ဆာ​လံ 125 - မြန်​​​မာ့​​​စံ​​​မီ​​​သမ္မာ​​​ကျမ်း​​

လူမျိုးတော်၏ယုံကြည်ကိုးစားရာ

အတက်လမ်း​သီချင်း

¹ ထာဝရဘုရား​ကို ယုံကြည်ကိုးစား​သော​သူ​တို့​သည် မ​တုန်​မ​လှုပ်​၊ အစဉ်အမြဲ​တည်​သော ဇိအုန်​တောင်​ကဲ့သို့​ဖြစ်​ကြ​၏​။

² တောင်​များ​သည် ဂျေရုဆလင်​မြို့​ကို​ဝန်းရံ​ထား​သကဲ့သို့ ထာဝရဘုရား​သည် မိမိ​၏​လူမျိုး​တော်​ကို ယခု​မှစ၍ ကာလ​အစဉ်အဆက်​ဝန်းရံ​ထား​တော်မူ​၏​။

³ ဖြောင့်မတ်​သော​သူ​တို့​သည် မိမိ​တို့​လက်​ကို မကောင်းမှု​အတွက်​အသုံး​မ​ပြု​မိ​စေရန် ဆိုးယုတ်​သော​သူ​၏​ရာဇလှံတံ​သည် ဖြောင့်မတ်​သော​သူ​တို့​၏​ဝေစု​နယ်မြေ​ပေါ်၌ မ​တည်​မ​နေ​ရ​။

⁴ အို ထာဝရဘုရား​၊ သူတော်ကောင်း​နှင့် စိတ်နှလုံး​ဖြောင့်မှန်​သော​သူ​တို့​ကို ကောင်းစား​စေ​တော်မူ​ပါ​။

⁵ မိမိ​တို့​၏​ကောက်ကျစ်​သော​လမ်း​များ​ဘက်​သို့ လှည့်သွား​သော​သူ​တို့​ကို​ကား ထာဝရဘုရား​သည် အပြစ်ဒုစရိုက်​ပြု​သော​သူ​တို့​နှင့်အတူ နှင်ထုတ်​တော်မူ​လိမ့်မည်​။ အစ္စရေး​လူမျိုး​၌ ငြိမ်သက်​ခြင်း​ရှိ​ပါစေသော​။