Hechos 6:1 - Kaxinawá Bíblia (BR)

¹ Ha bari haskaibutiãri mirimabũ ana ikũwaĩ hatuki dasii itxakubainaibũ habianuri judeububia hatũ hãtxa Grego hãtxawẽ besti hãtxamisbũ ha hatubetãri ikũwaĩ judeubũs hãtxa Hebreowẽ besti habu hãtxamisbu hatube ha ikĩ yuikĩ: —Dasibibũ nũ Jesus matubetã ikũwãbiaibũ shaba tibi nuku pimakĩ nukũ aĩbu beneuma enaumabu piti nesheshũkinã, mã hatu pashka pewashunabumaki. Matunabu Hebreobu besti piti itxapa hatu nesheshũ inãkĩ nukunabu Grego hãtxawẽ nũ hãtxamis ha nukũ aĩbu beneumabu piti eskarabes nesheshũ hatu inãkĩ mã hatu nuitapawakubainaii. Haskarã, txakabuki— ikaibũ

Kashinawa : Diosun Jesúswen taexun yuba bena yiniki

¹ Ja badi jaskaibutiandi midimabun ana ikunwain jatuki dasii ichakubainaibun jabianudi judiobubia jatun jancha griego janchawen besti janchamisbun ja jatubetandi ikunwain judiobuns jancha hebreowen besti jabu janchamisbu jatube ja ikin yuikin: —Dasibibun nun Jesús matubetan ikunwanbiaibun xaba tibi nuku pimakin nukun ainbu beneuma enaumabu piti nexexunkinan, man jatu paxka pewaxunabumaki. Matunabu hebreobu besti piti ichapa jatu nexexun inankin nukunabu griego janchawen nun janchamis ja nukun ainbu beneumabu piti eskadabes nexexun jatu inankin man jatu nuitapawakubainaii. Jaskadan, chakabuki— ikaibun

Hechos 6:1 Referencias Cruzadas

Jó 29:13

Hawa hayama bika tenetxakayamakubainaibu ẽ hatu merabewakubaina ea kẽwãkĩ: ‘Mĩ huni peki’, akĩ ea yuikubainimabuki. Beneumaburi ẽ hatu merabewaya ewẽ benimakubainimabuki.

Jó 31:16

Haska inũ, tsuara hawara hayama nuitapaibu hatu merabewakĩ ẽ heneama ikũkainimaki. Aĩbuaibu hawẽ bene mawanibu hatu yubanishũ hatũ piti inãkĩ ẽ hatu merabewakubainimaki.

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

Isaías 1:17

Pepa besti atikiri tapĩrikãwẽ! Tsua ana parãtima menã pepati hawaira benakãwẽ! Hatu itxakawaibu hatu merabewakãwẽ! Yunuti hãtxawẽ taeshũ bake ibuuma hatu itxakawama hatu merabewa bestikubaĩkãwẽ! Beneyabiani ana beneumabu hawẽ hiweawẽ bika teneai merabewai hãtxashũkubaĩkãwẽ!” itã

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Hechos 11:20

hakia ha haskaibũ ikũwaĩ betsabu Chipre anuabu inũ Cirene mai pakea anuabu Antioquia anu bushũ Gregoburi Deusũ kakape Shanẽ Ibu Jesuskiri hatu yusĩrianibukiaki.

Hechos 11:26

Sauloki nukutã Antioquia anu iyui habe hari kaimashũ hatu yusĩkĩ ano bestitxai nitxĩkĩ yura itxapabu kaka pepa Jesus Cristokiri hatu yusĩkubainaibũ ha mae anushũ nawabũ Jesus ikũwaĩbu hatukiri xinãkĩ kenakĩ: “Naburã, habũ Cristo txibaĩbuki”, iwanã, hatu kena taewanibukiaki, nawã hãtxawẽ kenakinã, “Cristãos”, hatu wakinã.

Hechos 11:29

Haskaibũ Judéia anushũ ikũwaĩ nuitapaibu hatu merabewanũ, ishũ, yuinametã hatu pei itxawashũkĩ pei itxapayabũ itxapa inãkĩ eskarabes hayabũ eskarabes inãkĩ hatu itxawashũtã hanua

Hechos 2:41

hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.

Hechos 2:45

betsabu mabuyabu inũ baiyabũ hawẽ pei bikatsi huni betsabu inãtã hawẽ pei bitã ikũwaĩbu nuitapaibu hawa hayama pei hatu pashkashũkĩ merabewakubainibukiaki.

Hechos 2:47

Deus kẽwaĩbũ dasibibũ hatukiri pe xinãkubainaibũ shaba tibi betsabũ Jesus ikũwaĩ yurã kaiã itxai hatuki dasiaibu Deusũ hawenabu hatu wakĩ kenakubainikiaki, habu hiwei mekekatsi ikaiburã.

Hechos 4:35

hau hatu inanũbũ Jesusũ kuxipayabu hatu inãkubainaibu ha betsabu hawa hayama hau hawẽ binũbũ bestibu tibi hatu pashkashũkubainibukiaki.

Hechos 4:4

ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.

