အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၁ ရာ​ချုပ် 15:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

ဒါဝိဒ်​မင်းကြီး​က လေဝိ​အမျိုး​အကြီးအကဲ​တို့​အား စောင်းပြား​၊ စောင်းကောက်​၊ လင်းကွင်း​စသော​တူရိယာ​တို့​ဖြင့် အားရ​ဝမ်းမြောက်​စွာ​သီဆို​နိုင်​သော သူ​တို့​၏​ဆွေမျိုးသားချင်း​တို့​ကို သီချင်းသည်​အဖြစ် ခွဲခန့်​ထား​ရန် အမိန့်ပေး​ထား​၏​။

အခန်းကိုကြည့်ပါ။

Common Language Bible

ဒါ​ဝိဒ်​မင်း​သည်​စောင်း​များ၊ လင်း​ကွင်း​များ​ဖြင့် ပျော်​ရွှင်​ဖွယ်​ကောင်း​သော​သီ​ချင်း​များ​သီ​ဆို တီး​မှုတ်​ရန် လေ​ဝိ​အ​နွယ်​ဝင်​အ​သီး​သီး​တို့ ကို​တာ​ဝန်​ပေး​အပ်​မည့်​အ​ကြောင်း ထို​သူ​တို့ ၏​ခေါင်း​ဆောင်​များ​အား​အ​မိန့်​ပေး​တော်​မူ​၏။-

အခန်းကိုကြည့်ပါ။

Garrad Bible

လေ ဝိ ဂိုဏ်း သား အ ကြီး အ ကဲ တို့ လည်း တ ယော၊ စောင်း၊ ခွက် ကွင်း စ သော တု ရိ ယာ မျိုး နှင့် သီ ဆို တတ် သူ ဆွေ မျိုး သား ချင်း တို့ ကို ခြိမ့် ခြိမ့် မွမ်း အောင် ရွှင် လန်း စွာ တီး ဆို အံ့ သော ငှါ ခန့် ထား ကြ ရ မည့် အ ကြောင်း၊ ဒါ ဝိဒ် မင်း ထုတ် ဆင့် သည့် အ တိုင်း

အခန်းကိုကြည့်ပါ။

Judson Bible

လေ​ဝိ​သား အ​ကြီး​အ​ကဲ​တို့​သည် စောင်း၊ တ​ယော၊ ခွက်​ကွင်း​အ​စ​ရှိ​သော တူ​ရိ​ယာ​မျိုး​နှင့် သီ​ချင်း​ဆို​တတ်​သော ညီ​အစ်​ကို​တို့​ကို ဝမ်း​မြောက်​စွာ အ​သံ​ပြိုင်​ဆို​စေ​ခြင်း​ငှာ ခန့်​ထား​ရ​မည်​အ​ကြောင်း အ​မိန့်​တော်​ရှိ​သည်​အ​တိုင်း၊

အခန်းကိုကြည့်ပါ။



၁ ရာ​ချုပ် 15:16
38 ပူးပေါင်းရင်းမြစ်များ  

ဒါဝိဒ်​မင်းကြီး​နှင့် အစ္စရေး​လူမျိုး​အပေါင်း​တို့​သည် ဘုရားသခင်​ရှေ့​တော်​တွင် စောင်းကောက်​၊ စောင်းပြား​၊ ပတ်သာ​၊ လင်းကွင်း​၊ တံပိုးခရာ​တို့​ကို တီးမှုတ်​လျက် အားရ​ပျော်မြူး​စွာ​သီချင်းဆို​ကြ​၏​။


