အွန်လိုင်း သမ္မာကျမ်းစာ

ကြော်ငြာတွေ

သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်


ဆာ​လံ 124 - မြန်​​​မာ့​​​စံ​​​မီ​​​သမ္မာ​​​ကျမ်း​​ မြန်​​​မာ့​​​စံ​​​မီ​​​သမ္မာ​​​ကျမ်း​​
ဆာ​လံ 124

ငါတို့ဘက်၌ရှိတော်မူသောထာဝရဘုရား
ဒါဝိဒ်​၏​အတက်လမ်း​သီချင်း

1 “​ထာဝရဘုရား​သည် ငါ​တို့​ဘက်​၌​ရှိ​တော်​မ​မူ​ခဲ့​လျှင်​”​ဟု အစချီ​၍ အစ္စရေး​လူမျိုး​တို့​ဆို​ကြ​ရ​မည်​မှာ

2 “​ထာဝရဘုရား​သည် ငါ​တို့​ဘက်​၌​ရှိ​တော်​မ​မူ​ခဲ့​လျှင် လူ​တို့​သည် ငါ​တို့​ကို​ဆန့်ကျင်​လျက် ထကြွ​စဉ်က

3 ငါ​တို့​ကို အရှင်လတ်လတ်​ဝါးမျို​ခဲ့​ကြ​ပေ​လိမ့်မည်​။ သူ​တို့​သည် ငါ​တို့​အပေါ် အမျက်ထွက်​စဉ်က

4 ရေ​သည် ငါ​တို့​ကို​လွှမ်းမိုး​လျက် ရေစီးကြောင်း​သည် ငါ​တို့​၏​စိတ်ဝိညာဉ်​ကို ဖြတ်ကျော်​သွား​ခဲ့​ပေ​လိမ့်မည်​။

5 အဟုန်ပြင်း​သော​ရေ​သည် ငါ​တို့​၏​စိတ်ဝိညာဉ်​ကို ဖြတ်ကျော်​သွား​ခဲ့​ပေ​လိမ့်မည်​”​ဟူ၍​ဖြစ်​၏​။

6 သူ​တို့​၏​သွား​အတွက် သားကောင်​အဖြစ် ငါ​တို့​ကို​အပ်​တော်​မ​မူ​သော ထာဝရဘုရား​သည် မင်္ဂလာရှိ​ပါစေသော​။

7 ငါ​တို့​၏​စိတ်ဝိညာဉ်​သည် မုဆိုး​တို့​၏​ကျော့ကွင်း​မှ လွတ်မြောက်​သော​ငှက်​ကဲ့သို့ လွတ်မြောက်​လေ​ပြီ​။ ကျော့ကွင်း​ပြတ်​၍ ငါ​တို့​လွတ်မြောက်​ကြ​လေ​ပြီ​။

8 ငါ​တို့​ကို​ကူညီမစ​ခြင်း​အကြောင်း​သည် ကောင်းကင်​နှင့်​မြေကြီး​ကို ဖန်ဆင်း​တော်မူ​သော ထာဝရဘုရား​၏​နာမ​တော်​၌​တည်ရှိ​၏​။

MYANMAR STANDARD BIBLE©

Copyright © 2012, 2014, 2017, 2021 by Global Bible Initiative

Global Bible Initiative