Psalms 112 - Die Bybel 2020-vertaling

¹ Halleluja! Gelukkig is die mens wat ontsag het vir die Here, wat groot vreugde vind in sy gebooie.

א ALEF ב BET ג GIMEL

ג GIMEL

² Sy nageslag sal magtig wees in die land – 'n geslag opregtes wat geseën word.

ד DALET ה HE

ה HE

³ Oorvloed en rykdom is in sy huis, en sy geregtigheid hou stand vir altyd.

ו WAW ז ZAJIN

ז ZAJIN

⁴ Hy skyn in die duisternis as 'n lig vir die opregtes; hy is genadig, barmhartig en regverdig.

ח GET ט TET

ט TET

⁵ Dit gaan goed met 'n mens wat goedhartig is en uitleen, wat sy sake eerlik bestuur;

י JOD כ KAF

כ KAF

⁶ want hy sal nooit wankel nie. 'n Regverdige bly vir altyd in die herinnering.

ל LAMED מ MEM

מ MEM

⁷ Vir slegte tyding is hy nie bang nie; sy hart is standvastig in vertroue op die Here.

נ NUN ס SAMEK

ס SAMEK

⁸ Sy hart is bestendig, hy is nie bang nie; uiteindelik sien hy neer op sy teenstanders.

ע AJIN פ PE

פ PE

⁹ Hy deel uit, hy gee aan behoeftiges; sy geregtigheid hou stand vir altyd; met waardigheid styg sy aansien.

צ TSADE ק KOF ר RESJ

ר RESJ

¹⁰ Die goddelose sien dit en vererg hom; hy kners op sy tande, maar kwyn weg. Die begeerte van goddeloses gaan tot niet.