3 João 1:4 - Kaxinawá Bíblia (BR)

⁴ Mã ẽ bake keskabu habias xinãwẽ mã txibaĩ matukiri nĩkai ẽ xinã txãkãkũkaĩmis ẽ benima pae tsuã ea mebĩtirumaki.

Kashinawa : Diosun Jesúswen taexun yuba bena yiniki

⁴ Man en bake keskabu jabias shinanwen man chibain matukidi ninkai en shinan chankankunkainmis en benima pae tsuan ea mebintidumaki.

3 João 1:4 Referencias Cruzadas

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

1 Reis 3:6

Salomãonẽ kemakĩ yuikĩ: “Mĩ dayaru Davi ẽ eparã, mĩ katukĩ taewatã duawakĩ mĩ mekekubainiki. Hiwekũkaĩkĩ mia bebũshũ mikiri pe shinãkĩ pepa wakubaĩkĩ mia txibaĩ txĩtuĩsmawẽ taeshũ betxipaihairakĩ ea hawẽ huni bake Israelĩ enabu shanẽ ibuhairawakĩ katushũ mĩ eari yunuimaki.

Isaías 8:18

Senhor Deusũ hawẽ bake betsabu ea anu inãkĩ yunua habubetã Israelĩ enabu Senhor Deusũ haska betxipaiai hawẽ kushipa unãmakĩ shabakabi wati nũ ikũkainaii. Mati keyatapa Sião anu hiweshũ Senhor Deus dasibi kushipa binuatũ nuku yunua nũ akai nũ hawena nuku uĩshãkanikiki.

2 Coríntios 6:13

Ẽ matu yuiai ea nĩkakãwẽ. Mã ẽ bake keskabu ẽ matu waii: “Merabewai haska ẽ matuwẽ nuimis keskai duapai ewẽri nuikãwẽ”, iwanã, ẽ matu keneshunaii.

Gálatas 2:14

Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?

Gálatas 4:19

Ẽ bake keskabuũ, haskakĩ mã ana ea bika tenemai? Cristo matu ikũwãmakĩ ẽ matu merabewaya mã ea ani keska wakĩ mã ana ea bika tenemaii, aĩbu bake kaĩ isĩ tenemis keska ea wakinã.

1 Tesalonicenses 2:11

Nũ matu eska wani mã unãriaii. Bestibu tibi matu benimawakĩ nũ matu pewakubainirã, haska epabũ hatũ bakebũ txakabuwai nemamis keska wakĩ mã Deus hiweshũkĩ haska abuai keska maturi mã inũbũ nũ matu yunua matũ txakabu unãtã mã henekubainimaki. Haska Deusũ hawẽ mae kayabi pepa anu matu hiwemakatsi ikai ma bebũkiri matu kenani haskakiri nũ matu merabewakubainimaki.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Timóteo 1:2

Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

Filemom 1:10

Haskawẽ taeshũ mia daewakĩ mia anu Onésimo ẽ nitxiaiĩ, hau mia dayashũri kanunã. Nenu ea meneshimabu anu hiweshũ Onésimo Jesus Cristo ikũwãmakĩ ẽ xinã betsa wamaimawẽ taea mĩ dayaru escravo ẽ bake keskaki.

1 João 2:1

Ẽ bake keskabuũ, Deusũ hãtxa txibãkĩ mã ana txakabuwayamanũbũ ẽ matu keneshũ bumai nĩkakãwẽ. Mã haskabia tsuãra kanekĩ mã txakabu meayarã, nukũ hãtxashunika Jesus Cristo hawẽ Epa bebũ nia nũ hayaki, hatũ hawa kanenimatũ nuku merabewairã.

2 João 1:4

Haska Epa Deusũ nuku yununi matubu hatiritũ txibãhairai matukiria beabu hatuki ẽ nukua txanima haska hãtxa txanimawẽ hiweaibu hatu uĩ ẽ benimahairaimaki.