1 João 2:1 - Kaxinawá Bíblia (BR)

¹ Ẽ bake keskabuũ, Deusũ hãtxa txibãkĩ mã ana txakabuwayamanũbũ ẽ matu keneshũ bumai nĩkakãwẽ. Mã haskabia tsuãra kanekĩ mã txakabu meayarã, nukũ hãtxashunika Jesus Cristo hawẽ Epa bebũ nia nũ hayaki, hatũ hawa kanenimatũ nuku merabewairã.

Kashinawa : Diosun Jesúswen taexun yuba bena yiniki

¹ En bake keskabuun, Diosun jancha chibankin man ana chakabuwayamanunbun en matu kenexun bumai ninkakanwen. Man jaskabia tsuanda kanekin man chakabu meayadan, nukun janchaxunika Jesucristo jawen Epa bebun nia nun jayaki, jatun jawa kanenimatun nuku medabewaidan.

1 João 2:1 Referencias Cruzadas

Ezequiel 3:21

Hakia hau txakabuwayamanũ nemakĩ bebũkiri mĩ shabakabi yuia mia nĩkatã ana hawa txakabuwamawẽ taea hiweyushanikiki, ẽ ana kupiamarã. Bebũkiri mĩ hatu yuishinawẽ taea hamẽ miarã, ibubis mekei mĩ hiweyukũkaĩshanaii”, itã,

Lucas 10:22

mapubaunabu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski— iwanã,

João 13:33

—Ẽ bake kayabibuũ, ana hatishuĩra ẽ matube niamaki. Hakia usha eskarabes ka ea benakĩ mã ea betxiama ishanaii. Haska judeu shanẽ ibubu ẽ yuixina keskarã, ẽ maturi yuiai ea nĩkakãwẽ. Hanu ẽ kai anu mã katirumaki.

João 14:16

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 21:5

hui kuxipawẽ Jesusũ nuku yukakĩ: —Bakebuũ, bakarã, mã hayamẽ?— nuku wa nukũ kemakĩ: —Nũ hawa biamahairaki— nũ wa

João 5:14

txipu Jesus Templo hemaĩtĩ anu haki ana nukushũ yuikĩ: —Uĩwẽ, ikis ẽ ma mia shushawashuki. Haskakẽ txakabu xinãkĩ Deusũ hãtxa ana kaneyamashãwẽ, mĩ ana hamapai betsa kaneairã, hawara txakabuhairawẽ mĩ ana pikutirukirã— aka

João 5:36

Hamẽ Epa Deusũ ea yununirã, hawẽ kuxipawẽ dami atimaska wakĩ ẽ matu uĩmaiwẽ taeshũ mã ea unãti wakĩ tapĩtirubuki, Deusũ ea yununirã. Haskakẽ ekiri hawẽ unãmati hãtxa Joãonẽ matu yusĩmaki. Hakia eãnã, atimaska betsa betsapa wakĩ haska Joãonẽ aisma akĩ ẽ binuaiĩ.

João 6:27

Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

João 8:11

—Shanẽ ibuũ, tsuã ea haska wamabĩ!— aka —Peki. Hau mia kupinũbũ, iwanã, eãri ẽ yunuamaki. Hakia ana txĩtũkaina txakabukũkainama ishũ inũ kariwe— aka aĩbu kaya

Hechos 7:52

Haska inũ, Deusũ Katua pepa hushanai Deusũ hãtxa yuishunikabũ bebũkiri hakiri txanibiakubainaibũ hawa nĩkakatsi ikama matũ shenipabũ hatu dasibi danãkĩ hatu itxakawakĩ detekubainibuki, hatu tenãkinã. Hanua natiã Deusũ Katua huni hawa kaneisma hakiri matu yuĩnibu ma nuku anu huni xinãma nawabu atximatã mã ha huni pepa Jesus hatu tenãmariaimaki.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 6:15

Haskai hariri hãtxamisbumẽ? eska yuirã: “Haskakenã, Deusũ nukũ shenipabu hawẽ hãtxa yusĩnitũ nuku ana tsumama hakia hawẽ bake nũ ikũwaĩwẽ taeshũ nuku duawakĩ nukũ txakabu buashanairã, nũ txakabuwairã, hawamaki. Hamapai txakabu betsa betsapa anãkãwẽ”, iki mã yuinamemisrã, haskatimahairaki. Matu yusĩnũ nĩkakãwẽ.

Romanos 8:34

Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 4:19

Ẽ bake keskabuũ, haskakĩ mã ana ea bika tenemai? Cristo matu ikũwãmakĩ ẽ matu merabewaya mã ea ani keska wakĩ mã ana ea bika tenemaii, aĩbu bake kaĩ isĩ tenemis keska ea wakinã.

Efésios 2:18

Natiã Cristowẽ taeshũ judeubu inũ judeubumãri habias Yushĩ Pepawẽ Deus beyawai nũ haki kematirubuki.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

1 Timóteo 3:14

Ẽ hawaira samama mia uĩ kakatsis ibiai haskabia ẽ mia keneshũyuaii.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

Santiago 1:27

Hakia tsuabũra txanima Deus hiwea kẽwã kayabikĩ nũ akaiburã, nũ eska itirubuki. Matu yuinũ nĩkairakãwẽ. Nũ pepa hawa txakabuma ikatsis ikairã, nukũ Epa Deus benimawakĩ eska uĩmakubaĩkãwẽ. Bake ibuumabu inũ, aĩbuaibu hatũ bene ana hayabuma nuitapaibu habuwẽ nuikĩ habũ hawara bishũkĩ hatu merabewakubaĩkãwẽ. Ha inũ, hamapai yurabũ akai txibaĩ kemui irumapayamakubaĩkãwẽ.

Santiago 3:9

Ha inũ, hãtxakĩ habias hanawẽ nukũ Shanẽ Ibu Epa Deus pe yuikĩ kẽwãbiatã yurabu ha itsa wakĩ dami wanirã, habias keshawẽ hatuki shetxakakĩ nũ hatu yupumiski. Ẽ betsabu inũ ẽ puibuũ, nũ ana haskatirubumaki. Xinaĩrakubaĩkãwẽ.

1 Pedro 2:22

Xinãkãwẽ, Cristorã, matu eskashunikirã. Tsua betsa parãtaskama inũ hawara Deusũ nemani inũ yununi kanekĩ hawa txakabuwamahaira matu ishuniki.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 3:18

Ẽ bake keskabuũ, txanima Deus abukĩ duawakinã, hãtxa bestiwẽ akama ikũwaĩ betsabuwẽ nui merabenãkĩ hatu uĩmakĩ ashũkubainãkãwẽ.

1 João 3:5

Yurabũ txakabu buanũ ika Jesus Cristo na mai anu tashnitã Deusũ yunua kanei txakabuwama inirã, mã unaiĩ.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.

1 João 4:4

Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.

1 João 5:17

Hawara txakabu tibi danãkĩ Deusũ abuismaki. Abuismabia betsa betsapa hatũ hiwekuĩa benumakatsis ikama hatu buashũmiski.

1 João 5:21

Ẽ bake keskabuũ, yushĩ dami kẽwãmisbu beyanu ha dapi ana buyamakubaĩkãwẽ. Hatiski, ẽ hãtxarã. João

3 João 1:4

Mã ẽ bake keskabu habias xinãwẽ mã txibaĩ matukiri nĩkai ẽ xinã txãkãkũkaĩmis ẽ benima pae tsuã ea mebĩtirumaki.