အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၁ ပေ 4:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

အကြောင်းမူကား လူမျိုးခြား​တို့​၏​ဆန္ဒ​အတိုင်း​ပြု​လျက် ကာမဂုဏ်​လိုက်စား​ခြင်း၊ တပ်မက်​ခြင်း၊ မူးယစ်​ခြင်း၊ အပျော်ကြူး​ခြင်း၊ သောက်စား​မြူးထူး​ခြင်း​နှင့် ပညတ်​တရား​က​တားမြစ်​ထား​သော ရုပ်တု​ကိုးကွယ်​ခြင်း​တို့​တွင် ကျင်လည်​ခဲ့​သည့် လွန်ခဲ့​သော​အချိန်​သည် သင်​တို့​အတွက် တော်လောက်​ပေ​၏။

အခန်းကိုကြည့်ပါ။

Common Language Bible

လွန်​ခဲ့​သည့်​ကာ​လ​က​သင်​တို့​သည်​မ​ယုံ ကြည်​သူ​များ​ပြု​ကျင့်​သ​ကဲ့​သို့​အ​တန်​ကြာ စွာ​ပြု​မူ​ကျင့်​ကြံ​ခဲ့​ကြ​၏။ မ​ပြု​သင့်​မ​ပြု ထိုက်​သည်​ကို​ပြု​မူ​ခြင်း၊ ကာ​မ​ဂုဏ်​လိုက်​စား ခြင်း၊ သေ​သောက်​ကြူး​ခြင်း၊ ပျော်​ရွှင်​မြူး​တူး​ခြင်း၊ သေ​သောက်​ပွဲ​များ​ကျင်း​ပ​ခြင်း​နှင့်​လွန်​စွာ မ​နှစ်​မြို့​အပ်​သည့်​ရုပ်​တု​ကိုး​ကွယ်​ခြင်း တို့​တွင်​ပါ​ဝင်​ခဲ့​ကြ​၏။-

အခန်းကိုကြည့်ပါ။

Garrad Bible

လူ မျိုး ခြား တို့ အ လို ရှိ ရာ ကာ မ ဂုဏ် လိုက် စား ခြင်း၊ တပ် မက် ခြင်း၊ မူး ယစ် ခြင်း၊ ပျော် ပါး ခြင်း၊ သောက် ကြူး ခြင်း၊ စက် ဆုပ် ဖွယ် ရုပ် ပွား ကိုး ကွယ် ခြင်း များ ကို သင် တို့ ပြု ကျင့် လျှောက် လိုက် ရန် လွန် ခဲ့ သော အ ချိန် ကာ လ တော် လောက် ပြီ။

အခန်းကိုကြည့်ပါ။

Judson Bible

သာ​သ​နာ​ပ​လူ​တို့၏ အ​လို​သို့​လိုက်၍၊ ကိ​လေ​သာ​ညစ်​ညူး​ခြင်း၊ ကာ​မ​တပ်​မက်​ခြင်း၊ စ​ပျစ်​ရည်​နှင့် ယစ်​မူး​ခြင်း၊ ပွဲ​လုပ်​ခြင်း၊ သောက်​ကြူး​ခြင်း၊ အ​ဓ​မ္မ​ရုပ်​တု​ကို ကိုး​ကွယ်​ခြင်း၌ ကျင်​လည်၍၊ ငါ​တို့​လွန်​စေ​ပြီး​သော အ​သက်​ကာ​လ​သည် ငါ​တို့​အား လောက်​ပေ၏။-

အခန်းကိုကြည့်ပါ။

ခေတ်သစ်​မြန်မာ သမ္မာကျမ်း

အဘယ်ကြောင့်ဆိုသော် သင်တို့​သည် ဘုရားသခင်​ကို မကိုးကွယ်သော​သူများ​ကဲ့သို့ ကိလေသာ​လွန်ကြူးခြင်း၊ တပ်မက်ခြင်း၊ မူးယစ်ခြင်း၊ ပွဲလုပ်​ပျော်ပါးခြင်း၊ သောက်စားခြင်း၊ ပညတ်တရား​နှင့် မလျော်ညီသည့် ရုပ်တုကိုးကွယ်ခြင်း​တို့​ကို ပြုမူ​၍ အချိန်​အတန်ကြာ နေထိုင်ခဲ့​သောကြောင့်​ဖြစ်၏။

