တိ​တု 3:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အကြောင်းမူကား တစ်ချိန်က ငါ​တို့​သည်​လည်း မိုက်မဲ​သော​သူ၊ နာခံ​ခြင်း​မ​ရှိ​သော​သူ၊ လမ်းလွဲ​သော​သူ​များ​ဖြစ်​ကြ​ပြီး အမျိုးမျိုး​သော တပ်မက်​ခြင်း​နှင့်​ကာမဂုဏ်​ခံစား​ခြင်း​တို့​၌​ကျွန်ခံ​၍ မကောင်းမှု​နှင့်​မလိုမုန်းထား​ခြင်း​တို့​၌​ကျင်လည်​ကြ​ကာ မုန်းတီး​ခြင်း​ခံရ​လျက် အချင်းချင်း​ကို​လည်း​မုန်းတီး​လျက်​နေ​ကြ​၏။

Common Language Bible

³ အ​ခါ​တစ်​ပါး​က​ငါ​တို့​ကိုယ်​တိုင်​ပင်​လျှင် မိုက်​မဲ​၍ မ​နာ​ခံ​ဘဲ​လမ်း​မှား​လျက်​နေ​ခဲ့ ကြ​၏။ ရမ္မက်​ဆန္ဒ​နှင့်​အ​မျိုး​မျိုး​သော​အ​ပျော် အ​ပါး​လိုက်​စား​မှု​များ​၏​ကျွန်​ဖြစ်​ခဲ့​ကြ​၏။ ငါ​တို့​၌​အ​မြဲ​ပင်​မ​နာ​လို​သော​သ​ဘော၊ ငြူ စူ​သော​သ​ဘော​ရှိ​ခဲ့​ကြ​၏။ သူ​တစ်​ပါး​တို့ သည်​ငါ​တို့​ကို​မုန်း​ကြ​၏။ ငါ​တို့​က​လည်း သူ​တို့​ကို​မုန်း​ကြ​၏။-

Garrad Bible

³ ငါ တို့ လည်း အ ထက် က မိုက် မဲ သူ၊ မ လိုက် နာ သူ၊ လှည့် စား ခံ ရ သူ၊ တပ် မက် ခြင်း၊ ပျော် မွေ့ ခြင်း၊ အ မျိုး မျိုး အောက် ကျွန် ခံ သူ၊ ယုတ် မာ ခြင်း၊ ငြူ စူ ခြင်း၌ ကျင် လည် သူ၊ ရွံ့ ရှာ ဖွယ် သူ၊ အ ချင်း ချင်း မုန်း ထား သူ များ ဖြစ် ကြ ရာ၊

Judson Bible

³ အ​ကြောင်း​မူ​ကား၊ အ​ထက်​က ငါ​တို့​သည် ပ​ညာ​မဲ့​သော​သူ၊ နား​မ​ထောင်​သော​သူ၊ မှား​ယွင်း​သော​သူ၊ အ​ထူး​ထူး​အ​ပြား​ပြား​သော တပ်​မက်​ခြင်း၊ ကာ​မ​ဂုဏ်​ခံ​စား​ခြင်း အ​မှု​တို့​ကို ဆောင်​ရွက်​သော​သူ၊ မ​နာ​လို​ခြင်း၊ ငြူ​စူ​ခြင်း၌ ကျင်​လည်​သော​သူ၊ စက်​ဆုပ်​ရွံ​ရှာ​ဖွယ်​သော​သူ၊ အ​ချင်း​ချင်း​မုန်း​သော​သူ ဖြစ်​ကြ၏။-

