Masalimo 23 - Buku Lopatulika

Amwai amene Yehova akhala Mbusa wao

Salimo la Davide.

¹ Yehova ndiye mbusa wanga; sindidzasowa.

² Andigonetsa kubusa lamsipu, anditsogolera kumadzi odikha.

³ Atsitsimutsa moyo wanga; anditsogolera m'mabande a chilungamo, chifukwa cha dzina lake.

⁴ Inde, ndingakhale ndiyenda m'chigwa cha mthunzi wa imfa, sindidzaopa choipa; pakuti Inu muli ndi ine; chibonga chanu ndi ndodo yanu, izi zindisangalatsa ine.

⁵ Mundiyalikira gome pamaso panga m'kuona kwa adani anga; mwandidzoza mutu wanga mafuta; chikho changa chisefuka.

⁶ Inde ukoma ndi chifundo zidzanditsata masiku onse a moyo wanga, ndipo ndidzakhala m'nyumba ya Yehova masiku onse.