အခန်းကိုကြည့်ပါ။



၁ ပေ 4:3
30 ပူးပေါင်းရင်းမြစ်များ  

ထိုအခါ အဗရှလုံ​က သူ့​ငယ်သား​တို့​အား “​သင်​တို့ စောင့်ကြည့်​ပါ​။ စပျစ်ဝိုင်​ကြောင့် အာမနုန် စိတ်မြူး​လာ​သောအခါ ငါ​က ‘​အာမနုန်​ကို သတ်​လိုက်​ပါ​’​ဟု ဆို​လျှင် သူ့​ကို​သတ်​လိုက်​ပါ​။ ငါ​အမိန့်ပေး​သည်​မ​ဟုတ်​လော​။ သင်​တို့​မ​ကြောက်​ကြ​နှင့်​။ အားယူ​ပြီး သတ္တိ​ရှိ​ကြ​ပါ​”​ဟု မှာထား​၏​။


သူ​သည် အစ္စရေး​အမျိုးသား​တို့​ထံမှ ထာဝရဘုရား​နှင်ထုတ်​တော်မူ​ခဲ့​သော အာမောရိ​လူမျိုး​တို့​ပြု​ခဲ့​သည့်​အတိုင်း ရုပ်တု​များ​နောက်သို့​လိုက်​၍ စက်ဆုပ်ရွံရှာဖွယ်​အမှု​များ​ကို ပြု​လေ​၏​။


အာသ​မင်းကြီး​သည် ထို​စကား​များ​နှင့် ပရောဖက်​ဩဒက် ပရောဖက်ပြု​သော​စကား​များ​ကို ကြား​သောအခါ အားတက်​လာ​ပြီး ယုဒ​ပြည်​တစ်ပြည်လုံး​၊ ဗင်္ယာမိန်​ပြည်​တစ်ပြည်လုံး​နှင့် ဧဖရိမ်​တောင်ပေါ်ဒေသ​ရှိ သူ​သိမ်းယူ​ထား​သော​မြို့ရွာ​များ​မှ ရွံရှာဖွယ်​ရာ​များ​ကို ဖယ်ရှား​ပစ်​၏​။ ထာဝရဘုရား​၏​အိမ်​တော်​ဆင်ဝင်​ရှေ့​ရှိ ထာဝရဘုရား​၏​ယဇ်ပလ္လင်​ကို​လည်း ပြုပြင်​လေ​၏​။


ဤ​သူ​တို့​သည် စပျစ်ဝိုင်​ကြောင့် ယိမ်းထိုး​၍ သေရည်သေရက်​ကြောင့် ဒယီးဒယိုင်​ဖြစ်​ကြ​ပြီ​။ ယဇ်ပုရောဟိတ်​များ​၊ ပရောဖက်​များ​သည် သေရည်သေရက်​ကြောင့် ယိမ်းထိုး​၍ စပျစ်ဝိုင်​ကြောင့်​အာရုံ​ထွေပြား​ကြ​ပြီ​။ သေရည်သေရက်​ကြောင့် လမ်းလွဲ​၍ စိတ်အာရုံ​ကို လွဲမှား​စွာ​မြင်​ကြ​ပြီ​။ ဆုံးဖြတ်ချက်​ချ​ရာ​တွင်​လည်း အလွဲလွဲအချော်ချော်​ဖြစ်​ကြ​ပြီ​။


နံနက်​စောစောထ​၍ သေရည်သေရက်​နောက်လိုက်​သော​သူ​၊ ညဥ့်နက်​သည်​အထိ စပျစ်ဝိုင်​နှင့်​ယစ်မူး​သော​သူ​တို့​သည် အမင်္ဂလာ​ရှိ​ကြ​၏​။


သူ​တို့​သည် သင်္ချိုင်း​များ​တွင်​ထိုင်​ကြ​၏​။ ကွယ်​ရာ​အရပ်​တို့​၌ ညအိပ်​ကြ​၏​။ ဝက်​သား​ကို​စား​ကြ​၏​။ သူ​တို့​ခွက်​များ​ထဲ၌ ရွံရှာဖွယ်​အသားပြုတ်ရည်​ရှိ​၏​။


ထိုအခါ သင်​က သူ​တို့​အား ‘ထာဝရဘုရား​က သင်​တို့​၏​ဘိုးဘေး​တို့​သည် ငါ့​ကို​စွန့်ပယ်​၍ အခြား​ဘုရား​များ​နောက်သို့ လိုက်​ကြ​ပြီ​။ ထို​ဘုရား​တို့​ကို အစေခံ​ကြ​ပြီ​။ ပျပ်ဝပ်​ကြ​ပြီ​။ ငါ​ပညတ်​ထား​သော​တရား​ကို မ​စောင့်ထိန်း​ကြ​။


ငါ​၏​ပြည်​ကို ရွံရှာဖွယ်​လူသေကောင်​ဖြင့် ညစ်ညူး​စေ​၍ ငါ​၏​အမွေမြေ​ကို စက်ဆုပ်ရွံရှာဖွယ်​ရာ​များ​ဖြင့် ပြည့်​စေ​သော သူ​တို့​၏​ဒုစရိုက်​၊ သူ​တို့​၏​အပြစ်​များ​ကြောင့် ငါ​သည် သူ​တို့​ကို နှစ်ဆ​တုံ့ပြန်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။