ခေတ်သစ်​မြန်မာ သမ္မာကျမ်း

³ တစ်ချိန်​က ကျွန်ုပ်တို့​သည်လည်း မိုက်မဲသူ၊ မနာခံသူ၊ လမ်းလွဲသူ၊ အမျိုးမျိုးသော တပ်မက်ခြင်း​နှင့် အပျော်အပါး​လိုက်စားခြင်းတို့​၌ ကျွန်ခံသူ၊ ဆိုးညစ်သော​စိတ်​နှင့် မနာလိုသော​စိတ်တို့​ဖြင့် နေထိုင်သူ၊ သူတစ်ပါး မုန်းတီးခြင်း​ကို ခံရသူ၊ အချင်းချင်း​မုန်းတီးသူ​တို့ ဖြစ်ခဲ့ကြ၏။

တိ​တု 3:3 ပူးပေါင်းရင်းမြစ်များ

ကမ္ဘာ​ဦး 38:9

သို့သော် ဩနန်​က ဤ​မျိုးဆက်​သည် မိမိ​၏​မျိုးဆက်​ဖြစ်​မည်​မ​ဟုတ်​ကြောင်း သိ​၏​။ ထို့ကြောင့် သူ​သည် မိမိ​အစ်ကို​၏​မယား​ထံသို့​ဝင်​သောအခါ မိမိ​အစ်ကို​အတွက် မျိုးဆက်​မ​ဖြစ်ထွန်း​စေရန် သုက်ရည်​ကို အပြင်​သို့​စွန့်ထုတ်​၏​။

ကမ္ဘာ​ဦး 39:16

သခင်​အိမ်​သို့​ပြန်ရောက်​သည့်​တိုင်အောင် ယောသပ်​၏​အဝတ်​ကို မိမိ​အနား​တွင် သိမ်းထား​လေ​၏​။

ဆာ​လံ 36:2

အကြောင်းမူကား သူ​သည် မိမိကိုယ်ကို​မြှောက်ပင့်​ပြောဆို​၍ မိမိ​ဒုစရိုက်​ကို​မ​မြင်​နိုင်​၊ မ​မုန်း​နိုင်​ချေ​။

သုတ္တံကျမ်း။ 8:5

အသိဉာဏ်​နည်းပါး​သော​သူ​တို့​၊ ဆင်ခြင်ဉာဏ်​ကို ရယူ​ကြ​လော့​။ မိုက်မဲ​သော​သူ​တို့​၊ အသိဉာဏ်​ကို ရယူ​ကြ​လော့​။

သုတ္တံကျမ်း။ 9:6

အသိဉာဏ်​နည်းပါး​ခြင်း​ကို​စွန့်ပယ်​၍ အသက်ရှင်​လော့​။ အသိဉာဏ်​လမ်း​ကို​လိုက်​လော့​”​ဟု ဆို​၏​။

ဟေ​ရှာ​ယ 44:20

သူ​သည် ပြာပုံ​တွင်​ကျက်စား​၏​။ သူ​၏​စိတ်နှလုံး​သည် လှည့်စား​ခြင်း​ခံရ​၍ သူ့​ကို​လမ်းလွဲ​စေ​ပြီ​။ သူ​သည် ကိုယ့်​ဝိညာဉ်​ကို ကိုယ်​မ​ကယ်တင်​နိုင်​။ ‘​ငါ့​လက်ယာ​လက်​ထဲ၌​ရှိ​သော​အရာ​ကား မုသား​သာ​မ​ဟုတ်​လော​’​ဟု ပြော​နိုင်​စွမ်း​မ​ရှိ​။

သြ​ဗ​ဒိ 1:3

ကျောက်ဆောင်​များ​ကြား မြင့်မား​သော​နေရာ​၌​နေ​၍ ‘မည်သူ​သည် ငါ့​ကို မြေကြီး​ပေါ်​ဆွဲချ​နိုင်​မည်နည်း’​ဟု သင်​တွေး​၏​။ သင့်​မာန​က သင့်​ကို​လှည့်စား​လေ​ပြီ​။

မဿဲ 21:29

ထို​သား​သည် ‘အကျွန်ုပ်​မ​သွား​လို​ပါ’​ဟု ပြန်ဖြေ​သော်လည်း နောက်မှ​စိတ်​ပြောင်းလဲ​သဖြင့် သွား​လေ​၏။

