JOSHUA 7:5 - BUKUIT NE TILIL

Ak kibar bikab Ai olo bo bik sosom ak lo eng’ ichek: ak kion ichek eng’ ormarichet, kot koit Sebarik, ak kibarat ichek korektoi: ak kimeiyo mugulelwekab bik, kot koigei beek.

Bukuit Ne Tilil

Kibaris piigap Ai kobar piigap Israel, piik olo po sosom ak lo ak koon eng' ormariichet kot koit Sebarik, ak kobarat korektoi. Kimeiyo miising' kot mugulelwegap piik.

BUKUIT NE TILIIL Sireet ne Dutero Kanon

Kibaris piigap Ai kobar piigap Israel, piik olo po sosom ak lo ak koon eng' ormariichet kot koit Sebarik, ak kobarat korektoi. Kimeiyo miising' kot mugulelwegap piik.

JOSHUA 7:5 Referencias Cruzadas

TIENWOGIKAL 22:14

Kagitumda ko u beek, Ak kagong’ulielis kowekyuk tugul: U muguleldanyu masamek; Ak kochootyo eng’ moennyu.

TIENWOGIKAL 58:7

Ingochootyo koigei beek che rootei: Ak ye kagersach kipchabonikyik, ingoigei ichek che machei kotonogis.

ISAIAH 13:7

Nyaluldos anyun eunek tugul, ak kochoot muguleldab chi age tugul:

EZEKIEL 21:7

Ak ye teebenen, kolenjin, Amu nee si itigen? Ile anyun, Amu ng’alek, amu nyonei: ak kome muguleldo age tugul ak konyalulso eunek tugul, ak kotanui tamirmiriet age tugul, ak kochootyo kutung’oik tugul ko u beek: ogeero, nyonei, ak ko yaoksei, mwaei Kiptaiyat Jehovah.

ATEPTAP LAWIK 26:36

Ak eng’ icheget che ng’etu eng’ okwek, ayokyini mugulelwekwak kaiyweisiet eng’ emotinwekab bunikwak; ak koon ichek cheetab sogot ne ibei usonet; ak komwei ichek, ko u chi ne mwee rotwetab chok, ak kobutyoti ye maonei chi.

NAHUM 2:10

Mami kiy, mi buch, kigoek karatia: chootei muguleldo, ak biregei kutung’oik, ak komi ng’wanindo suenutik tugul, walaksei togochikab ichek tugul.

NG'ATUTIK 1:44

Ak kimong’jok Amorik che kimenyei tulwonoto, nyo koonak, ko u ye onei bich segemik, ak kiiterteranwak ochorjinigei Seir, agoi Horma.

JOSHUA 2:11

Ak kingegas agobo noto, komeiyo mugulelwekyok, amata kong’et nyiganatet eng’ chi age tugul, amu okwek: amu Jehovah Kamuktaindeng’wong’, ko Kamuktaindent eng’ barak kipsengwet ak eng’ ng’ony.

JOSHUA 2:9

ak kolenji bichoto, Angen ale kigonok Jehovah emoni, ak kigobutyech kamuiseng’wong’, ak begu kowoi bik tugul che bo emoni eng’ taing’wong’.

JOSHUA 5:1

Ak ye kingogas laitorinik tugul che bo Amorik, che kimi komostab cherongo eng’ Jordan, ak laitorinik tugul che bo Kananik, che ki negite nyanjet, kole kiyai Jehovah beekab Jordan koyaamnyo eng’ taitab lagokab Israel, agoi kelong’u, kobek mugulelwekwak, amata kong’et nyiganatet eng’ ichek, amu lagokab Israel.