သင်​သည် ပုန်ကန်​တတ်​သော​အစ္စရေး​အမျိုးအနွယ်​တို့​အား ဆင့်ဆို​လော့​။ ဘုရားရှင်​ထာဝရဘုရား​က ‘အို အစ္စရေး​အမျိုးသား​တို့​၊ သင်​တို့​ပြု​သော​စက်ဆုပ်ရွံရှာဖွယ်​အမှု​မှာ ကြီးလေး​လှ​၏​။


‘အို အစ္စရေး​မင်းသား​တို့​၊ တော်သင့်​ပြီ​။ ရက်စက်ကြမ်းကြုတ်​ခြင်း​၊ ဖိနှိပ်ညှဉ်းဆဲ​ခြင်း​အမှု​တို့​ကို​ရှောင်​၍ တရားမျှတ​စွာ​၊ ဖြောင့်မတ်​စွာ ပြုကျင့်​ကြ​လော့​။ ငါ့​လူမျိုး​တို့​ထံမှ လုယူသိမ်းပိုက်​ခြင်း​အမှု​ကို ရပ်တန်းကရပ်​ကြ​လော့’​ဟု ဘုရားရှင်​ထာဝရဘုရား​မိန့်​တော်မူ​၏​။


အိမ်ထောင်ရေး​ဖောက်ပြန်​မှု​ကို​ကျူးလွန်​ခြင်း၊ လောဘ​လွန်ကျူး​ခြင်း၊ ဆိုးညစ်​ခြင်း၊ စဉ်းလဲ​ခြင်း၊ ကာမဂုဏ်​လိုက်စား​ခြင်း၊ မနာလို​ခြင်း၊ စော်ကား​ပြောဆို​ခြင်း၊ မာန​ထောင်လွှား​ခြင်း​နှင့် မိုက်မဲ​ခြင်း​တို့​သည် လူ​၏​အတွင်း သူ​၏​စိတ်နှလုံး​ထဲမှ ထွက်လာ​ကြ​၏။


ဘုရားသခင်​သည် လူ​တို့​မသိနားမလည်​သည့်​အချိန်​ကာလ​ကို အမှုမထား​ခဲ့​သော်လည်း ယခု​အခါ နေရာ​တိုင်း​ရှိ လူ​အပေါင်း​တို့​အား နောင်တရ​ကြ​ရန် အမိန့်​ပေး​တော်မူ​၏။


အပျော်ကြူး​ခြင်း​နှင့်​သောက်စား​မူးယစ်​ခြင်း​တို့​၌​လည်းကောင်း၊ ကိလေသာ​ရှုပ်ထွေး​ခြင်း​နှင့်​ကာမဂုဏ်​လိုက်စား​ခြင်း​တို့​၌​လည်းကောင်း၊ ပဋိပက္ခ​ဖြစ်​ခြင်း​နှင့်​မနာလို​ခြင်း​တို့​၌​လည်းကောင်း မ​ကျင်လည်​ကြ​ဘဲ နေ့​အချိန်​၌​လျှောက်လှမ်း​သကဲ့သို့ တင့်တယ်​လျောက်ပတ်​စွာ အသက်ရှင်​လျှောက်လှမ်း​ကြ​ကုန်စို့။


သင်​တို့​သည် ဘာသာခြား​ဖြစ်​ကြ​စဉ်​က စကား​မ​ပြော​နိုင်​သော​ရုပ်တု​များ​ထံသို့ တစ်နည်းနည်း​ဖြင့် ခေါ်ဆောင်​သွား​ခြင်း​ခံရ​၍ လမ်းလွဲ​ခဲ့​ကြ​သည်​ကို သင်​တို့​သိ​ကြ​၏။


သင်​တို့​တွင် အချို့​သော​သူ​တို့​သည် ထိုသို့​သော​သူ​များ​ဖြစ်​ခဲ့​ကြ​၏။ သို့သော် သင်​တို့​သည် သခင်​ယေရှု​ခရစ်တော်​၏​နာမ​တော်​နှင့် ငါ​တို့​ဘုရားသခင်​၏​ဝိညာဉ်​တော်​အားဖြင့် ဆေးကြော​ခြင်း​ခံရ​၍ သန့်ရှင်း​စေ​ခြင်း​ခံရ​ကာ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြ​၏။