လုကာ 21:8

ကိုယ်တော်​က​လည်း“သင်​တို့​သည် လှည့်ဖြား​ခြင်း​မ​ခံရ​စေရန် သတိပြု​ကြ​လော့။ အကြောင်းမူကား များစွာ​သော​သူ​တို့​သည် ငါ့​အဖြစ်​အယောင်ဆောင်​လျက်​ရောက်လာ​၍ ‘ငါ​သည် ထို​သူ​ပင်​ဖြစ်​၏’​ဟူ၍​လည်းကောင်း၊ ‘အချိန်​နီးကပ်​လာ​ပြီ’​ဟူ၍​လည်းကောင်း ဆို​ကြ​လိမ့်မည်။ ထို​သူ​တို့​၏​နောက်​သို့​မ​လိုက်​ကြ​နှင့်။

ရှင်ယောဟန် 8:34

ယေရှု​က“သင်​တို့​အား ငါ​အမှန်အကန်​ဆို​မည်။ အပြစ်​ပြု​သူ​တိုင်း​သည် အပြစ်​၏​ကျွန်​ဖြစ်​၏။

ရော​မ 11:30

သင်​တို့​သည် တစ်ချိန်က ဘုရားသခင်​ကို​မ​နာခံ​ခဲ့​ကြ​သော်လည်း ယခု​အခါ ထို​သူ​တို့​၏​မ​နာခံ​မှု​ကြောင့် ကရုဏာ​တော်​ကို​ခံစား​ရ​ကြ​သကဲ့သို့

ရော​မ 6:12

ထို့ကြောင့် ကိုယ်ခန္ဓာ​၏​တပ်မက်​ခြင်း​အလို​သို့​လိုက်​ရန် သင်​တို့​၏​သေ​တတ်​သော​ကိုယ်ခန္ဓာ​ကို အပြစ်​အား မ​စိုးမိုး​စေ​ကြ​နှင့်။

ရော​မ 6:17

သင်​တို့​သည် အပြစ်​၏​ကျွန်​ဖြစ်​ခဲ့​ကြ​သော်လည်း သင်​တို့​ခံယူ​ရရှိ​သော သွန်သင်​ချက်​၏​နည်းဥပဒေသ​ကို စိတ်နှလုံး​နှင့်တကွ​နာခံ​ကြ​သဖြင့်

ရော​မ 6:22

သို့သော် ယခု​အခါ သင်​တို့​သည် အပြစ်​၏​လက်​မှ​လွတ်မြောက်​ခွင့်​ရ​၍ ဘုရားသခင်​၏​ကျွန်​ဖြစ်လာ​ကြ​ပြီး သန့်ရှင်း​ခြင်း​သို့​ရောက်​စေ​သည့်​အကျိုးကျေးဇူး​ကို ခံစား​ရ​ကြ​၏။ ၎င်း​၏​ရလဒ်​မူကား ထာဝရ​အသက်​ဖြစ်​၏။

ရော​မ 6:6

ငါ​တို့​၏​လူ​ဟောင်း​သည် ခရစ်တော်​နှင့်အတူ လက်ဝါးကပ်တိုင်​ပေါ်၌​တင်​ထား​ခြင်း​ခံရ​သည်မှာ အပြစ်​နှင့်ဆိုင်သော​ကိုယ်ခန္ဓာ​သည် ဖျက်ဆီး​ခြင်း​ခံရ​လျက် ငါ​တို့​သည် နောက်ထပ် အပြစ်​ထံ၌ ကျွန်​မ​ခံရ​ရန်​အတွက်​ဖြစ်​ကြောင်း ငါ​တို့​သိ​ကြ​၏။

