1 Coríntios 4:17 - Kaxinawá Bíblia (BR)

¹⁷ Mã haska xinãnũ Timóteõ ebetã Cristo txibaĩ ẽ bake keska txĩtuĩsma hau matu merabewanũ matu anu ẽ nitxiaiĩ. Ha ẽ abumistũ nukũ Shanẽ Ibu ikũwãkĩ txibãkĩ hawẽ yunuti inũ hawẽ nemati ashũkubaĩkĩ ikũwaĩbu itxati tibi anushũ haska ẽ yusĩkubauni keska shabakabi Timóteõ matu yusĩ kaikiki. Nĩkairashãkãwẽ.

Kashinawa : Diosun Jesúswen taexun yuba bena yiniki

¹⁷ Man jaska shinanun Timoteon ebetan Cristo chibain en bake keska chintuinsma jau matu medabewanun matu anu en nichiaiin. Ja en bechipaimistun nukun Xanen Ibu ikunwankin chibankin jawen yunuti inun jawen nemati axunkubainkin ikunwainbu ichati tibi anuxun jaska en yusinkubauni keska xabakabi Timoteon matu yusin kaikiki. Ninkaidaxankanwen.

1 Coríntios 4:17 Referencias Cruzadas

Provérbios 13:17

Hãtxa bunika txakabunã, hatũ hãtxa txani peama hatu txakabu tueshũmiski. Hakia hãtxa bunika pepã hatũ hãtxa pepa txanikĩ hatu daewakĩ benimawamisbuki.

Números 12:7

Hakia ẽ tsuma Moisés pepa dasibibu binua txĩtuĩsmabe hãtxairã, ẽ haskaismaki.

Mateus 24:45

hanushũ nuku xinãmakĩ nũ hawẽ tsumabu nuku ana yusĩkĩ: —Shanẽ ibu txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.

Mateus 25:21

hawẽ shanẽ ibũ yuikĩ: “Mĩ ẽ tsuma pehaira kaneismaki. Eskarabes ẽ mia yunubiabaini inãnanãkĩ hawa benuama mĩ pe mekekĩ kaneama ixiãwẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Mateus 25:23

hawẽ shanẽ ibũ hari yuikĩ: “Mĩ ẽ tsuma pehaira kaneismariki. Eskarabes ẽ mia yunubiabaĩyama inãnanãkĩ hawa kaneama mĩ pe mekekubaĩxinawẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Hechos 16:1

hanua Paulo inũ Silas kakũkaĩkĩ Derbe inũ Listra ha mae dabe anu yusĩ Listra anua Jesus ikũwaĩ betsa hawẽ kena Timóteoki nukunibukiaki. Hawẽ ewa judeu aĩbũ Jesus ikũwãyã hawẽ epa Gregonawã Jesus ikũwãmakẽ

1 Coríntios 11:16

Na yusĩawẽ mã ha ikatsis ikairã, ha ikãwẽ. Hakia na haska ẽ matu yusĩaĩnã, habias keskari Jesus ikũwaĩbu itxamisbu tibi anushũri habiaskari xinãkĩ yusĩkanikiki.

1 Coríntios 11:2

Ẽ matu yusĩtani habi txibaĩ mã txĩtuãmawẽ taeshũ benimakĩ ẽ matu kẽwaiĩ.

1 Coríntios 16:1

Yunuti betsa matu yuinũ nĩkakãwẽ. Jesus ikũwaĩbu Jerusalém anuabu nuitapakanikiaki. Nũ hatu merabewanũbũ haska ikũwaĩbu Galácia anuabu ẽ hatu yunuyama keska wakĩ ẽ maturi yuiai nĩkakãwẽ.

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

1 Coríntios 4:14

Na eska ẽ matu keneshũ bumairã, matu dakewanũ ishũ ẽ matu akamaki. Hakia matu yusĩ pewai mã ẽ bakebu kayabi matuwẽ nuikĩ abuai keska wakĩ ẽ matu akaii.

1 Coríntios 4:15

Natiã matũ yusĩnã 10.000tũ Cristokiri matu yusĩbiaya eã dukũ Jesus mekeakiri ẽ matu yusĩtaniwẽ taea ea dukũ ẽ matũ epa kayabi keskaki. Ea hakimayamakãwẽ.

1 Coríntios 4:2

Tsuara shanẽ ibu betsã hau hawẽ daya ashunũ yunuarã, hawẽ hãtxa nĩkatã txibãkĩ hau uĩmakubainũwẽ, kaneamarã.

1 Coríntios 7:17

Mae tibi anushũ ikũwaĩbu hanu itxamisbu tibi anu kakũkaũkĩ haska ẽ yusĩmis habiaskari matu yuinũ nĩkakãwẽ. Haska bebũkiri mã haska beyawẽ hiwea nukũ Shanẽ Ibũ matu hiwemashanũ, iwanã, Deusũ matu tibi katukĩ kenaniki, haska Deusũ hawẽ xinãnẽ haska matũ hiwea matu betsawamani hawa ana xinãma hau mã Jesus txibã bestikubainunã.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

2 Coríntios 8:18

Tito matu anu kaya nukũ betsã Deusũ kakape datã akĩ pe yusĩ heneisma hakiri dasibibũ pe uĩkĩ yuimisbu Titobe nũ ha nitxĩriaii.

Efésios 6:21

Ẽ haskarara hau matu anu kashũ ekiri matu unãmai txani kashanũ, iwanã, nukũ Shanẽ Ibuwẽ taea nukũ betsa Tíquicõ, ikũwaĩ txĩtuĩsma habiatũri nukũ Shanẽ Ibũ daya ashũkĩ nuku merabewamis matu anu ẽ nitxiaiĩ.

Filipenses 2:19

Nukũ Shanẽ Ibũ haska xinãyã matu anu Timóteo yunukatsi haska ẽ xinaiĩ, hau matu nĩkatãkĩ matũ kaka beshũ ea benimawayushanunã.

Filipenses 2:22

Timóteo ẽ bake keskai ebe hiwea dayakũkaĩkĩ kakape Jesuskiri ebetã yusĩkĩ ea merabewakubaĩmis hawẽ hiwea mã unaiĩ.

Colosenses 1:7

Mã haska ikaiburã, nukũ haibuhaira Epafrasĩ nuku keska Cristõ tsuma nukube dayakĩ matu anushũ txĩtuãma matu nuku yusĩshũkubaĩmis

Colosenses 4:9

Matũ mae anuari nukũ betsa nũ habe abunameriamis txĩtuĩsmari Onésimo Tíquicobe kaikiki, haska nenu Roma anushũ haska xarabu nuku wabu nũ hiweakiri ha dabe matuki txani bukanikikirã.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Timóteo 1:2

Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

2 Timóteo 3:10

Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

Tito 1:5

Natukã Creta anua nũ dayai taeima anushũ hatu merabewakĩ pewakĩ mae tibi anushũ ikũwaĩbu mekenikabu wakĩ mĩ hatu katunũ haska xinãkĩ mia yunutã ẽ mia henebiranimaki.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 2:13

Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.