JOSHUA 21:44 - BUKUIT NE TILIL

⁴⁴ ak kiigochi Jehovah ichek kamuung’et eng’ komoswek tugul, ko u tugul che kiiyosiechi kwanisiekwak: ak ma biit chi eng’ bunikwak tugul ne kiimuch kotonon eng’ tainywa; kiinde Jehovah bunikwak tugul eunekwak.

Bukuit Ne Tilil

⁴⁴ ak ki igoochi `Kamuktaindet ne Toroor icheek kamuung'et eng' komoswek tugul, ko uu tugul che ki iyasyechi kwanisyekwak, ak ma piit chii eng' puunikwak tugul ne ki imuuch kotonon eng' tainnywa. Ki inde `Kamuktaindet ne Toroor puunikwak tugul eunekwak.

BUKUIT NE TILIIL Sireet ne Dutero Kanon

⁴⁴ ak ki igoochi `Kamuktaindet ne Toroor icheek kamuung'et eng' komoswek tugul, ko uu tugul che ki iyasyechi kwanisyekwak, ak ma piit chii eng' puunikwak tugul ne ki imuuch kotonon eng' tainnywa. Ki inde `Kamuktaindet ne Toroor puunikwak tugul eunekwak.

JOSHUA 21:44 Referencias Cruzadas

2 ATEPTAP PEETUUSYEK 13:16

Ak kimwei lagokab Israel eng’ taitab Juda: ak kiinde Kamuktaindet ichek eunekwak.

KOMONG'U 23:31

Ak andoi kiwoteng’ung’ kobochit Nyanjet ne Birir agoi nyanjetab Pilistik, ak kobochit ong’atet agoi Ainet: amu andoi bikab emonoto eunekwok; ak ion ichek koba eng’ taing’ung’.

KOMONG'U 33:14

Ak kile, Kibendi tuwai, ak agonin kamuung’et.

ISAIAH 63:14

Ko u ye chorjingei tuga atebwet, kogochi ko u noto Tamirmirietab Jehovah ichek komuuny: kiindochi anyun biguk, si kobiit iyachige kainet ne toror.

NG'ATUTIK 2:36

Koboch Aroer, ne mi tabandab atebwetab Arnon, ak nganaset ne mi atebwet, agoi Gilead, ma biit nganaset ne kigimit kosiirech: kigon Jehovah Kamuktaindennyo tugul eng’ tainnyo:

NG'ATUTIK 21:10

Ye kewe kobarge ak buniguk, ak konde euneguk Jehovah Kamuktaindeng’ung’, ak imut koek luulenik,

HEBRANIK 4:9

Ng’etunot anyun kamuung’etab sabato agobo bikab Jehovah.

JOSHUA 1:13

Obwat ng’olyot ne king’atak Musa otwogindentab Jehovah, kole, Konok Jehova Kamuktaindeng’wong’ kamuung’et, ak konok emoni.

JOSHUA 1:15

Agoi kogochi Jehovah tupchosiekwok kamuung’et, ko u okwek, ak konam agichek emet ne igochin Jehovah Kamuktaindeng’wong’: oweege anyun obwa emeng’wong’, si kobunjok, ne kigonok Musa otwogindetab Jehovah eng’ Jordan bitoni ole chorune asista.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.

JOSHUA 11:12

Ak kinam Josua nganasok tugul che bo laitorinichato, ak laitorinikwak tugul, ak kibar ichek eng’ rotwetab chok, kobar koges; ko u ye kiga ng’at Musa otwogindetab Jehovah.

JOSHUA 11:23

Kinam anyun Josua emet komugul, ko u tugul che kiga mwachi Jehovah Musa; ak kiigochi Josua emonoto Israel koek borotenywa ko u pcheutikwak eng’ bororiosiekwak. Kiimuuny anyun emet eng’ luget.

JOSHUA 11:8

Ak kiinde Jehovah ichek eunekab Israel, ak kibar, koon agoi Sidon ne o, kot koit Misrepot-maim, agoi atebwetab Mispe ole tokyingei kong’asis; ak kibar ichek kot ko ma bagakta agot agenge.

JOSHUA 2:24

Ak kilenji bichoto Josua, Iman kigonde Jehovah emet tugul eunekyok; ak ne siirei noto, kobegu kowoi bikab emonoto eng’ tainnyo.

JOSHUA 22:4

Ak kagogochi Jehovah Kamuktaindeng’wong’ tupchosiekwok kamuung’et nguno, ko u ye kimwachi: oweeige anyun nguno ak obe emaisiekwok, agoi emet ne kibunjok, ne kigonok Musa otwogindetab Jehovah eng’ Jordan bitonin.

JOSHUA 22:9

Ak kiweek lagokab Reuben ak lagokab Gad ak kebebertab bororietab Manase, koba eng’ ole mi lagokab Israel komanda eng’ Silo, ne mi emetab Kanan, koba emetab Gilead, emet ne nenywa, ne kiga konam kobunji, ko u ng’atutietab Jehovah eng’ eutab Musa.

JOSHUA 23:1

Ak kingobata betusiek che chang’, kingo kagogochi Jehovah Israel kamuung’et eng’ bunikwak tugul eng’ komoswek tugul, ak kiga koosit Josua, kiga kotar kenyisiek che chang’;