Masalimo 97:8 - Buku Lopatulika

⁸ Ziyoni anamva nakondwera, nasekerera ana aakazi a Yuda; chifukwa cha maweruzo anu, Yehova.

Chichewa Buku Lopatulika Bible 2014

⁸ Ziyoni anamva nakondwera, nasekerera ana akazi a Yuda; chifukwa cha maweruzo anu, Yehova.

Buku Loyera Catholic Edition - Chichewa

⁸ Anthu a ku Ziyoni akumva, ndipo akusangalala, midzi ya ku Yuda nayonso ikukondwera chifukwa cha kaweruzidwe kanu, Inu Chauta.

Mawu a Mulungu mu Chichewa Chalero

⁸ Ziyoni akumva ndipo akukondwera, midzi ya Yuda ikusangalala chifukwa cha maweruzo anu Yehova.

Masalimo 97:8 Mawu Ofanana

1 Mbiri 16:14

Iye ndiye Yehova Mulungu wathu; maweruzo ake akhala padziko lonse lapansi.

Masalimo 48:11

Likondwere phiri la Ziyoni, asekere ana aakazi a Yuda, chifukwa cha maweruzo anu.

Masalimo 48:12

Zungulirani Ziyoni, ndipo muuzinge, werengani nsanja zake.

Masalimo 52:6

Ndipo olungama adzachiona, nadzaopa, nadzamseka, ndi kuti,

Masalimo 58:10

Wolungama adzakondwera pakuona kubwezera chilango, adzasamba mapazi ake m'mwazi wa woipa.

Yesaya 51:3

Pakuti Yehova watonthoza mtima wa Ziyoni, watonthoza mtima wa malo ake onse abwinja; ndipo wasandutsa chipululu chake ngati Edeni, ndi malo ake ouma ngati munda wa Yehova; kukondwa ndi kusangalala kudzapezedwa m'menemo, mayamikiro, ndi mau a nyimbo yokoma.

Yesaya 62:11

Taonani, Yehova walalikira kufikira malekezero a dziko lapansi. Nenani kwa mwana wamkazi wa Ziyoni, Taona chipulumutso chako chifika; taona mphotho yake ali nayo, ndi ntchito yake ili pamaso pake.

Zekariya 9:9

Kondwera kwambiri, mwana wamkazi wa Ziyoni; fuula mwana wamkazi wa Yerusalemu; taona, Mfumu yako ikudza kwa iwe; ndiye wolungama, ndi mwini chipulumutso; wofatsa ndi wokwera pabulu, ndi mwana wamphongo wa bulu.

Chivumbulutso 18:20

Kondwera pa iye, m'mwamba iwe, ndi oyera mtima, ndi atumwi, ndi aneneri inu; chifukwa Mulungu anauweruzira kuweruzidwa kwanu.