သူ​တို့​အား “​သင်​တို့​သည် လေဝိ​အမျိုး​ဘိုးဘေး​တို့​၏​အိမ်ထောင်စု​အကြီးအမှူး​များ ဖြစ်​ကြ​၏​။ ထို့ကြောင့် ယခု သင်​တို့​ကိုယ်တိုင်​နှင့် သင်​တို့​၏​ဆွေမျိုးသားချင်း​များ​ကိုယ်တိုင် ကိုယ်​ကို​သန့်ရှင်း​စေ​ပြီး ငါ​ပြင်ဆင်​ထား​သော​နေရာ​သို့ အစ္စရေး​လူမျိုး​၏​ဘုရားသခင်​ထာဝရဘုရား​၏​သေတ္တာ​တော်​ကို သယ်ဆောင်​လာ​ကြ​လော့​။


ဟေမန်​နှင့်​ယေဒုသုန်​တို့​သည် တံပိုးခရာ​၊ လင်းကွင်း​တို့​မှစ၍ ဘုရားသခင်​ထံ သီဆိုချီးမွမ်း​ရန် တူရိယာ​များ​ကို တီးမှုတ်​ရ​၏​။ ယေဒုသုန်​၏​သား​များ​မှာ တံခါး​ကို စောင့်ကြပ်​ရ​၏​။


ခေါင်းဆောင်​မှာ အာသပ်​ဖြစ်၍ သူ​၏​လက်ထောက်​မှာ ဇာခရိ​ဖြစ်​၏​။ ယေယေလ​၊ ရှေမိရာမုတ်​၊ ယေဟေလ​၊ မတ္တိသိ​၊ ဧလျာဘ​၊ ဗေနာယ​၊ ဩဗဒေဒုံ​၊ ယေယေလ တို့​သည် စောင်းပြား​၊ စောင်းကောက်​စသော​တူရိယာ​တို့​ကို တီးခတ်​ရ​၏​။ အာသပ်​ကား လင်းကွင်း​ကို တီး​ရ​၏​။


တံခါး​ကို​စောင့်ကြပ်ရသူ အယောက်​လေး​ထောင်​၊ ချီးမွမ်းသီဆို​ဖို့ ဒါဝိဒ်​မင်းကြီး ပြုလုပ်​ထား​သော​တူရိယာ​များ​ဖြင့် ထာဝရဘုရား​ကို ချီးမွမ်းသီဆို​ရ​သူ အယောက်​လေး​ထောင် ဟူ၍​ခွဲထား​၏​။


လေဝိ​၏​သား​များ​မှာ ဂေရရှုံ​၊ ကောဟတ်​၊ မေရာရိ တို့​ဖြစ်​ကြ​၏​။


လေဝိ​အမျိုး​များ​ဖြစ်​သော ကောဟတ်​သားမြေး​နှင့် ကောရ​သားမြေး​တို့​သည်​လည်း​ရပ်​လျက် အစ္စရေး​လူမျိုး​၏​ဘုရားသခင်​ထာဝရဘုရား​ကို သံကုန်ဟစ်​၍​ချီးမွမ်း​ကြ​၏​။


ထာဝရဘုရား​မိန့်မှာချက်​အရ ရှင်ဘုရင်​နှင့်​မှူးမတ်​တို့​၏​စကား​ကို​လိုက်နာ​ရန် ယုဒ​ပြည်သား​တို့​အား တစ်စိတ်တစ်သဘောတည်း​ရှိ​ခြင်း​ကို ဘုရားသခင်​ပေးသနား​တော်မူ​၏​။


အာသပ်​၊ ဟေမန်​၊ ယေဒုသုန်​နှင့် သူ​တို့​၏​သားမြေး​များ​၊ ညီအစ်ကို​များ​ပါဝင်​သော လေဝိ​အမျိုး​သီချင်းသည်​အပေါင်း​တို့​သည် ပိတ်ချောထည်​ကို ဝတ်ဆင်​လျက် လင်းကွင်း​၊ စောင်းပြား​၊ စောင်းကောက်​များ​ကိုင်ဆောင်​လျက် ယဇ်ပလ္လင်​အရှေ့ဘက်​တွင် ရပ်​နေ​ကြ​၏​။ တံပိုးခရာမှုတ်​ရ​သော​ယဇ်ပုရောဟိတ် အပါး​တစ်ရာ့​နှစ်ဆယ်​တို့​လည်း သူ​တို့​နှင့်အတူ ရပ်​နေ​ကြ​၏​။


