Hechos 5:42 - Kaxinawá Bíblia (BR)

⁴² hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki.

Kashinawa : Diosun Jesúswen taexun yuba bena yiniki

⁴² jatu yusinkin jawa jeneama Templo jemaintin anuxun inun jiwe betsa betsapa anuxun xaba betsa tukuma Mesías Jesucristokidi kaka pepakidi jatu tapinmakubainibukiaki.

Hechos 5:42 Referencias Cruzadas

2 Samuel 6:22

Enabube ẽ besikũkainairã, ibubis ẽ hawama keskaki, Senhor Deus ishuinã. Haskairã, ẽ keãmaki. Mĩ ea haska uĩkĩ yuiaiwẽ taea ẽ babuamaki. Mĩ ea haska wabiaya ha habias escrava aĩbuaibukiri mĩ ea yuishu habiabũ ea duawakubaĩshãkanikiki— akaya

Lucas 21:37

Hanushũ bariri Templo hemaĩtĩ anushũ Jesusũ hatu yusĩkubaini mexu merã tibi Jerusalém anua kaĩkaini Oliveiras Mati anu ushatãtanaya

Hechos 11:20

hakia ha haskaibũ ikũwaĩ betsabu Chipre anuabu inũ Cirene mai pakea anuabu Antioquia anu bushũ Gregoburi Deusũ kakape Shanẽ Ibu Jesuskiri hatu yusĩrianibukiaki.

Hechos 13:32

Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 17:3

—Deusunã, hawẽ Messiasrã, hau mawayushanũ yununiki. Mawatã ana bestẽshanikiki, akĩ hakiri keneniburã— akĩ Paulõ hatu yusĩ pewatã ana hatu yuikĩ: —Ha Jesuskiri matu yui ẽ txanikũkainairã, Deusũ Katua Messias Cristoki— hatu wa

Hechos 2:46

Hanua shaba tibi Templo hemaĩtĩ anushũ kuxipa yukakĩ hiwe anushũri itxashũ hawa txĩtuãma xinã txãkãbetanã hatubetã pikĩ Jesus hatu mawashunima xinãmati misi pikĩ

Hechos 20:20

Ea haska wabiabu dasibibũ besuuria inũ matũ hiwe betsa betsapa anushũ matu yusĩkĩ matu merabewanũ, iwanã, hawa meseki dakeama ẽ matu yusĩ heneama iniki.

Hechos 4:20

Eskawẽ taea nũ ikai matu yuinũ nĩkakãwẽ. Hawara uĩkĩ nũ nĩkakubiranima hakimama hatu yusĩkĩ nũ henetirumaki— hatu wabu

Hechos 4:29

Nukũ Shanẽ Ibuũ, natianã, habũ nuku mese mesewaibu mĩ uĩaiĩ. Haskawẽ taeshũ nũ mĩ tsumabu hawa datea mĩ bakẽ kakape nũ shabakabi txanikũkaunũ nuku yunuwe.

Hechos 8:35

Filipẽ unãmakĩ Deusũ hãtxa dama yuishurã, hawẽ yusĩ taewakĩ kakape Jesuskiri Etíopianawa tapĩmakĩ nĩkamakubaina

Hechos 8:5

merabenã betsa Filipe mae ewapa betsa Samaria anu kashũ Messias Cristokiri hatuki txanikĩ taewakĩ

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

1 Coríntios 2:2

Jesus Cristo cruzkia mawakĩ hawara nuku ashuni mã nĩkakĩ ikũwanũbũ ana hamapai miyui tibi betsa betsapakiri xinãkatsi ikama Jesus Cristo bestikiri has xinãkĩ yusĩ ẽ matube hiwekũkainiki.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.