Psalms 112:6 - Die Bybel 2020-vertaling

⁶ want hy sal nooit wankel nie. 'n Regverdige bly vir altyd in die herinnering.

Bybel vir almal

⁶ want mense wat reg doen, misluk nooit, en ander mense onthou hulle vir altyd.

Afrikaans 1933-1953

⁶ Kaf. Want hy sal nooit wankel nie; Lamed. die regverdige sal in ewige gedagtenis wees.

Afrikaans 1983

⁶ Die regverdige sal nooit wankel nie, hy sal altyd onthou word.

Contemporary Afrikaans Bible 2023

⁶ Waarlik, hy sal vir ewig nie wankel nie: die regverdige sal in ewige gedagtenis wees.

Die Boodskap

⁶ Almal praat daarvan. Hulle onthou hom, want hy struikel nie.

Psalms 112:6 Kruisverwysings

Nehemia 13:22

Ek het toe vir die Leviete gesê dat hulle hulleself telkens moet reinig en die poorte moet kom bewaak, om sodoende die Sabbatdag heilig te hou. Ook hieroor, my God, moet U tog aan my dink en besorg oor my wees, ooreenkomstig u oorvloedige troue liefde.

Nehemia 13:31

en vir die lewering van hout op vasgestelde tye, en vir die lewering van die eerste vrugte. Dink aan my, my God, tot my voordeel.

Psalms 125:1

'n •Pelgrimslied. Hulle wat op die Here vertrou, is soos die berg Sion wat nie wankel nie, wat vir altyd vasstaan.

Psalms 15:5

Hy leen nie sy geld teen rente uit nie, en aanvaar nie 'n omkoopgeskenk ten koste van die onskuldiges nie. Hy wat hierdie dinge doen, sal nooit struikel nie.

Psalms 55:22

Sy mond is gladder as botter, maar sy hart is die ene oorlog. Sy woorde is strelender as olie, maar dit is ontblote swaarde.

Psalms 55:23

Werp jou las op die Here; Hy sal jou versorg, Hy sal nooit toelaat dat die regverdige wankel nie.

Psalms 62:2

Net by God vind ek rus; van Hom kom my verlossing.

Psalms 62:6

Vind rus by God alleen, my siel, want op Hom is my hoop gevestig.

Spreuke 10:30

'n Regverdige sal nooit wankel nie, en goddeloses sal die land nie bewoon nie.

Spreuke 10:7

Herinnering aan 'n regverdige is tot seën, maar die roem van goddeloses verrot.

Hebreërs 6:10

God is immers nie onregverdig nie. Hy sal nie vergeet van julle arbeid, en van die liefde wat julle vir sy Naam betoon het, deurdat julle die •heiliges bedien het – en nog steeds bedien – nie.