တံပိုးမှုတ်​သူ​များ​နှင့် သီချင်းဆို​သူ​များ​သည် စည်းဝါးညီညီ​တစ်သံတည်း​ဖြင့် ထာဝရဘုရား​ထံ ဂုဏ်တော်​ချီးမွမ်း​သီဆို​ကြ​၏​။ တံပိုးသံ​၊ လင်းကွင်းသံ စသော​တူရိယာသံ​များ​နှင့်တကွ ထာဝရဘုရား​ထံ “​ကိုယ်တော်​ကောင်းမြတ်​တော်မူ​၏​။ မေတ္တာကရုဏာ​တော် အစဉ်အမြဲ​တည်​၏​”​ဟု အသံ​ကို​လွှင့်​၍ ချီးမွမ်းသီဆို​ကြ​သောအခါ ထာဝရဘုရား​၏​အိမ်​တော်​တစ်ခုလုံး မိုးတိမ်​များ​ဖုံးလွှမ်း​သွား​လေ​၏​။


ယဇ်ပုရောဟိတ်​တို့​သည် မိမိ​တို့​တာဝန်ကျ​ရာ​နေရာ​တွင် ရပ်​နေ​ရ​၏​။ လေဝိ​အမျိုး​တို့​က​လည်း ဒါဝိဒ်​မင်းကြီး​ရေးဖွဲ့​ခဲ့​သော ထာဝရဘုရား​အား​ချီးမွမ်း​ခြင်း​သီချင်း​ကို ထာဝရဘုရား​ထံ ချီးမွမ်းသီဆို​ရန် တူရိယာ​များ​ဖြင့် ရပ်​နေ​ကြ​၏​။ သူ​တို့​က “​ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​ပါ​၏​”​ဟု သီဆို​သောအခါ မျက်နှာချင်းဆိုင်​တွင်​ရပ်​နေ​သော ယဇ်ပုရောဟိတ်​တို့​သည် တံပိုး​များ​ကို​မှုတ်​ကြ​၏​။ အစ္စရေး​လူမျိုး​အပေါင်း​တို့​မူကား မတ်တတ်ရပ်​လျက်​နေ​ကြ​၏​။


ဂျေရုဆလင်​မြို့ရိုး​ဆက်ကပ်ပွဲ​ကျင်းပ​ရာ​တွင် လင်းကွင်း​၊ စောင်းပြား​၊ စောင်းကောက်​တို့​ကို​တီးမှုတ်​၍ ဝမ်းမြောက်​စွာ ကျေးဇူးတော်​ချီးမွမ်းသီဆို​လျက် ဆက်ကပ်ပွဲ​ကို​ကျင်းပ​နိုင်​ရန် လေဝိ​အမျိုး​တို့​ကို​ရှာ​၍ သူ​တို့​နေထိုင်​ရာ​အရပ်ရပ်​မှ ဂျေရုဆလင်​မြို့​သို့ လာရောက်​စေ​၏​။


သူ​၏​ညီအစ်ကို​များ​ဖြစ်​သော ရှေမာယ​၊ အာဇရေလ​၊ မိလလဲ​၊ ဂိလလဲ​၊ မာဣ​၊ နာသနေလ​၊ ယုဒ​၊ ဟာနနိ တို့​သည်​လည်း ဘုရားသခင်​၏​လူ​ဒါဝိဒ်​၏​ဂီတ​တူရိယာ​မျိုး​ကို တီးမှုတ်​၍ လိုက်​ကြ​၏​။ သူ​တို့​ကို ကျမ်းပြုဆရာ​ဧဇရ​က ဦးဆောင်​သွား​၏​။


