JOSHUA 7:6 - BUKUIT NE TILIL

⁶ Kigerer anyun Josua ngorikyik, ak kong’uruk kot koit ng’ony togennyi eng’ taitab moingetab Jehovah agoi koskoleny, inendet ak boisiekab Israel; ak kiinde metowekwak temburiek.

Bukuit Ne Tilil

⁶ Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

BUKUIT NE TILIIL Sireet ne Dutero Kanon

⁶ Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

JOSHUA 7:6 Referencias Cruzadas

TAUNET 37:29

Ak kiweeigei Reuben kwo ole mi keringet; ak ogeero, kima komi Josep keringet; ak kigerer ngoroikyik.

TAUNET 37:34

Ak kigerer Jakobo ngoroikyik, ak kogermenegei kuniet, ak kirirji werinnyi betusiek che chang’.

2 SAMUEL 1:11

Konam anyun Daudi ngoroikyik kogerer; ak kiyai ko u noto bik tugul che kimi ak inendet:

2 SAMUEL 1:12

ak kiiteiyo ak koririo ak korugutgei agoi koskoleny agobo Saul ak Jonatan werinnyi, ak agobo bikab Jehovah, ak gotab Israel; amu kibek eng’ rotokab chok.

2 SAMUEL 1:2

eng’ betutab somok, ogeero, konyo chito eng’ nganaset ne kimi Saul ko kererotin ngoroikyik, ak komi ng’ung’unyek metinnyi: ak kingoit ole mi Daudi, kobutyi ng’ony, kogutung’ji.

2 SAMUEL 12:16

Ak kisa Daudi Kamuktaindet agobo lakwanato; ak kiirugutgei Daudi, ak kiwa go, kwo koru ng’ony kemout komugul.

2 SAMUEL 13:19

Ak kiinde Tamar orek metinnyi, ak kogerer ngoriennyi ne koi ne kiilaachi: ak konamatgei met, ak kwo, koriroti eng’ kutit ne o.

2 SAMUEL 13:31

King’eet anyun laitoriat, kogerer ngoroikyik, ak koru eng’ ng’ony; ak kitononso otwogikyik tugul eng’ ole mi inendet ko kagogerer ngoroikwak.

2 LAITORINIK 22:11

Ak kingogas laitoriat ng’alekab bukuitab Ng’atutik, kogerer ngoroikyik.

2 ATEPTAP PEETUUSYEK 34:19

Ak kingogas laitoriat ng’alekab ng’atutichoto, kobet ngoroikyik.

EZRAH 10:1

Ak ye kita kosaei Esra, ak kong’anyei chalwogik, ak korirei ak kowirjingei ng’ony eng’ taitab gotab Kamuktaindet, koyumjigei inendet tuiyet ne o mising’ ne kibunu Israel, ne bo murenik ak kwonyik ak lagok: amu kiririo bik eng’ ng’wanindo.

NEEMIA 9:1

Kiiyumgei lagokab Israel eng’ betutab tiptem ak ang’wan ne bo arawanato korugutgei, kolaach kunoik, ak koiilegei ng’ung’unyek.

ESTA 4:1

Ye kingonai Mordekai tuguk tugul che kagoyaak, kogerer Mordekai ngoroikyik, ak kolaach kuniok ak koiilegei orek, ak kwo kwenutab nganaset, ak kote eng’ kutit ne o ak rirekab ng’wanindo ne o:

ESTA 4:3

Ak kibiit arogenet ne o eng’ Yahudik, ak karugutetab ge, ak rirek ak kateeiyet eng’ emet age tugul ne kiit ng’olyotab laitoriat ak ng’atutiennyi, ak kisieb che chang’ eng’ ichek kuniok ak orek.

Kitabuutap JOB 1:20

Kong’eet anyun Job, ak kobet ngoriennyi ne bo barak, ak kocher metinnyi, ak kobutyi ng’ony, kosa:

Kitabuutap JOB 2:12

Ak kitobendi ichek eng’ ye loo, ama inyit inendet, kowaach eng’ kutit ne o, ak koririo; ak kibet age tugul ngoriennyi ne bo barak, ak koseerta temburiek koba barak, kororokyi metowekwak.

Kitabuutap JOB 42:6

Kaasasge anyun amu noto, kasigu Eng’ temburiek ak orek.

RIREKAB JEREMIA 2:10

Tebyei ng’ony boisiekab cheptab Sion, sistos; Kigoseerji temburiek metowekwak; kigogermenegei kuniok: Abuchi bergeinikab Jerusalem metowekwak.

KAITOSYEK 14:6

Ak kibet ngoroikwak Josua weritab Nun ak Kaleb weritab Jepune, che kimi koboto ichek che kiga ba kosegei emet;

KAITOSYEK 16:22

Ak kiing’urukso kot kotiiny togochikwak ng’ony ak kole, Ee Kamuktaindet, Kamuktaindet ne bo tamirmirikab bik tugul, tos inerekyini tuiyet komugul ngo yai chito agenge tengekto?

KAITOSYEK 16:45

Oistoegei tuiyoni, si kobiit awong’ ichek ngunoto. Ak kiing’uruk kot kotiiny togennyi ng’ony.

POISYONIGAP CHE KIYOKTOI 14:14

Ago ye kingogas agobo noto che kiyoktoi Barnaba ak Paulo, kogerer ngoroikwak, ak koruai koba kwenutab tuiyet, koboldos,

JOSHUA 7:7

Ak kile Josua, Bwa wee Kiptaiyat Jehovah, amu nee si imutu bichu kolong’une Jordan, si igochech eunekab Amorik, kelusye? Kita kaigai kemeny Jordan bitonin!

NG'ANG'UTYET 18:19

Ak kolakyin temburiek metowekwak, ak kowaachei, korirtos ak koteeitos, kolen, Bwa, bwa wee, nganasani o, ole kiegune magore bik tugul che kitinyei melisiekwak eng’ nyanjet amu oindab kamanutiennyi! Amu kait ng’emisiennyi eng’ sait agenge.

KIRUOGIK 11:35

Ak kingogeer inendet, kobet ngoroikyik, ak kole, Bwa cheptanyu! Kegona anyeratit, ak i age eng’ che inyalila: amu koang’ang’ji Jehovah kutinnyu, ama aweechige let.

KIRUOGIK 20:23

(Ak kitogosta lagokab Israel koba koririo eng’ taitab Jehovah agoi koskoleny; ak kiteebe Jehovah, kole, Arikte kogeny ayai luget ak lagokab Benjamin tupchennyu? Ak kile Jehovah, Togoste obarge ak inendet.)

KIRUOGIK 20:26

Yeityo kotogosta lagok tugul che bo Israel, ak bik tugul, ak koit Bet-el, ak koririo, ak kotebi ng’ony eng’ taitab Jehovah, ak korugutgei betunoto agoi koskoleny; ak kiigoito kagochinoik che kibeelei ak kagochinoikab kalyet eng’ taitab Jehovah.

KIRUOGIK 21:2

Ak kibwa bik Bet-el, ak kobuur eng’ yoto eng’ taitab Kamuktaindet kot koit koskoleny, ak kowaach, ak koririo ne ng’wan.

1 SAMUEL 4:12

Ak kilabat eng’ ole mi luget chito ne bo oretab Benjamin, ak kiit Silo betunoto ko kagogerer ngoroikyik, ak komi ng’ung’unyek metinnyi.