ဆာ​လံ 150 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထာဝရဘုရားကို ချီးမွမ်းခြင်း

¹ ဟာလေလုယ​။ သန့်ရှင်းရာဌာန​တော်​၌ ဘုရားသခင်​ကို​ချီးမွမ်း​ကြ​လော့​။ ကိုယ်တော်​၏​တန်ခိုး​တော်​ထင်ရှား​ရာ မိုးမျက်နှာကြက်​ပေါ်မှာ ကိုယ်တော်​ကို​ချီးမွမ်း​ကြ​လော့​။

² ကိုယ်တော်​၏​အစွမ်းတန်ခိုး​တော်​များ​ကြောင့် ကိုယ်တော်​ကို ချီးမွမ်း​ကြ​လော့​။ ကိုယ်တော်​၏​အလွန်​ကြီးမြတ်​တော်မူ​ခြင်း​အတွက် ကိုယ်တော်​ကို ချီးမွမ်း​ကြ​လော့​။

³ တံပိုး​မှုတ်​လျက် ကိုယ်တော်​ကို​ချီးမွမ်း​ကြ​လော့​။ စောင်းပြား​နှင့်​စောင်းကောက်​ကို​တီး​လျက် ကိုယ်တော်​ကို ချီးမွမ်း​ကြ​လော့​။

⁴ ပတ်သာတီး​လျက်​၊ ကခုန်​လျက် ကိုယ်တော်​ကို​ချီးမွမ်း​ကြ​လော့​။ ကြိုးတပ်​တူရိယာ​များ​တီး​လျက်​၊ ပလွေ​များ​မှုတ်​လျက် ကိုယ်တော်​ကို ချီးမွမ်း​ကြ​လော့​။

⁵ အသံလွင်​သော​လင်းကွင်း​များ​တီး​လျက် ကိုယ်တော်​ကို ချီးမွမ်း​ကြ​လော့​။ အသံကျယ်​သော​လင်းကွင်း​များ​တီး​လျက် ကိုယ်တော်​ကို ချီးမွမ်း​ကြ​လော့​။

⁶ သက်ရှိသတ္တဝါ​အပေါင်း​တို့​သည် ထာဝရဘုရား​ကို ချီးမွမ်း​ကြ​ပါစေ​။ ဟာလေလုယ​။