၂ ကော 12:20

ငါ​ရောက်လာ​သောအခါ အကြောင်း​တစ်စုံတစ်ခု​ကြောင့် သင်​တို့​ကို ငါ​တွေ့မြင်​လို​သည့်​အတိုင်း မ​တွေ့မြင်​ရ​သကဲ့သို့ ငါ့​ကို​လည်း သင်​တို့​တွေ့မြင်​လို​သည့်​အတိုင်း မ​တွေ့မြင်​ရ​မည်​ကို​လည်းကောင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ ပုတ်ခတ်​ပြောဆို​ခြင်း၊ အတင်းအဖျင်း​ပြောဆို​ခြင်း၊ မာန​ထောင်လွှား​ခြင်း​နှင့် ရုန်းရင်းဆန်ခတ်​ဖြစ်​ခြင်း​များ ရှိ​မည်​ကို​လည်းကောင်း ငါ​စိုးရိမ်​၏။

ဂ​လာ​တိ 6:3

တစ်စုံတစ်ယောက်​သည် ဘာမျှ​မ​ဟုတ်​ဘဲ​လျက် မိမိ​ကိုယ်​ကို​အရေးပါ​သူ​ဟု ထင်မှတ်​လျှင် သူ​သည် မိမိကိုယ်ကို​လှည့်ဖြား​၏။

ကော​လော​သဲ 1:21

ယခင်​က သင်​တို့​သည် ဆိုးညစ်​သော​အမှု​များ​ကို​ပြု​ခြင်း​အားဖြင့် ဘုရားသခင်​နှင့်​ကင်းကွာ​လျက် စိတ်နှလုံး​၌​ရန်သူ​ဖြစ်​ကြ​၏။

ကော​လော​သဲ 3:7

သင်​တို့​သည်​လည်း ယခင်​က ထို​အရာ​တို့​၌ အသက်ရှင်​ကြ​စဉ် ထို​အရာ​တို့​ထဲတွင် ကျင်လည်​ခဲ့​ကြ​၏။

၂ တိ 3:13

ဆိုးညစ်​သော​သူ​တို့​နှင့် လိမ်လည်​လှည့်ဖြား​သော​သူ​တို့​သည် သူတစ်ပါး​ကို​လှည့်ဖြား​လျက် လှည့်ဖြား​ခြင်း​ကို​လည်း​ခံရ​လျက် ပို၍​ဆိုးရွား​သော​အဖြစ်​သို့ ကျဆင်း​သွား​ကြ​လိမ့်မည်။

၂ တိ 3:6

အကြောင်းမူကား သူ​တို့​ထဲမှ အချို့​တို့​သည် အိမ်​များ​သို့ မသိမသာ​ဝင်​ပြီးလျှင် တပ်မက်​ခြင်း​အမျိုးမျိုး​၏​သွေးဆောင်​ရာ​သို့​လိုက်ပါ​လျက် အပြစ်​ကို​ထပ်တလဲလဲ​ပြု​နေ​သော မိန်းမမိုက်​များ​ကို သိမ်းသွင်း​ကြ​၏။

တိ​တု 1:16

သူ​တို့​သည် ဘုရားသခင်​ကို​သိ​သည်​ဟု ဝန်ခံ​ကြ​သော်လည်း သူ​တို့​ပြု​သော​အမှု​များ​အားဖြင့် ဘုရားသခင်​ကို​ငြင်းပယ်​၍ ရွံရှာ​ဖွယ်​ကောင်း​သော​သူ၊ နာခံ​ခြင်း​မ​ရှိ​သော​သူ၊ ကောင်း​သော​အမှု​ရှိသမျှ​နှင့်​မ​ထိုက်တန်​သော​သူ​များ​ဖြစ်​ကြ​၏။