နောက်တစ်ဖန် ငါ​လာ​သောအခါ ဘုရားသခင်​သည် သင်​တို့​ရှေ့၌ ငါ့​ကို​နှိမ့်ချ​တော်မူ​၍ ယခင်​က အပြစ်​ကျူးလွန်​ခဲ့​လျက်​ပင် မိမိ​တို့​ပြုကျင့်​ခဲ့​သည့် ညစ်ညူး​ခြင်း၊ တရားနှင့်မညီ​မေထုန်ပြု​ခြင်း​နှင့် ကာမဂုဏ်​လိုက်စား​ခြင်း​တို့​ကို နောင်တ​မ​ရ​သေး​သော​သူ​များစွာ​ရှိ​သည့်​အတွက် ငါ​ဝမ်းနည်း​ကြေကွဲ​ရ​မည်​ကို​လည်း ငါ​စိုးရိမ်​၏။


သွေးသား​ဇာတိ​နှင့်ဆိုင်သော လုပ်ဆောင်​မှု​တို့​မူကား သိသာ​ထင်ရှား​၏။ ၎င်း​တို့​မှာ တရားနှင့်မညီ​မေထုန်ပြု​ခြင်း၊ ညစ်ညူး​ခြင်း၊ ကာမဂုဏ်​လိုက်စား​ခြင်း၊


မလိုမုန်းထား​ခြင်း၊ သောက်စား​မူးယစ်​ခြင်း၊ အပျော်ကြူး​ခြင်း​တို့​မှစ၍ ထို​ကဲ့သို့သော​လုပ်ဆောင်​မှု​များ​ဖြစ်​ကြ​၏။ ထိုသို့သော​အရာ​များ​ကို ပြုကျင့်​သော​သူ​တို့​သည် ဘုရားသခင်​၏​နိုင်ငံ​တော်​ကို အမွေ​ဆက်ခံ​ရ​ကြ​မည်​မ​ဟုတ်​ဟု ယခင်​က ငါ​ပြော​ခဲ့​သည့်​အတိုင်း ယခု​လည်း သင်​တို့​အား ကြိုတင်​ပြော​ထား​မည်။


အပျော်ကြူး​ခြင်း​ကို​ဖြစ်​စေ​သည့် စပျစ်​ဝိုင်​ယစ်မူး​ခြင်း​မ​ရှိ​ဘဲ ဝိညာဉ်​တော်​နှင့်​ပြည့်ဝ​ကြ​လော့။


ဘုရားသခင်​ကို​မ​သိ​သော​လူမျိုးခြား​တို့​ကဲ့သို့ ကိလေသာ​တပ်မက်​ခြင်း​ထဲ၌ နစ်မွန်း​ခြင်း​မ​ရှိ​ကြ​ရန်​နှင့်


အကြောင်းမူကား တစ်ချိန်က ငါ​တို့​သည်​လည်း မိုက်မဲ​သော​သူ၊ နာခံ​ခြင်း​မ​ရှိ​သော​သူ၊ လမ်းလွဲ​သော​သူ​များ​ဖြစ်​ကြ​ပြီး အမျိုးမျိုး​သော တပ်မက်​ခြင်း​နှင့်​ကာမဂုဏ်​ခံစား​ခြင်း​တို့​၌​ကျွန်ခံ​၍ မကောင်းမှု​နှင့်​မလိုမုန်းထား​ခြင်း​တို့​၌​ကျင်လည်​ကြ​ကာ မုန်းတီး​ခြင်း​ခံရ​လျက် အချင်းချင်း​ကို​လည်း​မုန်းတီး​လျက်​နေ​ကြ​၏။


ယခင် သင်​တို့​မသိနားမလည်​စဉ်​က လိုက်​ခဲ့​သော​တပ်မက်​မှု​များ​နောက်​သို့ ယခု​မ​လိုက်​ကြ​ဘဲ နာခံ​မှု​ရှိ​သော​သားသမီး​များ​ကဲ့သို့​ဖြစ်၍


အကြောင်းမူကား ငါ​တို့​ဘုရားသခင်​၏​ကျေးဇူး​တော်​ကို ကာမဂုဏ်​လိုက်စား​ခြင်း​အဖြစ်​သို့ ပြောင်းလဲ​စေ​၍ တစ်ပါးတည်း​သော​အရှင်​ဖြစ်​တော်မူ​သော ငါ​တို့​၏​သခင်​ယေရှု​ခရစ်တော်​ကို ငြင်းပယ်​ကြ​သည့် ဘုရား​တရား​မဲ့​သော​သူ​အချို့​တို့​သည် တိတ်တခိုး​ဝင်ရောက်​လာ​ကြ​၏။ သူ​တို့​သည် ဤ​ပြစ်ဒဏ်​စီရင်​ခြင်း​ကို​ခံရ​မည်​ဟု ရှေးယခင်​က​ပင် ရေး​ထား​လေ​ပြီ။