Masalimo 8:4 - Buku Lopatulika

⁴ munthu ndani kuti mumkumbukira? Ndi mwana wa munthu kuti mucheza naye?

Chichewa Buku Lopatulika Bible 2014

⁴ munthu ndani kuti mumkumbukira? Ndi mwana wa munthu kuti mucheza naye?

Buku Loyera Catholic Edition - Chichewa

⁴ ndimadzifunsa kuti, “Kodi munthu nchiyani kuti muzimkumbukira, mwana wa munthu nchiyani kuti muzimsamalira?”

Mawu a Mulungu mu Chichewa Chalero

⁴ munthu ndani kuti Inu mumamukumbukira, ndi mwana wa munthu kuti inu mumacheza naye?

Masalimo 8:4 Mawu Ofanana

Genesis 1:1

Pachiyambi Mulungu adalenga kumwamba ndi dziko lapansi.

Genesis 1:14

Ndipo Mulungu anati, Pakhale zounikira pathambo la kumwamba, zakulekanitsa usana ndi usiku; zikhale zizindikiro ndi nyengo, ndi masiku, ndi zaka;

Genesis 19:35

Ndipo anamwetsa vinyo atate wao usiku womwenso; wamng'ono ndipo anauka nagona naye; ndipo iye sanadziwe pomwe anagona ndi pomwe anauka.

Genesis 21:1

Ndipo Yehova anayang'anira Sara monga momwe anati, ndipo Yehova anamchitira iye monga ananena.

2 Mbiri 6:18

Koma kodi nzoona kuti Mulungu akhala ndi anthu padziko lapansi? Taonani, thambo, inde m'mwambamwamba, sizifikira inu, koposa kotani nanga nyumba iyi ndaimanga?

Yobu 25:6

kopambana kotani nanga munthu, ndiye mphutsi! Ndi wobadwa ndi munthu, ndiye nyongolotsi!

Yobu 7:17

Munthu ndani kuti mumkuze, ndi kuti muike mtima wanu pa iye,

Masalimo 106:4

Mundikumbukire, Yehova, monga momwe muvomerezana ndi anthu anu; mundionetsa chipulumutso chanu:

Masalimo 136:5

Amene analenga zakumwamba mwanzeru; pakuti chifundo chake nchosatha.

Masalimo 136:9

Mwezi ndi nyenyezi ziweruze usiku; pakuti chifundo chake nchosatha.

Masalimo 144:3

Yehova, munthu ndani kuti mumdziwa? Mwana wa munthu kuti mumsamalira?

Masalimo 146:3

Musamakhulupirira zinduna, kapena mwana wa munthu, amene mulibe chipulumutso mwa iye.

Masalimo 19:2

Usana ndi usana uchulukitsa mau, ndipo usiku ndi usiku uonetsa nzeru.

Masalimo 4:2

Amuna inu, ulemu wanga udzakhala wamanyazi kufikira liti? Mudzakonda zachabe, ndi kufunafuna bodza kufikira liti?

Masalimo 80:17

Dzanja lanu likhale pa munthu wa padzanja lamanja lanu; pa mwana wa munthu amene munadzilimbikitsira.

Masalimo 96:5

Pakuti milungu yonse ya mitundu ya anthu ndiyo mafano, koma Yehova analenga zakumwamba.

Eksodo 4:31

Ndipo anthuwo anakhulupirira; ndipo pamene anamva kuti Yehova adawazonda ana a Israele, ndi kuti adaona mazunzo ao, anawerama, nalambira Mulungu.

Yesaya 40:17

Amitundu onse ali chabe pamaso pa Iye; awayesa ngati chinthu chachabe, ndi chopanda pake.

Yesaya 51:12

Ine, Inedi, ndine amene nditonthoza mtima wako; kodi iwe ndani, kuti uopa munthu amene adzafa, ndi mwana wa munthu amene adzakhala ngati udzu;

Ezekieli 8:15

Ndipo anati kwa ine, Wachiona ichi, wobadwa ndi munthu iwe? Udzaonanso zonyansa zazikulu zoposa izi.

Mateyu 8:20

Ndipo Yesu ananena kwa iye, Ankhandwe ali nazo nkhwimba zao, ndi mbalame za m'mlengalenga zisa zao, koma Mwana wa Munthu alibe potsamira mutu wake.

Luka 1:68

Wolemekezeka Ambuye, Mulungu wa Israele; chifukwa Iye anayang'ana, nachitira anthu ake chiombolo.

Luka 19:44

ndipo adzakupasula iwe, ndi ana ako mwa iwe; ndipo sadzasiya mwa iwe mwala wina pamwala unzake; popeza sunazindikire nyengo ya mayang'aniridwe ako.

1 Petro 2:12

ndipo mayendedwe anu mwa amitundu akhale okoma, kuti, m'mene akamba za inu ngati ochita zoipa, akalemekeze Mulungu pakuona ntchito zanu zabwino, m'tsiku la kuyang'anira.