2 Samueli 22:11 - Buku Lopatulika

¹¹ Ndipo Iye anaberekeka pa kerubi nauluka; inde anaoneka pa mapiko a mphepo.

Chichewa Buku Lopatulika Bible 2014

¹¹ Ndipo Iye anaberekeka pa kerubi nauluka; inde anaoneka pa mapiko a mphepo.

Buku Loyera Catholic Edition - Chichewa

¹¹ Adakwera pa mkerubi nauluka, adayenda mwaliŵiro ndi mphepo.

Mawu a Mulungu mu Chichewa Chalero

¹¹ Iye anakwera pa Kerubi ndi kuwuluka; nawuluka ndi mphepo mwaliwiro.

2 Samueli 22:11 Mawu Ofanana

Genesis 3:24

Ndipo anamuingitsa munthuyo; nakhazika akerubi cha kum'mawa kwake kwa munda wa Edeni, ndi lupanga lamoto lakuzungulira ponsepo, lakusunga njira ya ku mtengo wa moyo.

2 Samueli 6:2

Ndipo Davide ananyamuka, namuka nao anthu onse anali naye, nachokera ku Baale-Yuda natengako likasa la Mulungu, limene amatchula nalo Dzinalo, Dzina la Yehova wa makamu, wokhala pakati pa Akerubi.

Masalimo 104:3

Amene alumikiza mitanda ya zipinda zake m'madzi; naika makongwa akhale agaleta ake; nayenda pa mapiko a mphepo.

Masalimo 139:9

Ndikadzitengera mapiko a mbandakucha, ndi kukhala ku malekezero a nyanja;

Masalimo 18:10

Ndipo anaberekeka pa kerubi, nauluka; nauluka msanga pa mapiko a mphepo.

Masalimo 68:17

Magaleta a Mulungu ndiwo zikwi makumi awiri, inde zikwi zowirikizawirikiza, Ambuye ali pakati pao, monga mu Sinai, m'malo opatulika.

Masalimo 80:1

Mbusa wa Israele, tcherani khutu; inu wakutsogolera Yosefe ngati nkhosa; inu wokhala pa akerubi, walitsani.

Masalimo 99:1

Yehova ndiye mfumu; mitundu ya anthu injenjemere; Iye akhala pakati pa akerubi; dziko lapansi ligwedezeke.

Eksodo 25:19

Nupange kerubi mmodzi ku thungo lino, ndi kerubi wina ku thungo lina; upange akerubi ochokera kuchotetezerapo, pa mathungo ake awiri.

Ezekieli 9:3

Ndipo ulemerero wa Mulungu wa Israele unakwera kuchoka pa kerubi, pamene unakhalira kunka kuchiundo cha nyumba, naitana munthu wovala bafutayo wokhala ndi zolembera nazo m'chuuno mwake.

Ahebri 1:14

Kodi siili yonse mizimu yotumikira, yotumidwa kuti itumikire iwo amene adzalowa chipulumutso?

1 Samueli 4:4

Chifukwa chake anatumiza ku Silo kuti akatenge kumeneko likasalo la chipangano la Yehova wa makamu, wokhala pakati pa akerubi; ndipo ana awiriwo a Eli, Hofeni ndi Finehasi anali komweko ndi likasa la chipangano la Mulungu.