၁ ယော 3:23 - ခေတ်သစ်​မြန်မာ သမ္မာကျမ်း

²³ ဘုရားသခင် ပညတ်တော်မူသည်​မှာ သားတော်​ယေရှု​ခရစ်တော်​၏ နာမတော်​ကို ယုံကြည်​၍ ကျွန်ုပ်တို့​ကို ပညတ်တော်မူသည့်​အတိုင်း အချင်းချင်း ချစ်ကြ​ရန် ဖြစ်၏။

Common Language Bible

²³ ကိုယ်​တော်​၏​ပ​ညတ်​တော်​ဟူ​မူ​ကား​ငါ​တို့ သည်​ဘု​ရား​သ​ခင်​၏​သား​တော်​ယေ​ရှု​ခ​ရစ် ကို​ယုံ​ကြည်​ရ​ကြ​မည်။ ထို​အ​ရှင်​မိန့်​တော်​မူ သည်​အ​တိုင်း အ​ချင်း​ချင်း​တစ်​ယောက်​ကို တစ်​ယောက်​ချစ်​ရ​ကြ​မည်​ဟူ​၍​ဖြစ်​ပေ​သည်။-

Garrad Bible

²³ ပ ညတ် တော် ကား သား တော် ယေ ရှု ခ ရစ်၏ နာ မ တော် ကို ယုံ ကြည်၍ မိန့် တော် မူ ခဲ့ သည့် အ တိုင်း အ ချင်း ချင်း ချစ် ကြ ရ မည် ဟူ၍ တည်း။

Judson Bible

²³ ဘု​ရား​သ​ခင်၏ ပ​ညတ်​တော်​ဟူ​မူ​ကား၊ သား​တော်​ယေ​ရှု​ခ​ရစ်​ကို ယုံ​ကြည်​ရ​မည်။ သား​တော် ပ​ညတ်​တော်​မူ​သည်​အ​တိုင်း၊ အ​ချင်း​ချင်း ချစ်​ရ​မည်​ဟူ​သော ပ​ညတ်​တော်​ပေ​တည်း။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ဘုရားသခင်​၏​ပညတ်​တော်​ကား သား​တော်​ယေရှု​ခရစ်တော်​၏​နာမ​တော်​ကို​ယုံကြည်​၍ ငါ​တို့​အား​ပေး​ထား​သည့်​ပညတ်​တော်​အတိုင်း အချင်းချင်း​ချစ်​ကြ​ရန်​ဖြစ်​၏။

၁ ယော 3:23 ပူးပေါင်းရင်းမြစ်များ

မဿဲ 22:39

ဒုတိယ​ပညတ်တော်​သည်လည်း ထို​နည်းတူ​ဖြစ်​၍ ‘ကိုယ်​နှင့်​သက်ဆိုင်သော​သူ​ကို ကိုယ်​နှင့်​အမျှ ချစ်လော့’ ဟူ၍ ဖြစ်၏။

ရှင်မာကု 9:7

ထိုစဉ် မိုးတိမ်​သည် သူတို့​အပေါ်သို့ လွှမ်းမိုး​၍ မိုးတိမ်​ထဲက “ဤ​သူ​သည် ငါ​နှစ်သက်မြတ်နိုးသည့် ငါ​၏ ချစ်သား​ဖြစ်၏။ သူ​၏​စကား​ကို နားထောင်ကြလော့” ဟူသော အသံတော်​ထွက်ပေါ်လာ၏။

ရှင်ယောဟန် 1:12

သို့ရာတွင် ထို​အရှင်​သည် မိမိ​ကို​ယုံကြည်​၍ လက်ခံ​သမျှသော​သူတို့​ကို ဘုရားသခင်​၏ သားသမီးများ​ဖြစ်ခွင့် ပေးတော်မူ၏။