တိ​တု 2:12

ငါ​တို့​အား ဘုရား​တရား​မဲ့​ခြင်း​နှင့်​လောကီ​တပ်မက်​ခြင်း​တို့​ကို စွန့်ပယ်​၍ ဤ​လောက​တွင် ဘုရား​ဝတ်​၌​မွေ့လျော်​စွာ၊ သင့်တင့်​လျောက်ပတ်​စွာ​နှင့် ဖြောင့်မတ်​စွာ​အသက်ရှင်​ရန်​လည်းကောင်း၊

ယာ​ကုပ် 1:26

တစ်စုံတစ်ယောက်​သည် မိမိ​ကိုယ်​ကို ဘာသာ​တရား​ကိုင်းရှိုင်း​သူ​ဖြစ်​သည်​ဟု ထင်မှတ်​သော်လည်း မိမိ​လျှာ​ကို​မ​ချုပ်တည်း​ဘဲ မိမိ​စိတ်နှလုံး​ကို​လှည့်ဖြား​လျှင် ထို​သူ​၏​ဘာသာ​တရား​ကိုင်းရှိုင်း​မှု​သည် အချည်းနှီး​ဖြစ်​၏။

၁ ပေ 1:14

ယခင် သင်​တို့​မသိနားမလည်​စဉ်​က လိုက်​ခဲ့​သော​တပ်မက်​မှု​များ​နောက်​သို့ ယခု​မ​လိုက်​ကြ​ဘဲ နာခံ​မှု​ရှိ​သော​သားသမီး​များ​ကဲ့သို့​ဖြစ်၍

ဗျာ​ဒိတ် 12:9

ထိုအခါ တစ်ကမ္ဘာလုံး​ကို​လှည့်ဖြား​၍ မာရ်နတ်​ဟူ၍​လည်းကောင်း၊ စာတန်​ဟူ၍​လည်းကောင်း အခေါ်​ခံရ​သည့် ရှေး​မြွေ​ဟောင်း​တည်းဟူသော​နဂါး​ကြီး​သည် မြေကြီး​ပေါ်သို့​ပစ်ချ​ခြင်း​ခံရ​လေ​၏။ သူ​နှင့်အတူ သူ​၏​စေတမန်​တို့​သည်​လည်း ပစ်ချ​ခြင်း​ခံရ​ကြ​၏။

ဗျာ​ဒိတ် 13:14

သူ​သည် ပထမ​သားရဲ​ရှေ့​၌ ပြု​ခွင့်​ရရှိ​ထား​သော​နိမိတ်​လက္ခဏာ​များ​အားဖြင့် ကမ္ဘာ​မြေကြီး​ပေါ်တွင်​နေထိုင်​သော​သူ​အားလုံး​တို့​ကို​လှည့်ဖြား​၍ ဓား​ဒဏ်ရာ​ရှိ​သော်လည်း အသက်ရှင်​ခဲ့​သော​သားရဲ​၏​ရုပ်တု​ကို​ပြုလုပ်​ရန် ကမ္ဘာ​မြေကြီး​ပေါ်၌​နေထိုင်​သော​သူ​တို့​အား​စေခိုင်း​၏။

ဗျာ​ဒိတ် 18:2

သူ​သည် ကျယ်လောင်​သော​အသံ​ဖြင့်​ကြွေးကြော်​လျက် “ဘေဘီလုံ​မြို့​ကြီး​သည် ပြိုလဲ​ပြီ၊ ပြိုလဲ​ပြီ။ ၎င်း​သည် နတ်ဆိုး​တို့​နေထိုင်​ရာ​အရပ်၊ ညစ်ညူး​သော​နတ်​အပေါင်း​တို့​၏​ခိုအောင်း​ရာ​အရပ်၊ ညစ်ညူး​သော​ငှက်​အမျိုးမျိုး​တို့​၏​ခိုအောင်း​ရာ​အရပ်​နှင့် ညစ်ညူး​၍​ရွံရှာ​ဖွယ်​ကောင်း​သော​သတ္တဝါ​အပေါင်း​တို့​၏​ခိုအောင်း​ရာ​အရပ် ဖြစ်​လေ​ပြီ။