ထို​နေ့​တွင် သူ​တို့​သည် ယဇ်ပူဇော်ပွဲ​ကြီး​ကို ကျင်းပ​ကြ​၏​။ ဘုရားသခင်​သည် သူ​တို့​အား အထူး​ဝမ်းမြောက်​သော​အခွင့်​ကို ပေး​တော်မူ​သဖြင့် သူ​တို့​သည် အလွန်​ဝမ်းမြောက်​ကြ​၏​။ မိန်းမ​များ​နှင့် ကလေးသူငယ်​များ​ပါ​မ​ကျန် ဝမ်းမြောက်​ပျော်ရွှင်​ကြ​၏​။ ဂျေရုဆလင်​မြို့​၏​ဝမ်းမြောက်​သံ​သည် အဝေး​ကပင် ကြား​ရ​လေ​၏​။


အကြောင်းမူကား ရှေးယခင် ဒါဝိဒ်​မင်းကြီး​နှင့်​အာသပ်​လက်ထက်​ကပင် ဘုရားသခင်​ထံ ကျေးဇူး​တော်​ချီးမွမ်း​ခြင်း​သီချင်း​သီဆို​သော သီချင်းသည်​များ​ကို ဦးဆောင်​ပေး​သော​သူ​များ​ရှိ​ခဲ့​၏​။


မြေကြီးသား​အပေါင်း​တို့​၊ ထာဝရဘုရား​ထံသို့ ဝမ်းမြောက်​စွာ​ကြွေးကြော်​ကြ​လော့​။


သူ​တို့​သည် ကခုန်​လျက် ကိုယ်တော်​၏​နာမ​တော်​ကို ချီးမွမ်း​ကြ​ပါစေ​။ ပတ်သာ​နှင့်​စောင်း​ကို​တီး​၍ ကိုယ်တော်​ကို သီဆိုချီးမွမ်း​ကြ​ပါစေ​။


အသံလွင်​သော​လင်းကွင်း​များ​တီး​လျက် ကိုယ်တော်​ကို ချီးမွမ်း​ကြ​လော့​။ အသံကျယ်​သော​လင်းကွင်း​များ​တီး​လျက် ကိုယ်တော်​ကို ချီးမွမ်း​ကြ​လော့​။


ငါ​တို့​၏​အစွမ်းသတ္တိ​ဖြစ်​တော်မူ​သော ဘုရားသခင်​ထံ ရွှင်လန်း​စွာ​သီချင်းဆို​ကြ​လော့​။ ယာကုပ်​၏​ဘုရားသခင်​ထံသို့ ဝမ်းမြောက်​စွာ​ကြွေးကြော်​ကြ​လော့​။


ငါ​တို့​၏​ပွဲ​နေ့​တည်းဟူသော လဆန်း​နေ့​၊ လပြည့်​နေ့​၌ တံပိုး​ကို​မှုတ်​ကြ​လော့​။


သီချင်းဆို​သူ​များ​နှင့်အတူ ကခုန်​သူ​များ​က​လည်း “​ငါ​၏​စမ်းရေတွင်း​ရှိသမျှ​တို့​သည် သင်​၌​ရှိ​၏​”​ဟု ဆို​ကြ​လိမ့်မည်​။


လာ​ကြ​၊ ထာဝရဘုရား​ထံ ရွှင်လန်း​စွာ​သီချင်းဆို​ကြ​ကုန်စို့​။ ငါ​တို့​၏​ကယ်တင်​ခြင်း​ကျောက်ဆောင်​ထံသို့ ဝမ်းမြောက်​စွာ​ကြွေးကြော်​ကြ​ကုန်စို့​။


အာရုန်​၏​အစ်မ​ဖြစ်​သော ပရောဖက်မ မိရိအံ​သည် ပတ်သာ​ကို​ကိုင်​လျက် မိန်းမ​အပေါင်း​တို့​သည်​လည်း ပတ်သာ​တီး​လျက်​၊ ကခုန်​လျက် သူ့​နောက်သို့​လိုက်သွား​ကြ​၏​။


