Nahumu 3:11 - Swahili Revised Union Version

¹¹ Tena utalewa, utafichwa; tena utatafuta ngome kwa sababu ya adui.

Matoleo zaidi

Biblia Habari Njema

¹¹ Ninewi, nawe pia utalewa; utamkimbia adui na kujaribu kujificha.

Biblia Habari Njema - BHND

¹¹ Ninewi, nawe pia utalewa; utamkimbia adui na kujaribu kujificha.

Biblia Habari Njema: Toleo la Kujifunza

¹¹ Ninewi, nawe pia utalewa; utamkimbia adui na kujaribu kujificha.

Neno: Bibilia Takatifu

¹¹ Wewe pia utalewa; utaenda mafichoni na kutafuta kimbilio kutoka kwa adui.

Neno: Maandiko Matakatifu

¹¹ Wewe pia utalewa; utakwenda mafichoni na kutafuta kimbilio kutoka kwa adui.

BIBLIA KISWAHILI

¹¹ Tena utalewa, utafichwa; tena utatafuta ngome kwa sababu ya adui.

Nahumu 3:11 Marejeleo ya Msalaba

Zaburi 75:8

Maana mkononi mwa BWANA mna kikombe, Na mvinyo yake inatoka povu; Kumejaa machanganyiko; Naye huyamimina. Na sira zake wasio haki wa dunia Watazifyonza na kuzinywa.

Isaya 2:10

Ingia ndani ya jabali; ukajifiche mavumbini mbele za utisho wa BWANA, mbele za utukufu wa enzi yake.

Isaya 2:19

Na watu wataingia ndani ya pango za majabali, na ndani ya mashimo ya nchi, mbele za utisho wa BWANA na utukufu wa enzi yake, atakapoondoka ili aitetemeshe mno dunia.

Isaya 29:9

Ngojeni mstaajabu; fanyeni anasa zenu na kuwa vipofu; wamelewa wala si kwa mvinyo; wamewayawaya wala si kwa sababu ya kileo.

Isaya 49:26

Na hao wanaokuonea nitawalisha nyama yao wenyewe, nao watalewa kwa kuinywa damu yao wenyewe, kama kwa mvinyo mpya; na watu wote watajua ya kuwa mimi, BWANA, ni mwokozi wako, na Mkombozi wako ni Mwenye enzi wa Yakobo.

Isaya 63:6

Nikayakanyaga makabila ya watu kwa hasira yangu, Nikawalevya kwa ghadhabu yangu, Nami nikaimwaga damu yao chini.

Yeremia 4:5

Tangazeni katika Yuda, hubirini katika Yerusalemu, na kusema, Pigeni baragumu katika nchi, pigeni kelele sana, na kusema, Jikusanyeni pamoja, tukaingie katika miji yenye boma.

Yeremia 51:57

Nami nitawalevya wakuu wake, na watu wake wenye hekima, watawala wake, na makamanda wake, na mashujaa wake; nao watalala usingizi wa milele, wasiamke, asema Mfalme, BWANA wa majeshi, ambaye jina lake ni BWANA.

Yeremia 8:14

Mbona tunakaa kimya? Jikusanyeni, tukaingie ndani ya miji yenye maboma, tukanyamaze humo kwa maana BWANA, Mungu wetu, ametunyamazisha, naye ametupa maji yenye uchungu tunywe, kwa sababu tumemwasi BWANA.

Hosea 10:8

Mahali pa Aveni palipoinuka, yaani, dhambi ya Israeli, pataharibika; mwiba na mbigili itamea juu ya madhabahu zake; nao wataiambia milima, Tusitirini; na vilima, Tuangukieni.

Amosi 9:3

Nao wajapojificha katika kilele cha Karmeli, nitawatafuta na kuwatoa toka huko; na wajapositirika katika vilindi vya bahari nisiwaone, nitamwagiza joka huko, naye atawauma.

Mika 7:17

Watayaramba mavumbi kama nyoka, kama vitu vitambaavyo juu ya nchi watatoka katika mahali walimojificha, wakitetemeka; watakuja kwa BWANA, Mungu wetu, kwa hofu, nao wataogopa kwa sababu yako.

Nahumu 1:10

Kwa maana kama miiba wametatana, kama walevi wamelewa, watateketezwa kama mabua makavu.

Nahumu 2:1

Yeye apondaye vipande vipande amepanda juu mbele ya uso wako; zishike silaha, ilinde njia, vitie nguvu viuno vyako, uongeze uwezo wako sana.

Luka 23:30

Ndipo watakapoanza kuiambia milima, Tuangukieni, na vilima, Tufunikeni.

1 Samueli 13:6

Hata Waisraeli walipoona ya kuwa wako katika dhiki, (maana watu walifadhaishwa), ndipo hao watu wakajificha katika mapango, na katika vichaka, na katika miamba, na katika mashimo, na katika mabirika.

1 Samueli 14:11

Basi, hao wote wawili wakajidhihirisha mbele ya ngome ya Wafilisti, na wale Wafilisti wakasema, Kumbe! Wale Waebrania wanatoka katika mashimo walimojificha!