Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.
JOSHUA 1:5 - BUKUIT NE TILIL Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten. Bukuit Ne Tilil Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen. BUKUIT NE TILIIL Sireet ne Dutero Kanon Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen. |
Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.
Ko u ye kimi Jehovah koboto kiptaiyandennyu laitoriat, ko ingoteb koboto Solomon ko u noto, ak koyai ng’echerennyi ne bo laitornatet koeet kosiir ne bo kiptaiyandennyu laitoriat Daudi.
Ak ngot igas tugul che ang’atin, ak iwendote ortinwekyuk, ak iyai che achame, irib etanutikyuk ak ng’atutikyuk, ko u ye kiyai Daudi otwogindennyu; atebe koboten, ateegun got ne kim, ko u ye kiateekyi Daudi, ak agonin Israel.
Ingoteb Jehovah Kamuktaindennyo kobotech ko u ye kimi ak kwanisiekyok: amat kobagaktech, anan kometech:
Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.
Ak kile Jehovah, Amu ami koboten iman; ni kaborunet ne inae ile kayokten: ye kaimoong’u bik eng’ Misri, oboisiechi Kamuktaindet eng’ tulwoni.
Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.
Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.
onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.
Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.
amu wendi kobotok Jehovah Kamuktaindeng’wong’, koyai boriet agobo okwek, eng’ bunikwok, kosoruok:
Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.
amu Jehovah Kamuktaindeng’ung’ ko Kamuktaindet ne bo rirenet; mametoin, anan kowong’un, anan koutie kayomisetab kwanisieguk ne kiiyosiechi.
Ak konde laitorinikwak euneguk, ak ibet kainenywa eng’ kureretab kipsengwet: mabiitu chi ne imuchi kotonon eng’ taing’ung’, ibare kowong’gei.
Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.
Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.
Ko u ye kigigase it Musa eng’ tuguk tugul, kegasin it aginye ko u noto: ago ingoteb Jehovah Kamuktaindeng’ung’ koboten, ko u ye kimi koboto Musa.
Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.
Ak kilenji Jehovah Josua, Ameiywei ichek: amu kande ichek euneguk; mami chi eng’ ichek ne imuchi kotonon eng’ taing’ung’.
ak kiigochi Jehovah ichek kamuung’et eng’ komoswek tugul, ko u tugul che kiiyosiechi kwanisiekwak: ak ma biit chi eng’ bunikwak tugul ne kiimuch kotonon eng’ tainywa; kiinde Jehovah bunikwak tugul eunekwak.
Ak kilenji Jehovah Josua, Atau rani atororin eng’ taitab Israel tugul, si kobiit konai kole, ko u ye kiami koboto Musa, ami koboten ko u noto.
Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.
Ak ye bwanjin kaborunoichu, iyai ko u ye kenyoru boroindo; amu mitei Kamuktaindet koboten.