Hechos 5:14

Haskabiaibũ ana mirimabũ hatubetã hatũ Shanẽ Ibu ikũwaĩ huni itxapa inũ aĩbu itxapa hatuki dasikubainaibũ

Hechos 5:28

—Ha huni akimabukiri mã hatu yusĩaĩbu nũ matu nemahairabiaxina nukũ hãtxa hawa nĩkama haskakĩ Jerusalém anuabu hatu itxawakĩ mã ha hunikiri yusĩkĩ heneamamẽ? Haska wakĩ ha huni nukukiri yuikĩ: “Mã hatu tenãmaimaki”, akĩ mã nuku hawẽ taeshũ yuãkĩ mã nuku hatu dake wamakubainaii— ikaibũ

Hechos 6:2

haskaibu hatu yuiabu nĩkatã ha 12 Jesusũ kuxipayabũ dasibi ikũwaĩbu hatu itxawashũ hatu yuikĩ: —Nukũ nũ matu piti pashkashũkĩ mekeshuna bestirã, nukunarã, pemaki. Ha dikabi matu haska besti wakĩ Deusũ hãtxa yusĩkĩ nũ henea pemariki.

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Hechos 9:29

judeubu Grego hãtxawẽ hãtxamisbube hatube hãtxai yuinamekĩ hatu yusĩayã hawẽ yusĩa danaĩ haki sinatakĩ tenãnũ ika yubakaibũ

Hechos 9:39

hanua Pedro iyuabu hatube kai hikitanaya hanua Pedro ana uke merã iyukĩ hanu yura mawa datãbu anu hikimaibũ ha aĩbu beneuma nuitapaibũ keshebauna kashakĩ Dorcas hiweshũ hatu batxi washũmis Pedro uĩmai ana kashatxakayamaibũ

Hechos 9:41

Pedrõ metsũshũ benitã hanushũ aĩbu beneuma nuitapaibu inũ ikũwaĩbu betsabu hatu kena beshũ ma aĩbu ana hiwema uĩaĩbũ

Romanos 12:7

Haska inũ, tsuabura hawẽ merabenãti kuxipa hatu inãkẽ hau habias merabenãti kuxipawẽ ikũwaĩ betsabu hau hatu uĩmakĩ merabewakubainũbũwẽ. Haska inũ, tsuabura Deusũ hãtxa yusĩnã kuxipa inãkẽ ikũwaĩbu kuxipa wakĩ hatu yusĩkĩ hau tapĩmakubainũbũwẽ.

1 Coríntios 10:10

Ha inũ, hatiritũ Moisés inũ Arão hune haki ha ikĩ yuaĩbuwẽ taeshũ nai tsuma Deusũ hatu tenãmanikiaki. Haskanibu keskakĩ Deusri shabakabi haki ha ikĩ yuãyamakubainãkãwẽ.

2 Coríntios 11:22

Matu parãmisbũ habũ shenipabukiri kẽkĩ yuikĩ: “Nũ Hebreonawabu inũ, nũ Israelbu inũ, nũ Abraãonẽ bababuki”, ikĩ txanima yuiaibunã, eari ẽ habiariki.

Filipenses 3:5

Deusũ Abraão yununiwẽ taeshũ ẽ kaĩxina oito shabatiã ẽ hina kubitxi ea meshtenibuki. Ẽ Israelĩ baba betsa Benjamim shukua anua eari ẽ kainiki. Haskawẽ taea ẽ ibubu Hebreokẽ eari ẽ Hebreoki. Ha inũ, hawẽ hãtxa Deusũ Moisés yusĩni txibaĩ dasibi betsabu binui ẽ fariseu iniki.

1 Timóteo 5:3

Aĩbu ewa beneyabiani ana bene hayabumã Jesus Cristo ikũwaĩbu txanima nuitapa kayabiaya hawenabu hayamakẽ Jesus Cristonabũ duawakĩ hau hatu merabewakubainũbũwẽ.

1 Timóteo 5:9

Habũ ikũwaĩ yushabu 60 bariya unuri kai beneyatã betsawẽ kemukĩ heneama ipauni enauma ikũwaĩbũ merabewatirurã, eska atiki, hatu tanakĩnã.

Hebreus 13:1

Ma hawẽ henea yusĩa kene ẽ matu bumai uĩkãwẽ. Jesus matubetã ikũwaĩbube nui heneama hatube abunamei duanamepakekubaĩkãwẽ.

Santiago 1:27

Hakia tsuabũra txanima Deus hiwea kẽwã kayabikĩ nũ akaiburã, nũ eska itirubuki. Matu yuinũ nĩkairakãwẽ. Nũ pepa hawa txakabuma ikatsis ikairã, nukũ Epa Deus benimawakĩ eska uĩmakubaĩkãwẽ. Bake ibuumabu inũ, aĩbuaibu hatũ bene ana hayabuma nuitapaibu habuwẽ nuikĩ habũ hawara bishũkĩ hatu merabewakubaĩkãwẽ. Ha inũ, hamapai yurabũ akai txibaĩ kemui irumapayamakubaĩkãwẽ.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.

Santiago 5:9

Ẽ betsabu inũ ẽ puibuũ, Epa Deusũ dasibibu hatu unãti washanai ma hua kemaki. Hau matu hatube unãti watã kupiyamashanũ ana nukũ betsabube ha iki kũyã idabeyamakubaĩkãwẽ.