JOSHUA 1:9 - BUKUIT NE TILIL

⁹ Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

Bukuit Ne Tilil

⁹ Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

BUKUIT NE TILIIL Sireet ne Dutero Kanon

⁹ Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

JOSHUA 1:9 Referencias Cruzadas

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

TAUNET 39:2

Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.

TAUNET 39:3

Ak kigeer kiptaiyandennyi kole, mi Jehovah koboto inendet, ak kiiberur Jehovah tuguk tugul che kiyaei.

2 SAMUEL 13:28

Ak king’at Absalom otwogik kolenji, Ogeero, ye kagobaibait muguleldab Amnon eng’ maiyek; ko, ye alenjok, Okwer Amnon, obar anyun inendet, mat oiywei. Ma ane ne kang’atak? Ogimegitu ak onyiganitu.

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 15:7

Ago ogimegitu, among’ kochorirenso eunekwok: amu onyoru melekto eng’ boisionikwok.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 43:1

Ago mwaei anyun Jehovah ne kiyain ko u ni kole, Ee Jakobo, ak inendet ne kimimiin, ee Israel: kole, Ameiywei, amu kiatiachin; kiaguurin eng’ kaineng’ung’, i nenyu.

ISAIAH 43:5

Ameiywei; amu ami koboten: amutu iyoteng’ung’ eng’ kong’asis, ayumin inyo eng’ cherongo;

ISAIAH 8:12

Amomwa ole, Chaamset, agobo tugul che mwaei bichu kole, Chaamset; amoiywei kit ne iywei icheget, anan oarogen.

DANIEL 10:19

Ak kile, Ee inye, chito ne i chamat mising’ ameiywei: ingotebenen kalyet, kimitu, ee kimitu. Ak kingong’alalwa, agimitu anyun, ak kiale, Ingong’alal kiptaiyandennyu; amu kaigimita.

HAGGAI 2:4

Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

HAGGAI 2:5

ko u ng’olyot ne kigiyomisyige ye kiobwane eng’ Misri, ak kitebe kwenung’wong’ Tamirmiriennyu: amoiyweisie.

POISYONIGAP CHE KIYOKTOI 4:19

Ago kiwolji Petero ak Johana ichek kolenji, Ngo mie eng’ taitab Jehovah kegasak kosiir Jehovah, oruoch okwek:

NG'ATUTIK 1:21

Ogeero, kagonde Jehovah Kamuktaindeng’ung’ emet taing’ung’: togoste anyun, nam kobunjin, ko u ye kimwaun Jehovah Kamuktaindetab kwanisieguk; ameiywei, anan iarogen.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 31:23

Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.

NG'ATUTIK 31:28

Oyumwa boisiek tugul che bo ortinwekwok, ak kiptainikwok, kobwa yu ami, si amwachi ng’alechu koba itikwak, aguur kipsengwet ak ng’ony kobaorian agobo ichek.

JOSHUA 1:10

King’at anyun Josua kiptainikab bik kolenji,

JOSHUA 1:17

Ko u ye kigigase it Musa eng’ tuguk tugul, kegasin it aginye ko u noto: ago ingoteb Jehovah Kamuktaindeng’ung’ koboten, ko u ye kimi koboto Musa.

JOSHUA 1:18

Chi age tugul ne kabistoe ng’atutieng’ung’, ama epchi it ng’aleguk eng’ tugul che ing’ate inendet, kebarei: ago kimitu inye, ak inyiganitu mising’.

JOSHUA 10:25

Ak kilenji Josua ichek, Amoiywei, anan otoptoben; ogimegitu ak onyiganitu: amu yachin ko u noto Jehovah bunikwok tugul che obarege.

JOSHUA 10:8

Ak kilenji Jehovah Josua, Ameiywei ichek: amu kande ichek euneguk; mami chi eng’ ichek ne imuchi kotonon eng’ taing’ung’.

JOSHUA 3:7

Ak kilenji Jehovah Josua, Atau rani atororin eng’ taitab Israel tugul, si kobiit konai kole, ko u ye kiami koboto Musa, ami koboten ko u noto.

JOSHUA 6:27

Kimi anyun Jehovah koboto Josua; ak kiyom emet komugul kalosunennyi.

JOSHUA 8:1

Ak kimwachi Jehovah Josua kolenji, Meiywei, anan komein mugulelel: imut bik tugul che bo luget, ak ong’eetye otogoste Ai: keero, kande eung’ung’ laitoriatab Ai, koboto bikyik, ak nganasennyi, ak emennyi:

KIRUOGIK 6:14

Ak kigusyi kong’ Jehovah inendet, ak kolenji, Ui eng’ kimnatoning’ung’, ak isoru Israel eng’ eutab Midianik: tos ma ayokten?

1 SAMUEL 10:7

Ak ye bwanjin kaborunoichu, iyai ko u ye kenyoru boroindo; amu mitei Kamuktaindet koboten.