Masalimo 127 - Buku Lopatulika

Madalitso onse, a m'banja omwe, achokera kwa Mulungu

Nyimbo yokwerera; ya Solomoni.

¹ Akapanda kumanga nyumba Yehova, akuimanga agwiritsa ntchito chabe; akapanda kusunga mzinda Yehova, mlonda adikira chabe.

² Kuli chabe kwa inu kulawirira mamawa ndi kusagonerapo madzulo, kudya mkate wosautsa kuupeza; kuli tero kuti izi apatsa okondedwa ake ngati m'tulo.

³ Taonani, ana ndiwo cholowa cha kwa Yehova; chipatso cha m'mimba ndicho mphotho yake.

⁴ Ana a ubwana wake wa munthu akunga mivi m'dzanja lake la chiphona.

⁵ Wodala munthu amene anadzaza nayo phodo lake: sadzachita manyazi iwo, pakulankhula nao adani kuchipata.