ထိုအခါ ရှင်ဘုရင်က “သင့်သခင်၏သားကား အဘယ်မှာနည်း”ဟု မေးလျှင် ဇိဘက “ ‘အစ္စရေးအမျိုးအနွယ်တို့သည် ငါ့ခမည်းတော်၏နိုင်ငံကို ငါ့အား ပြန်ပေးကောင်းပေးလိမ့်မည်’ဟု ဆို၍ ဂျေရုဆလင်မြို့တွင် နေခဲ့ပါ၏”ဟု ရှင်ဘုရင်အား လျှောက်တင်၏။
၂ ရာ 9:10 - မြန်မာ့စံမီသမ္မာကျမ်း သင်နှင့် သင့်သားသမီးများ၊ သင့်အစေအပါးများသည် ထိုလယ်ယာများကို ထွန်ယက်စိုက်ပျိုးပြီး သင့်သခင်၏သားမြေးတို့ စားစရာအဖို့ ယူဆောင်လာပေးရမည်။ သင့်သခင်၏သား မေဖိဗောရှက်သည် နေ့စဉ် ငါ့စားပွဲတွင် စားရမည်”ဟု ဆို၏။ ဇိဘ၌ သားတစ်ဆယ့်ငါးယောက်နှင့် အစေအပါး အယောက်နှစ်ဆယ်ရှိ၏။ Common Language Bible သင်နှင့်တကွသင်၏သားသင်၏အစေခံတို့ သည် သင့်သခင်ရှောလု၏အိမ်ထောင်စုအတွက် ထိုမြေယာများကိုထွန်ယက်စိုက်ပျိုး၍ အသီး အနှံများကိုယူဆောင်ကာသူတို့အဖို့ရိက္ခာ အဖြစ်ဖြင့်ပေးသွင်းရမည်။ သို့ရာတွင်မေဖိ ဗောရှက်မူကားငါ၏စားပွဲတွင်ငါနှင့်အတူ စားသောက်ရမည်'' ဟုမိန့်တော်မူ၏။ (ဇိဘ တွင်သားတစ်ဆယ့်ငါးယောက်နှင့်အစေခံ နှစ်ဆယ်ရှိသတည်း။) Judson Bible သင်သည် သင်၏သားကျွန်တို့နှင့်တကွ လယ်လုပ်၍ သင့်သခင်၏သားစားစရာဖို့ အသီးအနှံကို သွင်းရမည်။ သို့ရာတွင် သင့်သခင်၏သား မေဖိဗောရှက်သည် နေ့တိုင်းအစဉ် ငါ့စားပွဲ၌ အစာစားရမည်ဟု မိန့်တော်မူ၏။ ဇိဘ၌ သားတစ်ဆယ်ငါးယောက်နှင့် ကျွန်နှစ်ဆယ်ရှိ၏။ |
ထိုအခါ ရှင်ဘုရင်က “သင့်သခင်၏သားကား အဘယ်မှာနည်း”ဟု မေးလျှင် ဇိဘက “ ‘အစ္စရေးအမျိုးအနွယ်တို့သည် ငါ့ခမည်းတော်၏နိုင်ငံကို ငါ့အား ပြန်ပေးကောင်းပေးလိမ့်မည်’ဟု ဆို၍ ဂျေရုဆလင်မြို့တွင် နေခဲ့ပါ၏”ဟု ရှင်ဘုရင်အား လျှောက်တင်၏။
သူတို့သည် ရှင်ဘုရင်နှင့် နန်းတွင်းသူနန်းတွင်းသားတို့ကို တစ်ဖက်ကမ်းသို့ ပို့ပေးရန်နှင့် ရှင်ဘုရင်အလိုရှိသည်ကို လုပ်ဆောင်ပေးရန် ကူးတို့ဆိပ်မှ ကူးလာကြ၏။ ဂျော်ဒန်မြစ်ကို ရှင်ဘုရင်ဖြတ်ကူးသောအခါ ဂေရ၏သား ရှိမိသည် ရှင်ဘုရင်ရှေ့၌ ပျပ်ဝပ်လျက်
အကျွန်ုပ်ဖခင်၏အိမ်သူအိမ်သားတို့သည် အကျွန်ုပ်သခင်အရှင်မင်းကြီးရှေ့၌ ဘာမျှမဟုတ်၊ သေလူများသာ ဖြစ်ပါသော်လည်း ကျွန်တော်မျိုးကို အရှင့်စားပွဲ၌ စားရသောသူတို့နှင့်အတူ နေရာပေးခဲ့ပါ၏။ သို့ဖြစ်၍ အကျွန်ုပ်သည် အရှင်မင်းကြီးထံ အဘယ်အရာတောင်းဆိုခွင့်ရှိဦးမည်နည်း”ဟု လျှောက်တင်လေ၏။
သို့သော် ဒါဝိဒ်မင်းကြီးနှင့် ရှောလုမင်းကြီး၏သားယောနသန်တို့ကြား၌ ထာဝရဘုရားကိုတိုင်တည်၍ ပြုထားသောကတိသစ္စာကြောင့် ရှင်ဘုရင်သည် ရှောလု၏မြေး၊ ယောနသန်၏သား မေဖိဗောရှက်ကို ချမ်းသာပေး၏။
ဒါဝိဒ်မင်းကြီးက သူ့အား “မကြောက်နှင့်။ သင့်ဖခင်ယောနသန်ကိုထောက်ပြီး သင့်အား မေတ္တာကရုဏာကိုပြမည်။ သင့်အဘိုးရှောလုမင်းကြီးပိုင်ခဲ့သောလယ်ယာမြေအားလုံးကို သင့်အား ပြန်ပေးအပ်မည်။ သင်သည် ငါ့စားပွဲတွင် အမြဲစားသောက်ရမည်”ဟု ဆိုလျှင်
သို့သော် ဂိလဒ်ပြည်သား ဗာဇိလဲ၏သားတို့ကို မေတ္တာကရုဏာပြ၍ သင်နှင့် တစ်စားပွဲတည်း၌စားရသောသူတို့နှင့်အတူ စားစေလော့။ အကြောင်းမူကား သင့်အစ်ကို အဗရှလုံကြောင့် ငါပြေးခဲ့ရစဉ်က သူတို့သည် ငါ့ကို လာရောက်မေတ္တာပြခဲ့ကြပြီ။
ဤသို့ဖြင့် ယောယခိမ်မင်းကြီးသည် ထောင်အဝတ်ကိုလဲ၍ သူအသက်ရှင်သမျှကာလပတ်လုံး နေ့စဉ်ဘေဘီလုံဘုရင်ထံ၌ စားသောက်ခွင့်ရ၏။
သူအသက်ရှင်သမျှကာလပတ်လုံး သူ့အဖို့ စားစရိတ်၊ သုံးစရိတ် စသည့် နေ့စဉ်လိုအပ်ချက်ကို သူအနိစ္စရောက်သည်အထိ ဘေဘီလုံဘုရင်သည် သူ့အား ပေးသနားလေ၏။
ကိုယ်တော်နှင့်အတူထိုင်နေသောသူတစ်ဦးသည် ထိုစကားတော်တို့ကိုကြားလျှင် “ဘုရားသခင်၏နိုင်ငံတော်တွင် စားသောက်ပွဲ၌ပါဝင်ရသောသူသည် မင်္ဂလာရှိ၏”ဟု လျှောက်လေ၏။