1 João 1:10 - Kaxinawá Bíblia (BR)

¹⁰ Hakia tsuãra yuikĩ: “Ẽ hawa txakabuwaismaki”, ikĩ Deus txani txakai dabanẽ yurabũ hawẽ hãtxa nĩka pewariama haska dasibibu nũ txakabu hayabuwẽ taea nũ haska yuitirubumaki.

Kashinawa : Diosun Jesúswen taexun yuba bena yiniki

¹⁰ Jakia tsuanda yuikin: “En jawa chakabuwaismaki”, ikin Dios chani chakai dabanen yudabun jawen jancha ninka pewadiama jaska dasibibu nun chakabu jayabuwen taea nun jaska yuitidubumaki.

1 João 1:10 Referencias Cruzadas

Jeremias 2:35

Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

1 João 1:8

Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.

1 João 2:14

Ẽ bake keskabuũ, mã ma Deus unãyanã, ẽ matu keneshunaii. Ha dikabi hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, huĩtinĩ mestẽtã mã ma Deusũ hãtxa nĩkatã txĩtuãma txibãkĩ hawẽ Satanás mã ma maemawẽ taeshũ ẽ matu kene bumaii.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 4:4

Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

2 João 1:2

Eskawẽ nũ matu abuairã, ha hãtxa txanima nũ hayatũ haska ha txanimatũ nukũ huĩti merã nũ mekea hatũ nuku xinãmakĩ nuku yuimapakeikiki.