Januxun badidi Templo jemaintin anuxun Jesúsun jatu yusinkubaini meshu medan tibi Jerusalén anua kainkaini Olivos Mati anu uxatantanaya
Hechos 5:42 - Kashinawa : Diosun Jesúswen taexun yuba bena yiniki jatu yusinkin jawa jeneama Templo jemaintin anuxun inun jiwe betsa betsapa anuxun xaba betsa tukuma Mesías Jesucristokidi kaka pepakidi jatu tapinmakubainibukiaki. Kaxinawá Bíblia (BR) hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki. |
Januxun badidi Templo jemaintin anuxun Jesúsun jatu yusinkubaini meshu medan tibi Jerusalén anua kainkaini Olivos Mati anu uxatantanaya
jakia ja jaskaibun ikunwain betsabu Chipre anuabu inun Cirene mai pakea anuabu Antioquía anu buxun griegobudi Diosun kakape Xanen Ibu Jesúskidi jatu yusindianibukiaki.
janua juni betsa unanepabu epicúreobun yuikin: “Tsuawen nuiama jawada min bechipaiai besti aki pe jiwekunkaintiki”, ikin shinanmisbu inun juni betsa unanepabudi estoicobun yuikin: “Jawawen benimama, jawen yudawen nuiama pe jiwekunkaintiki”, ikin shinanmisbu Pablobe yuinamei kemanamediaibun jabu betsan chitekin yuikin: —Na chikish janchanwainan, ¿jadakidi janchai ikimenkain?— ikaya betsan yuikin: —Pablonan, eska yui ikikiaki. Diosun Mesías Jesúskidi inun yudabu dasibi mawa ana bestenxanaibukidi chanidan— ikaya jaskakenan —¿Mekenika yushin betsa betsapa nun jawa unandiabumakidi jawen nuku benimawanun ika ikidaka?— ikaibun
—Diosunan, jawen Mesíasdan, jau mawayuxanun yununiki. Mawatan ana bestenxanikiki, akin jakidi kenenibudan— akin Pablon jatu yusin pewatan ana jatu yuikin: —Ja Jesúskidi matu yui en chanikunkainaidan, Diosun Katua Mesías Cristoki— jatu wa
Janua xaba tibi Templo jemaintin anuxun kushipa yukakin jiwe anuxundi ichaxun jawa chintuanma shinan chankanbetanan jatubetan pikin Jesús jatu mawaxunima shinanmati misi pikin
Ea jaska wabiabu dasibibun besuudia inun matun jiwe betsa betsapa anuxun matu yusinkin matu medabewanun, iwanan, jawa meseki dakeama en matu yusin jeneama iniki.
Eskawen taea nun ikai matu yuinun ninkakanwen. Jawada uinkin nun ninkakubidanima jakimama jatu yusinkin nun jenetidumaki— jatu wabu
Nukun Xanen Ibuun, natianan, jabun nuku mese mesewaibu min uiaiin. Jaskawen taexun nun min tsumabu jawa datea min baken kakape nun xabakabi chanikunkaunun nuku yunuwe.
Felipen unanmakin Diosun jancha dama yuixudan, jawen yusin taewakin kakape Jesúskidi Etiopianawa tapinmakin ninkamakubaina
medabenan betsa Felipe mae ewapa betsa Samaria anu kaxun Mesías Cristokidi jatuki chanikin taewakin
Janu jatube jiweyuxun janu judiobu ichamisbu betsa betsapa anuxun Saulon jatu yusin taewakubaunkin: —Jesúsdan, Diosun bake kayabiki— akin jatu yuikubainaya
Jesucristo cruzkia mawakin jawada nuku axuni man ninkakin ikunwanunbun ana jamapai miyui tibi betsa betsapakidi shinankatsi ikama Jesucristo bestikidi jas shinankin yusiin en matube jiwekunkainiki.
Janua tsuabunda jau Diosun ea duawanun, iwanan, jatun jina kubichi mextekinan jamen akanikiki. Jaska inun, tsuabunda mexteama jamendi ikanikiki. Jakia nukudan, Dios duawanun ika shinan betsa watan besti Dios nun benimawakubainaii. Jesús ea mawaxuniwen taexun shinan benawatan: “Mabu ichapa besti binun”, iwanan, ana en shinanmaken chakabun ea ana achiamadiki. Jaskaken keanma nukun Xanen Ibu Jesucristo ji cruzkia mawaxun jawada ea axunikidi besti yuikubainkin Dios en kenwaiin. En jawauma iniwen taea en jawa kentidumaki. Jakia Jesúswen taea besti en kentiduki.
Eska en mia shinanxunaidan, Diosun jancha jatu tapinmakin jawa jeneama badi tibi benuama akubainwen, janu ninkakatsis ikin ninka pewaibutian inun janu ninkakatsi ismabia inun janu bika teneaibutianan. Jaska wakin jatu ikunwanmakin jatun chakabu jatu jenemakin jatu benimawakin jatu yusiin jin jin ikama akubainwen.