Isaya 32:18 - Swahili Revised Union Version

¹⁸ Na watu wangu watakaa katika makao ya amani; na katika maskani zilizo salama, na katika mahali pa kupumzikia penye utulivu.

Matoleo zaidi

Biblia Habari Njema

¹⁸ Watu wangu watakaa katika makao ya amani, katika maskani salama na mazingira matulivu.

Biblia Habari Njema - BHND

¹⁸ Watu wangu watakaa katika makao ya amani, katika maskani salama na mazingira matulivu.

Biblia Habari Njema: Toleo la Kujifunza

¹⁸ Watu wangu watakaa katika makao ya amani, katika maskani salama na mazingira matulivu.

Neno: Bibilia Takatifu

¹⁸ Watu wangu wataishi katika makao ya mahali pa amani, katika nyumba zilizo salama, katika mahali pa kupumzika pasipo na usumbufu.

Neno: Maandiko Matakatifu

¹⁸ Watu wangu wataishi katika makao ya mahali pa amani, katika nyumba zilizo salama, katika mahali pa kupumzika pasipo na usumbufu.

BIBLIA KISWAHILI

¹⁸ Na watu wangu watakaa katika makao ya amani; na katika maskani zilizo salama, na katika mahali pa kupumzikia penye utulivu.

Isaya 32:18 Marejeleo ya Msalaba

Zaburi 107:7

Akawaongoza kwa njia ya kunyoka, Wapate kwenda mpaka mji wa kukaa.

Kutoka 9:26

Katika nchi ya Gosheni peke yake, walikokaa wana wa Israeli, haikuwako mvua ya mawe.

Methali 24:15

Ewe mtu mbaya, usiyavizie makao yake mwenye haki; Wala usipaharibu mahali pake pa kupumzika;

Isaya 11:10

Na itakuwa katika siku hiyo, shina la Yese lisimamalo kuwa ishara kwa makabila ya watu, yeye ndiye ambaye mataifa watamtafuta; na mahali pake pa kupumzikia patakuwa na utukufu.

Isaya 14:3

Tena itakuwa katika siku ile, ambayo BWANA atakupa raha baada ya huzuni yako, na baada ya taabu yako, na baada ya utumishi ule mgumu uliotumikishwa;

Isaya 2:4

Naye atafanya hukumu katika mataifa mengi, atawakemea watu wa kabila nyingi; nao watafua panga zao ziwe majembe, na mikuki yao iwe miundu; taifa halitainua upanga juu ya taifa lingine, wala hawatajifunza vita tena kamwe.

Isaya 26:12

BWANA, utatuamuria amani; maana ni wewe pia uliyetutendea kazi zetu zote.

Isaya 26:3

Utamlinda yeye ambaye moyo wake umekutegemea Katika amani kamilifu, kwa kuwa anakutumaini.

Isaya 28:12

ambao aliwaambia, Hii ndiyo raha yenu, mpeni raha yeye aliyechoka; huku ndiko kuburudika; lakini hawakutaka kusikia.

Isaya 30:15

Kwa maana Bwana MUNGU, Mtakatifu wa Israeli, asema hivi, Kwa kurudi na kustarehe mtaokolewa; nguvu zenu zitakuwa katika kutulia na kutumaini; lakini hamkukubali.

Isaya 33:6

Nyakati zako zitakuwa nyakati za kukaa imara; za wokovu tele na hekima na maarifa; kumcha BWANA ni hazina yake ya akiba.

Isaya 65:21

Nao watajenga nyumba, na kukaa ndani yake; watapanda mizabibu, na kula matunda yake.

Isaya 65:9

Nami nitaleta uzao toka Yakobo, na mrithi wa milima yangu toka Yuda, na mteule wangu atairithi, na watumishi wangu watakaa huko.

Yeremia 33:16

Katika siku zile Yuda ataokolewa, na Yerusalemu utakaa salama, na jina lake atakaloitwa ni hili, BWANA ni haki yetu.

Ezekieli 34:28

Hawatakuwa mateka ya mataifa tena, wala mnyama wa nchi hatawala; bali watakaa salama salimini, wala hapana mtu atakayewatia hofu.

Zekaria 2:5

Kwa maana mimi, asema BWANA, nitakuwa ukuta wa moto kuuzunguka pande zote, nami nitakuwa huo utukufu ndani yake.

Zekaria 2:8

Kwa maana BWANA wa majeshi asema hivi, Ili nitafute utukufu amenituma kwa mataifa wale waliowateka ninyi; maana yeye awagusaye ninyi aigusa mboni ya jicho lake.

Zekaria 3:10

Katika siku ile, asema BWANA wa majeshi, ninyi mtamwalika kila mtu jirani yake chini ya mzabibu, na chini ya mtini.

Waebrania 4:9

Basi, limesalia pumziko la sabato kwa watu wa Mungu.

1 Yohana 4:16

Nasi tumelifahamu pendo alilo nalo Mungu kwetu sisi, na kuliamini. Mungu ni upendo, naye akaaye katika pendo, hukaa ndani ya Mungu, na Mungu hukaa ndani yake.