ရှင်ယောဟန် 13:34

ထို့ကြောင့် ‘သင်တို့​သည် အချင်းချင်း​ချစ်ကြလော့။ ငါ​သည် သင်တို့​ကို ချစ်သည့်​နည်းတူ သင်တို့​သည်လည်း အချင်းချင်း​ချစ်ကြလော့’ ဟူသော ပညတ်​အသစ်​ကို သင်တို့​အား ငါ​ပေး၏။

ရှင်ယောဟန် 14:1

ယေရှု​က “သင်တို့​စိတ်မပူပန်ကြနှင့်။ ဘုရားသခင်​ကို ယုံကြည်ကြလော့။ ငါ့​ကိုလည်း ယုံကြည်ကြလော့။

ရှင်ယောဟန် 15:12

ငါ့​ပညတ်​မှာ ငါ​သည် သင်တို့​ကို ချစ်​သကဲ့သို့ သင်တို့​သည် အချင်းချင်း​ချစ်ကြလော့။

ရှင်ယောဟန် 17:3

ထာဝရ​အသက်​ဟူသည်​မှာ တစ်ဆူတည်းသော၊ စစ်မှန်သည့်​ဘုရား​ဖြစ်တော်မူသော ကိုယ်တော်​ကို သိကျွမ်းခြင်း​နှင့် ဤ​လောက​သို့ ကိုယ်တော်​စေလွှတ်တော်မူသော ယေရှု​ခရစ်တော်​ကို သိကျွမ်းခြင်း​ပင်​ဖြစ်ပါ၏။

ရှင်ယောဟန် 2:23

ဂျေရုဆလင်မြို့ ပသခါပွဲတော်​အတွင်း ကိုယ်တော်​ပြုတော်မူသော နိမိတ်​လက္ခဏာများ​ကို မြင်တွေ့​သောကြောင့် လူများစွာတို့​သည် ကိုယ်တော်​ကို ယုံကြည်လာကြ၏။

ရှင်ယောဟန် 3:18

သားတော်​ကို ယုံကြည်သော​သူ​သည် အပြစ်စီရင်ခြင်း​မခံရ။ မယုံကြည်သော​သူ​မှာမူ ဘုရားသခင်​၏ တစ်ပါးတည်းသော​သားတော်​ကို မယုံကြည်​သောကြောင့် ယခု​ပင် အပြစ်စီရင်ခြင်း​ခံရပြီ။

ရှင်ယောဟန် 6:29

ယေရှု​က “သင်တို့​ထံမှ ဘုရားသခင်​အလိုရှိတော်မူသော အမှုတော်​မှာ မိမိ​စေလွှတ်တော်မူသော​သူ​ကို ယုံကြည်ခြင်း​ပင် ဖြစ်သည်” ဟု ဖြေတော်မူ၏။

တမန်တော်ဝတ္ထု 16:31

ပေါလု​နှင့်​သိလ​တို့​ကလည်း “သခင်​ယေရှု​ကို ယုံကြည်လော့။ သင်​နှင့် သင်​၏​အိမ်သား​အားလုံးတို့​သည် ကယ်တင်ခြင်း​ခံရမည်” ဟု ပြောကြ၏။

ဧ​ဖက် 5:2

ခရစ်တော်​သည် ကျွန်ုပ်တို့​ကို ချစ်တော်မူ​၍ ကျွန်ုပ်တို့​အတွက် မိမိကိုယ်ကိုယ် မွှေးကြိုင်သော​ပူဇော်စရာ​ယဇ်​အဖြစ် ဘုရားသခင်​ထံ ဆက်သတော်မူ​သကဲ့သို့ သင်တို့​သည်လည်း မေတ္တာ​ပွား​လျက် ပြုမူနေထိုင်ကြလော့။

