽ yuiai? Haskamahairaki. Ẽ matuwẽ nuikĩ abuhairai Deusũ unaĩkiki.


Na eska ẽ matu yuiairã, hawara nũ matubetã kaneima ẽ ibubis nemakanaĩ ikimẽkaĩ? Haska ekiri mã xinã txakatirubumaki, ẽ matu haska waismabiakenã. Hakia nuku hãtxairã, Deusũ nuku unãti wakubainaya Cristoki dasitã nũ hawenabũ matu merabewakatsis ikĩ matuwẽ nuikĩ hawara inũ haskara Deusũ nuku amakatsis ikai shabakabi matu ashũkĩ dasibi nũ matu uĩmamiski. Haskakẽ ẽ betsabu inũ ẽ puibuũ, hawara nũ matu yuiai txibãkĩ matũ hiwea pewatã Cristoki txiti itã kuxipai ewarikubaĩkãwẽ.


Haska Cristokiri matuki txanikĩ matu yusĩkĩ nema pewakĩ dasibi matu unãnepa wakĩ haska Cristo bebũ mã pepa mapushanũbũ nũ matu yusĩmiski.


Nũ matu eska wani mã unãriaii. Bestibu tibi matu benimawakĩ nũ matu pewakubainirã, haska epabũ hatũ bakebũ txakabuwai nemamis keska wakĩ mã Deus hiweshũkĩ haska abuai keska maturi mã inũbũ nũ matu yunua matũ txakabu unãtã mã henekubainimaki. Haska Deusũ hawẽ mae kayabi pepa anu matu hiwemakatsi ikai ma bebũkiri matu kenani haskakiri nũ matu merabewakubainimaki.


Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.


Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.


Haskawẽ taeshũ mia daewakĩ mia anu Onésimo ẽ nitxiaiĩ, hau mia dayashũri kanunã. Nenu ea meneshimabu anu hiweshũ Onésimo Jesus Cristo ikũwãmakĩ ẽ xinã betsa wamaimawẽ taea mĩ dayaru escravo ẽ bake keskaki.


Ẽ bake keskabuũ, Deusũ hãtxa txibãkĩ mã ana txakabuwayamanũbũ ẽ matu keneshũ bumai nĩkakãwẽ. Mã haskabia tsuãra kanekĩ mã txakabu meayarã, nukũ hãtxashunika Jesus Cristo hawẽ Epa bebũ nia nũ hayaki, hatũ hawa kanenimatũ nuku merabewairã.


Mã ẽ bake keskabu habias xinãwẽ mã txibaĩ matukiri nĩkai ẽ xinã txãkãkũkaĩmis ẽ benima pae tsuã ea mebĩtirumaki.