JOSHUA 2:11 - BUKUIT NE TILIL

¹¹ Ak kingegas agobo noto, komeiyo mugulelwekyok, amata kong’et nyiganatet eng’ chi age tugul, amu okwek: amu Jehovah Kamuktaindeng’wong’, ko Kamuktaindent eng’ barak kipsengwet ak eng’ ng’ony.

Bukuit Ne Tilil

¹¹ Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

BUKUIT NE TILIIL Sireet ne Dutero Kanon

¹¹ Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

JOSHUA 2:11 Referencias Cruzadas

1 LAITORINIK 8:60

si kobiit konai bik tugul che bo ng’ony kole, Jehovah ko Kamuktaindet; mami age.

2 LAITORINIK 5:15

Ak kiweek kwo ole mi chitab Kamuktaindet, inendet ak bikyik tugul che kimi ak inendet, ak kinyo ak kotonon eng’ tainnyi: ak kole, Keer anyun nguno, kaanai ale mami Kamuktaindet eng’ ng’ony tugul, kobate mi eng’ Israel: ara asain nguno anyun ale, taach konunet eng’ otwogindeng’ung’.

NEEMIA 6:16

Ak kingogas bunikyok tugul, koiyweis bororiosiek tugul che kigayiemech, ak kosasgei: amu kinai kole boisioni ko kiyaei Kamuktaindennyo.

ESTA 8:17

Ak kitinyei kagasetab ge ak boiboiyet, igorta ak betut ne o, eng’ emet age tugul ak eng’ nganaset age tugul, oldo tugul ole kiga it ng’olyotab laitoriat ak ng’atutiennyi. Ak kiwalgei bik che chang’ che bo emet koek Yahudik; amu kiga koityi ichek kaiyweisiet ne kiiywei Yahudik.

TIENWOGIKAL 102:15

Koiywei anyun bororiosiek kainetab Jehovah, Ak koiywei laitorinik tugul che bo ng’ony torornateng’ung’:

TIENWOGIKAL 22:14

Kagitumda ko u beek, Ak kagong’ulielis kowekyuk tugul: U muguleldanyu masamek; Ak kochootyo eng’ moennyu.

TIENWOGIKAL 58:7

Ingochootyo koigei beek che rootei: Ak ye kagersach kipchabonikyik, ingoigei ichek che machei kotonogis.

TIENWOGIKAL 83:18

Si kobiit konai kole inyendet inyege ne kaineng’ung’ ko JEHOVAH, Inye ko i Ne Toror Mising’ ne bou ng’ony komugul.

KOMONG'U 15:14

Kigogas bororiosiek alage, ak kibotanso: Kinyor ng’wanindo che menyei Pilistia.

KOMONG'U 15:15

Kitang’any anyun kiruogik che bo Edom; Botandos che kimen che bo Moabik: Kachootyo tugul che menyei Kanan.

ISAIAH 13:7

Nyaluldos anyun eunek tugul, ak kochoot muguleldab chi age tugul:

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

EZEKIEL 21:15

Koatokyi rotwetab chok ormarichokwak tugul, si komeiyo mugulelwekwak, ak kotesogis kanagutikwak: haa! Kogeyai koigei kalyelet, kogelit si kobaris.

NAHUM 2:10

Mami kiy, mi buch, kigoek karatia: chootei muguleldo, ak biregei kutung’oik, ak komi ng’wanindo suenutik tugul, walaksei togochikab ichek tugul.

NG'ATUTIK 1:28

Kitogostoi kebendi ano, anyun? Kiigochi tupchosiekyok mugulelwekyok kochootyo, kolenjech, Eechen bik ak ko koen kosiirech; eechen nganasok, kigiteech irimosiekwak kot koit kipsengwet; ak ne siirei noto ko kigigeerji oloto werikab Anagik.

NG'ATUTIK 20:8

Ingong’alalji kandoik bik kogeny kolenji, Ng’o ne nyogor ne machei kotanui? Ingoweek kwo gonnyi, si machootyo mugulelwekab tupchosiekyik ko u nenyi.

NG'ATUTIK 4:39

Nai anyun rani, ak igonor eng’ muguleldang’ung’ ile, Jehovah ko Kamuktaindet eng’ barak kipsengwet ak eng’ ng’ony orit: mami age.

JOSHUA 14:8

Ago kiigochi tupchosiekyuk che kigitogostoi tugul mugulelwekab bik komeiyo: ago kiasub Jehovah Kamuktaindennyu eng’ kagesunatetab ge.

JOSHUA 2:24

Ak kilenji bichoto Josua, Iman kigonde Jehovah emet tugul eunekyok; ak ne siirei noto, kobegu kowoi bikab emonoto eng’ tainnyo.

JOSHUA 5:1

Ak ye kingogas laitorinik tugul che bo Amorik, che kimi komostab cherongo eng’ Jordan, ak laitorinik tugul che bo Kananik, che ki negite nyanjet, kole kiyai Jehovah beekab Jordan koyaamnyo eng’ taitab lagokab Israel, agoi kelong’u, kobek mugulelwekwak, amata kong’et nyiganatet eng’ ichek, amu lagokab Israel.

JOSHUA 7:5

Ak kibar bikab Ai olo bo bik sosom ak lo eng’ ichek: ak kion ichek eng’ ormarichet, kot koit Sebarik, ak kibarat ichek korektoi: ak kimeiyo mugulelwekab bik, kot koigei beek.

JOSHUA 9:24

Ak kiwolji ichek Josua kolenji, Amu kigimwachi otwogiguk iman, ko u ye king’at Jehovah Kamuktaindeng’ung’ otwogindennyi Musa kogonok emet tugul ak kobar eng’ taing’wong’ bik tugul che menyei emoni; kigiweisie anyun mising’ agobo sobonwekyok amu okwek, keyai anyun ko u nito.

NG'ANG'UTYET 6:16

ak kolenji tulonok ak ruandosiek, Oluuljech, ak ounyech eng’ togetab inendet ne tebe ng’echeretab laitornatet, ak eng’ neregekab Aruet: