၂ တိ 2:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² များစွာ​သော​သက်သေ​တို့​ရှေ့၌ ငါ့​ထံမှ ကြားနာ​ရ​သော​အရာ​တို့​ကို အခြား​သူ​တို့​အား​လည်း သင်ကြား​ပေး​နိုင်စွမ်း​ရှိ​သည့် သစ္စာရှိ​သော​သူ​တို့​၌ ပေး​အပ်​လော့။

Common Language Bible

² အ​သိ​သက်​သေ​များ​ရှေ့​တွင်​ငါ​သွန်​သင်​ခဲ့ သည့်​အ​ရာ​များ​ကို​သင်​သည်​ကြား​သိ​ရ​လေ ပြီ။ သူ​တစ်​ပါး​တို့​အား​တစ်​ဆင့်​သွန်​သင်​နိုင် မည်​ဟု​စိတ်​ချ​ယုံ​ကြည်​ရ​သူ​တို့​အား​ထို သွန်​သင်​ချက်​များ​ကို​လက်​ဆင့်​ကမ်း​လော့။

Garrad Bible

² ခွန် အား ရှိ လျက် သက် သေ များ ရှေ့ ငါ့ ထံ မှ ကြား နာ ရ သော အ ကြောင်း အ ရာ များ ကို သ စ္စာ နှင့် ပြည့် စုံ၍ သင် ကြား တတ် သော ဆ ရာ တို့ အား တစ် ဆင့် လွှဲ အပ် လော့။

Judson Bible

² သက်​သေ​ခံ​အ​များ​ရှိ​သည်​နှင့် ငါ့​ထံ၌​ကြား​ရ​ပြီး​သော အ​ရာ​တို့​ကို၊ သ​စ္စာ​နှင့်​ပြည့်​စုံ၍ သူ​တစ်​ပါး​တို့​ကို သွန်​သင်​ခြင်း​ငှာ၊ တတ်​စွမ်း​နိုင်​သော သူ​တို့၌ အပ်​ပေး​လော့။-

ခေတ်သစ်​မြန်မာ သမ္မာကျမ်း

² အသိ​သက်သေ​များစွာ ရှေ့​၌ ကျွန်ုပ်​သွန်သင်သည့်​အရာများ​ကို သင်​ကြားသိရ၏။ ထို​အရာများ​ကို ယုံကြည်စိတ်ချရ​၍ သွန်သင်တတ်သော​သူတို့​အား လက်ဆင့်ကမ်းလော့။

၂ တိ 2:2 ပူးပေါင်းရင်းမြစ်များ

ဧ​ဇ​ရ 7:10

ဧဇရ​သည် ထာဝရဘုရား​၏​ပညတ်တရားတော်​များ​ကို လေ့လာဆည်းပူး​ရန်​၊ လိုက်နာကျင့်သုံး​ရန်​နှင့် အစ္စရေး​လူမျိုး​တို့​အား​ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို သင်ကြား​ပြသ​ပေး​ရန် ဆုံးဖြတ်ချက်ချ​ထား​သော​သူ​ဖြစ်​၏​။

ဧ​ဇ​ရ 7:25

သင်​ဧဇရ​သည်​လည်း သင်​ခံယူ​ရရှိ​သော​ဘုရားသခင်​၏​ဉာဏ်ပညာ​တော်​နှင့်အညီ ယူဖရေးတီး​မြစ်​အနောက်ဘက်ကမ်း​ရှိ ဘုရားသခင်​၏​ပညတ်တရား​ကို သိနားလည်​သူ​အပေါင်း​တို့​အား စီရင်အုပ်ချုပ်​ရန် အုပ်ချုပ်​သူ​များ​နှင့် တရားသူကြီး​များ​ကို​ခန့်အပ်​ရ​မည်​။ ပညတ်တရား​မ​သိ​သော​သူ​တို့​ကို​လည်း သွန်သင်​ပေး​ရ​မည်​။

နေ​ဟ​မိ 7:2

ငါ့​ညီ​ဟာနနိ​နှင့် ရဲတိုက်မှူး​ဟာနနိယ​တို့​အား ဂျေရုဆလင်​မြို့​ကို အုပ်ချုပ်​ရန် ခန့်အပ်​၏​။ ဟာနနိယ​သည် သစ္စာရှိ​သော​သူ​၊ အခြားသူ​တို့​ထက် ဘုရားသခင်​ကို​ကြောက်ရွံ့​သော​သူ​ဖြစ်​၏​။

ဆာ​လံ 101:6

သစ္စာရှိ​သော​ပြည်သား​တို့​သည် အကျွန်ုပ်​နှင့်အတူ​နေထိုင်​ရ​မည့်​အကြောင်း သူ​တို့​ကို​အကျွန်ုပ်​ကြည့်ရှု​ပါ​မည်​။ စုံလင်​သော​တရားလမ်း​၌ လျှောက်လှမ်း​သော​သူ​သည် အကျွန်ုပ်​၏​အမှု​ကို ဆောင်ရွက်​ရ​ပါ​လိမ့်မည်​။

သုတ္တံကျမ်း။ 13:17

ဆိုးယုတ်​သော​စေတမန်​သည် ဒုက္ခတွင်း​ထဲသို့​ကျရောက်​တတ်​၏​။ သစ္စာရှိ​သော​သံတမန်​မူကား ဒဏ်ရာဒဏ်ချက်​ကို ပျောက်ကင်း​စေ​တတ်​၏​။

ယေ​ရ​မိ 23:28

အိပ်မက်​နိမိတ်​ရ​သော​ပရောဖက်​သည် သူ့​အိပ်မက်​ကို ဟော​ပါစေ​။ နှုတ်ကပတ်တော်​ကို​ရ​သော​သူ​သည် နှုတ်ကပတ်တော်​ကို သစ္စာရှိ​စွာ​ဟော​ပါစေ​။ အဖျင်း​နှင့်​စပါး မည်သို့​ဆိုင်​သနည်း​”​ဟု ထာဝရဘုရား​မိန့်​တော်မူ​၏​။

ဝတ်​ပြု 14:42

ယခင်​ကျောက်တုံး​များ​နေရာ​၌ အခြား​ကျောက်တုံး​များ​ကို​ယူ​၍ အစားထိုး​ရ​မည်​။ ရွှံ့စေးသရွတ်​အသစ်​ကို​ယူ​၍ အိမ်​ကို သရွတ်ကိုင်​ရ​မည်​။

မာ​လ​ခိ 2:7

အကယ်စင်စစ် ယဇ်ပုရောဟိတ်​၏​နှုတ်ခမ်း​သည် အသိပညာ​ကို ထိန်းသိမ်း​ထား​ရ​မည်​။ သူ​သည် ကောင်းကင်​ဗိုလ်ခြေ​အရှင်​ထာဝရဘုရား​၏​စေတမန်​ဖြစ်​သောကြောင့် သူ​၏​နှုတ်​မှ သွန်သင်ချက်​ကို လူ​တို့ ရှာဖွေ​ဆည်းပူး​ရ​မည်​။

တော​လည် 12:7

ငါ​၏​အိမ်​တော်​တစ်ခုလုံး​အပေါ်​သစ္စာရှိ​သော ငါ​၏​အစေအပါး​မောရှေ​နှင့်​မူကား ထိုသို့​မ​ဟုတ်​ဘဲ

မဿဲ 13:52

ကိုယ်တော်​က​လည်း“သို့ဖြစ်၍ ကောင်းကင်​နိုင်ငံ​တော်​၏​တပည့်​ဖြစ်​လာ​သော ကျမ်းပြု​ဆရာ​တိုင်း​သည် မိမိ​၏​ဘဏ္ဍာတိုက်​ထဲမှ ဥစ္စာ​ဘဏ္ဍာ​အသစ်​နှင့်​အဟောင်း​တို့​ကို ထုတ်ယူ​သော​အိမ်ရှင်​နှင့်​တူ​၏”​ဟု မိန့်​တော်မူ​၏။

မဿဲ 24:25

နားထောင်​ကြ​လော့။ သင်​တို့​အား ငါ​ကြိုတင်​ပြော​ထား​ပြီ။

လုကာ 12:42

သခင်​ဘုရား​က​လည်း“မိမိ​အိမ်သူအိမ်သား​များ​အား အချိန်​တန်​သောအခါ အစားအစာ​များ​စီစဉ်​ပေး​ရန် သူ​တို့​အပေါ်​သခင်​ခန့်ထား​သည့် သစ္စာ​နှင့်​ပညာ​သတိ​ရှိ​သော​အစေအပါး​ခေါင်းဆောင်​ကား မည်သူ​နည်း။

၁ ကော 4:2

ဤ​နေရာ​တွင် ဘဏ္ဍာစိုး​သည် သစ္စာရှိ​ကြောင်း အသိအမှတ်ပြု​ခြင်း​ခံရ​သူ​ဖြစ်​ရ​မည်။

၂ ကော 2:14

သို့သော် ငါ​တို့​ကို ခရစ်တော်​၌ အစဉ်အမြဲ​အောင်ပွဲ​ခံ​စေ​၍ ကိုယ်တော်​ကို​သိ​သော​ဉာဏ်​၏​ရနံ့​ကို နေရာ​တိုင်း​၌ ငါ​တို့​အားဖြင့်​ပျံ့နှံ့​စေ​တော်မူ​သော​ဘုရားသခင်​၏​ကျေးဇူး​တော်​ကို​ငါ​ချီးမွမ်း​၏။

၂ ကော 3:5

ထိုသို့ဆိုသော် တစ်စုံတစ်ခု​သည် ငါ​တို့​ထံမှ​ဖြစ်လာ​သည်​ဟု သတ်မှတ်​နိုင်​ရန် ငါ​တို့​၌​အစွမ်းအစ​ရှိ​သည်​ဟု​မ​ဆိုလို။ ငါ​တို့​၏​အစွမ်းအစ​သည် ဘုရားသခင်​ထံမှ​သာ​ဖြစ်​၏။

ကော​လော​သဲ 1:7

သင်​တို့​သည် ထို​သတင်း​ကို ငါ​တို့​၏​အစေအပါး​ချင်း​ဖြစ်​သည့် ချစ်​ရ​သော​ဧပဖြ​ထံမှ ကြားသိ​ခဲ့​၏။ သူ​သည် သင်​တို့​အတွက် ခရစ်တော်​၏ သစ္စာရှိ​သော​အမှု​တော်​ဆောင်​ဖြစ်​၍

၁ တိ 1:12

ငါ့​ကို ခွန်အား​နှင့်​ပြည့်စုံ​စေ​တော်မူ​သော ငါ​တို့​သခင်​ခရစ်တော်​ယေရှု​၏​ကျေးဇူး​တော်​ကို ငါ​ချီးမွမ်း​၏။ အဘယ်ကြောင့်​ဆိုသော် ကိုယ်တော်​သည် ငါ့​ကို​အမှု​တော်​လုပ်ငန်း​အတွက်​ခန့်ထား​၍ သစ္စာရှိ​သော​သူ​အဖြစ်​မှတ်ယူ​တော်မူ​သောကြောင့်​ဖြစ်​၏။

၁ တိ 1:18

ငါ့​သား​တိမောသေ၊ သင်​နှင့်​ပတ်သက်၍ ယခင်​ပရောဖက်ပြု​ဟောပြော​ထား​သည့်​အရာ​များ​နှင့်အညီ ဤ​ညွှန်ကြားချက်​ကို သင့်​အား ငါ​ပေး​၏။ ဤသည်ကား သင်​သည် ယုံကြည်​ခြင်း​နှင့်​ကြည်လင်​သော​အသိစိတ်​တို့​ကို​စွဲကိုင်​လျက် ထို​ပရောဖက်ပြု​ဟောပြော​ထား​သည့်​အရာ​များ​အားဖြင့် ကောင်း​သော​တိုက်ပွဲ​ကို တိုက်ခိုက်​နိုင်​မည့်​အကြောင်း​တည်း။

၁ တိ 4:14

အသင်းတော်​အကြီးအကဲ​များ​၏​လက်​တင်​ခြင်း​နှင့်တကွ ပရောဖက်ပြု​ဟောပြော​ခြင်း​အားဖြင့် သင့်​အပေါ်​ပေးအပ်​ထား​၍ သင်​၌​ရှိ​သည့်​ဆု​ကျေးဇူး​ကို လျစ်လျူ​မ​ရှု​နှင့်။

၁ တိ 4:6

ဤ​အကြောင်းအရာ​များ​ကို ညီအစ်ကို​တို့​အား​ညွှန်ပြ​လျှင် သင်​သည် ယုံကြည်​ခြင်း​နှင့်ဆိုင်သော​တရား​စကား​နှင့် သင်​လိုက်လျှောက်​သည့် ကောင်း​သော​သွန်သင်​ချက်​၏​တရား​စကား​တို့​ဖြင့် ပြုစု​ပျိုးထောင်​ခြင်း​ကို​ခံရ​လျက် ခရစ်တော်​ယေရှု​၏​ကောင်း​သော​အစေခံ​ဖြစ်​လိမ့်မည်။

၁ တိ 5:22

မည်သူ့​အပေါ်၌​မျှ လက်တင်​ခြင်း​အမှု​ကို အလျင်စလို​မ​ပြု​နှင့်။ အခြား​သူ​တို့​၏​အပြစ်​၌​လည်း ပါဝင်​ခြင်း​မ​ရှိ​နှင့်။ သင့်ကိုယ်သင် ဖြူစင်​သန့်ရှင်း​အောင်​စောင့်ထိန်း​လော့။

၁ တိ 6:12

ယုံကြည်​ခြင်း​နှင့်ဆိုင်သည့် ကောင်း​သော​တိုက်ပွဲ​ကို​တိုက်​၍ ထာဝရ​အသက်​ကို ရယူ​ပိုင်ဆိုင်​လော့။ သင်​သည် ထို​အသက်​အတွက် ခေါ်ယူ​တော်မူ​ခြင်း​ကို​ခံရ​၍ များစွာ​သော​သက်သေ​တို့​ရှေ့​တွင် ကောင်း​သော​ဝန်ခံ​ချက်​ကို​ပေး​လေ​ပြီ။

၂ တိ 3:10

သို့သော် သင်​သည် ငါ​၏​သွန်သင်​ချက်၊ အသက်ရှင်​နေထိုင်​မှု၊ အကြံအစည်၊ ယုံကြည်​ခြင်း၊ စိတ်ရှည်​ခြင်း၊ ချစ်​ခြင်း​နှင့် သည်းခံ​ခြင်း​တို့​၌​လည်းကောင်း၊

၂ တိ 3:14

သင်​မူကား မိမိ​သင်ယူ​၍ အခိုင်အမာ​ယုံကြည်​သည့်​အရာ​များ​၌ တည်​နေ​လော့။ အဘယ်ကြောင့်​ဆိုသော် သင်​သည် ထို​အရာ​တို့​ကို မည်သူ​တို့​ထံမှ သင်ယူ​ခဲ့​သည်​ကို​လည်းကောင်း၊

ဟေ​ဗြဲ 2:17

ထို့ကြောင့် ကိုယ်တော်​သည် လူ​တို့​၏​အပြစ်​များ​အတွက် အသနားခံ​ခြင်း​အမှု​ကို​ပြု​ရန် ဘုရားသခင်​ရှေ့​တော်​၌ သနား​ကြင်နာ​တတ်​သည့် သစ္စာရှိ​သော​ယဇ်ပုရောဟိတ်​မင်း​ဖြစ်​မည့်​အကြောင်း အရာရာ​၌ ညီအစ်ကို​များ​နှင့်​တူ​ရ​၏။

၁ ရာ 2:35

ငါ့​အလို​တော်​ကို​ဆောင်​၍ သစ္စာရှိ​သော​ယဇ်ပုရောဟိတ်​တစ်​ပါး​ကို ငါ​ပေါ်ထွန်း​စေ​မည်​။ သူ့​အမျိုးအနွယ်​ကို စဉ်ဆက်မပြတ် တည်ရှိ​စေ​မည်​။ သူ​သည် ငါ​ဘိသိက်ပေး​ထား​သော​သူ​ရှေ့​တွင် အစဉ်​ဝင်ထွက်​သွားလာ​ရ​လိမ့်မည်​။