ရှင်ဘုရင်​တို့​သည် သင့်​ကို ကြည့်ရှု​စောင့်ရှောက်​သူ​၊ မိဖုရား​တို့​သည် သင်​၏​နို့ထိန်း ဖြစ်​ကြ​လိမ့်မည်​။ သူ​တို့​သည် မြေ​ပေါ်​မျက်နှာ​အပ်​၍ သင့်​ရှေ့​၌​ပျပ်ဝပ်​ကာ သင်​၏​ခြေ​မှ မြေမှုန့်​ကို လျက်​ကြ​လိမ့်မည်​။ ထိုအခါ ငါ​သည် ထာဝရဘုရား​ဖြစ်ကြောင်း သင်​သိ​ရ​လိမ့်မည်​။ ငါ့​ကို​စောင့်မျှော်​သော​သူ​တို့​သည် အရှက်​မ​ကွဲ​ရ​ကြ​”​ဟု မိန့်​တော်မူ​၏​။


ဝမ်းမြောက်​ရွှင်မြူး​ခြင်း​အသံ​၊ သတို့သား​သတို့သမီး​အသံ​၊ ထာဝရဘုရား​သည် ကောင်းမြတ်​တော်မူ​၍ မေတ္တာကရုဏာ​တော်​အစဉ်အမြဲ​တည်​သောကြောင့် ကောင်းကင်​ဗိုလ်ခြေ​အရှင်​ထာဝရဘုရား​၏​ကျေးဇူး​တော်​ကို ချီးမွမ်း​ကြ​လော့​ဟု ဆို​လျက် ထာဝရဘုရား​၏​အိမ်​တော်​သို့ ကျေးဇူးတော်​ချီးမွမ်း​ခြင်း​ယဇ်​ကို ယူဆောင်​လာ​သော​သူ​တို့​၏​အသံ​ကို ကြား​ရ​လိမ့်မည်​။ အကြောင်းမူကား ဖမ်းခေါ်​သွား​ခြင်း​ခံရ​သော​ပြည်သား​တို့​ကို ငါ​ပြန်လာ​စေ​၍ ယခင်​က​ကဲ့သို့ ပြန်လည်​နေထိုင်​စေ​မည်’​ဟု မိန့်​တော်မူ​၏​။


စောင်းပြား​တီး​ပြီး သီချင်းဆို​လျက်​၊ ဒါဝိဒ်​ကဲ့သို့ သီချင်း​ရေးစပ်​လျက်​၊


အသင်းတော်​တိုင်း​တွင်​လည်း သူ​တို့​အတွက် အသင်းတော်​အကြီးအကဲ​များ​ကို​ခန့်ထား​၍ အစာရှောင်​လျက် ဆုတောင်း​ကြ​ကာ သူ​တို့​ယုံကြည်​သော​သခင်​ဘုရား​ထံသို့ သူ​တို့​ကို​အပ်နှံ​ကြ​၏။


များစွာ​သော​သက်သေ​တို့​ရှေ့၌ ငါ့​ထံမှ ကြားနာ​ရ​သော​အရာ​တို့​ကို အခြား​သူ​တို့​အား​လည်း သင်ကြား​ပေး​နိုင်စွမ်း​ရှိ​သည့် သစ္စာရှိ​သော​သူ​တို့​၌ ပေး​အပ်​လော့။


ကရေတေ​ကျွန်း​တွင် သင့်​ကို ငါ​ထားခဲ့​ခြင်း​မှာ သင့်​အား ငါ​မှာကြား​ထား​သည့်​အတိုင်း လိုအပ်​သည့်​အရာ​များ​ကို စီမံ​ဆောင်ရွက်​ရန်​နှင့် မြို့​တိုင်း​တွင် အသင်းတော်​အကြီးအကဲ​များ​ကို ခန့်ထား​ရန်​အတွက်​ဖြစ်​၏။