၁ သက် 4:9

အချင်းချင်း ချစ်ကြ​ရန် သင်တို့​ကို ဘုရားသခင်​ကိုယ်တိုင် သွန်သင်တော်မူခဲ့​သောကြောင့် ယခု​တွင် သင်တို့​အချင်းချင်း ချစ်ကြရမည့်​အကြောင်း​ကို သင်တို့​ထံ စာရေး​ရန် မလိုပေ။

၁ တိ 1:15

“ယေရှု​ခရစ်တော်​သည် အပြစ်သားများ​ကို ကယ်တင်​ရန် ဤ​လောက​သို့ ဆင်းကြွလာသည်” ဟူသော စကား​သည် လုံးဝ​မှန်ကန်ပြီး အပြည့်အဝ​လက်ခံ​ထိုက်၏။ ထို​အပြစ်သားများ​အနက် ကျွန်ုပ်​သည် အဆိုးဆုံး​ဖြစ်၏။

၁ ပေ 1:22

သင်တို့​သည် သမ္မာတရား​ကို နာခံခြင်း​ဖြင့် မိမိ​ကိုယ်​မိမိ သန့်ရှင်း​စင်ကြယ်စေပြီ​ဖြစ်​၍ သင်တို့​၏​ညီအစ်ကို​မောင်နှမများ​ကို စိတ်ရင်း​အမှန်​ဖြင့် ချစ်နိုင်ကြ၏။ ဖြူစင်သော​စိတ်နှလုံး​ဖြင့် အချင်းချင်း​အကြွင်းမဲ့​ချစ်ကြလော့။

၁ ပေ 4:8

အရေးကြီးဆုံး​အရာ​မှာ အချင်းချင်း​နှစ်နှစ်ကာကာ ချစ်ကြလော့။ အဘယ်ကြောင့်ဆိုသော် ချစ်ခြင်းမေတ္တာ​သည် အပြစ်​များစွာ​ကို ဖုံးအုပ်တတ်​သောကြောင့်​ဖြစ်၏။

၁ ယော 2:7

ချစ်ရသော​သူတို့… သင်တို့​ထံ ကျွန်ုပ်​ရေးပို့လိုက်သော ပညတ်​သည် ပညတ်သစ်​မဟုတ်။ အစဦး​ကပင် သင်တို့​၌ ရှိသော ပညတ်ဟောင်း​ဖြစ်၏။ ဤ​ပညတ်ဟောင်း​သည် သင်တို့​ကြားခဲ့ပြီးသော တရားတော်​ဖြစ်၏။

၁ ယော 3:11

“ကျွန်ုပ်တို့​အချင်းချင်း ချစ်ကြရမည်” ဟူသော ဤ​တရားစကား​သည် အစဦး​ကပင် သင်တို့ ကြားခဲ့ရသော​အရာ ဖြစ်၏။

၁ ယော 4:15

တစ်စုံတစ်ယောက်​က ယေရှု​သည် ဘုရားသခင်​၏​သားတော်​ဖြစ်ကြောင်း​ကို ဝန်ခံ​လျှင် ဘုရားသခင်​သည် ထို​သူ​နှင့် တပေါင်းတစည်းတည်း​ဖြစ်တော်မူ​၍ သူ​သည်လည်း ဘုရားသခင်​နှင့် တပေါင်းတစည်းတည်း​ဖြစ်၏။

၁ ယော 4:21

“ဘုရားသခင်​ကို ချစ်သော​သူ​သည် ညီအစ်ကို​မောင်နှမ​ကိုလည်း ချစ်ရမည်” ဟူသည့် ပညတ်တော်​ကို ကိုယ်တော်​သည် ကျွန်ုပ်တို့​အား ပေးတော်မူ၏။

၁ ယော 5:13

ဘုရားသခင်​၏​သားတော်​ကို ယုံကြည်သော​သင်တို့​သည် ထာဝရ​အသက်​ကို ရကြောင်း​သိ​စေရန် ဤ​အကြောင်းအရာများ​ကို ကျွန်ုပ်​ရေးလိုက်၏။